لا لعزبة ابوفراس... نجحوا او مانجحوا وش تتوقعون

[راعي الشاص]

انا قريت كل الردود

لكن اشوف فيه شحن نفسي قاسي ضدك يابو فراس

بس ااشوف خشم الحصان واقف لهم ولذا لاتهتم يابو فراس

[ابو فراس]

خلاص يااخوان

ما بعنا بالكوم الا اليوم

اكشت مع ابو فراس ولك هدية عزبة ابو نواف

كعادة الهدايا التي تقدم مع البضاعة

صناعة صينية تستخدم مرة واحدة او بدون

[تميم]

مع احترامي الشديد (والشديد جدا جدا لعمدتنا وعمنا ابو فراس) الا انني اعتقد انه عزبة ابو فراس نظام شيبان يعني ياخذ معه ماثقل وزنه ورخص سعرة...


لذا فانا من مشجعين عزبة الشباب الصغيرين اللي مثلي العزب الاتيكيت المختصرة...

هذي وجهة نظري وانا حر بها......

[ابو فراس]

ايييييييييييييييييييييه يابو عبدالله

انتم يالشباب تملون سياراتكم من هالعزب الصينية ومن ثم يخربن وترمونهن وتجون وتخلونهن هناك علشان ما تغسلونهن

يمكن انهن استعمال مرة واحدة بس

يمكن علشان كذا انتم توفرون الماء

عسانا نبي نشوفك الليلة ان شاء الله

[تميم]

اسف جدا حبيبنا وعمدتنا ابو فراس لتاخير الرد لظروف طلعة العجاج اللي رحنا له وجلسنا بعده ثلاث ايام مغير نتروش...
عزبنا يبو فراس صح انه صينية لكن لاتنسى ان الصيني هو اللي ماسك السوق الان؟
بس حلوة توفرورن الماء...
ولا انسى على طاري تجي الليله اقول لكم اكرمكم الله...

[ابو فراس]

ابو عبدالله

شوفت عينك قضى الموسم وما شفنا عزبة الجارمن ( ابو نواف )

خل نشوف عزبك اللي يبدو انه عزبة شيبان لانه قديمة واصلية

[شايب الصمان]

المشاركة الأصلية كتبت بواسطة ابو فراس

ابو عبدالله

شوفت عينك قضى الموسم وما شفنا عزبة الجارمن ( ابو نواف )

خل نشوف عزبك اللي يبدو انه عزبة شيبان لانه قديمة واصلية

تآمر آمر حدد الوقت الي يناسبك وأصدر آمرك .......... لا ويمدحون البحر قبل الرطوبه .

[الجارمن]

ابو فراس
عزبتي ما تنشاف بشكل مباشر
ولكن تشوف افعال هذه العزبة واعتقد انك شفت وش زينت هذه العزبة بطلعتنا الاخيرة

[ابو فراس]

اخوي الجارمن

انت اخوي الصغير واتمنى لك الخير كله

واعتقد ان الشهود بأخر كشتة شاهدوا النواقص واللي ختم النواقص اختفاء القهوة من عزبتي

الغريب ان شريكك بالعزبة ما له ردود او يخاف من الصيدات

[الجارمن]

الاخ ابو فراس
صحيح ان العزبة في رحلتنا الاخير كان فيه بعض النواقص وانت تدري وش سبب النواقص
لكن لا يمنعا انا العزبة كان فيها اجابيات كثيرة وكبيرة غطت على السلبيات وهذا بإعتراف جميع من كان في الرحلة

[تميم]

ابو فراس / اولا مساك الله بالخير بالخير لاني اكتب الرد بعدالمغرب...
ثانيا انا مااخاف من الصيدات ولكن توي جاي من كشتة العجاج رقم (2) ويبي لي ثلاث ايام مغير نتسبح.
ثالثا / لي عودة قريبه ان شاء الله وبعدين ومتى وعدنا عندنا؟؟؟؟؟؟؟؟؟

[ابو فراس]

قال من شاهدك يابا الحصين قال ....... وتكرم يالشاهد

شاهدك يابو نواف هو اللي...... والا بلاش نتكلم

قال صفوا صفين قالوا حنا اثنين

ما غير انت وابو صقر

اخوي تميم ابو عبدالله

لا تداقش وترا ربعك اللي انت تدافع عنهم ياسرع ما يمدلون بك خلك مع الشياب عقل وثقل

بعدين الوعد انتم حددوه وحنا ان شاء الله مستعدين

[ابو صقر]

العزيز ابو فراس مساك الله بالخير وكل من يقراء هذه السطور
اصبر شوي ابوجه كلامي لبو نواف في البدايه رغم انك انت الكبير
الجارمن او اسميك المقاوم ان لكل احتلال مقاومه ولابد للمقاومه من بعض الخسائر في سبيل التحرر من سطوة المحتل وقطع الالف ميل تبداء بخطوه وانت ماشاالله عليك قطعت اميال في التحرر واني ارا بوادر النصر لاحت في الافق والحريه قريبه .
وانا شاهد عيان للموضوع من اوله والشهاده لله ان عزبتك تصل قريب جدا من حد الكمال والكمال لله سبحانه بس انا في رايي في العزبه فيه اساسيات وفيه كماليات وموضوع الكماليات هذا مفتوح وصعب على الجميع اكماله حتى عمدتنا العزيز يعني على سبيل المثال يجي ابو فراس يطلب قهوة فرنسيه بالبندق وتقوله والله ماجبت يقولك وش هالعزبه ناقصه
بس من ناحيت الاساسيات هي معاميل القهوه والشاهي واغراض الطبخ والفرشات والخيمه وتوفر الماء وهذولي كلهن موجودات عندك بل بالعكس فيه شي من هالاساسيات ماهوب موجود مع عمدتنا العزيز

اقول : انا اعتبرك شجاع وفارس انك دخلت هالتحد ي برغم عدم وجود سيارة معك وللمعلوميه ترا الجارمن رفض اجيب اي شي معي بس فراشي


الغالي ابو فراس يشهد الله اني احبك في الله واستمتع في الطلعه معك ولا يهونون الربع (وبيني وبينك ارتاح لانه اكيد مافيه شي ناقص)
لكن لست الوحيد المتفرد في هذه الصفه الحين جا الجارمن 2007

واسف على الاطاله
وعلى التأخير الصقر لعب بالجهاز واعدمه عاد تخبر اخوك يومه سنه على بال مازينته
وفالكم التوفيق يارب الموسم القادم يبي يكون فيه منافسه شديده الله يعين

[الجارمن]

الاخ العزيز ابو صقر
اولاً : حلوه الجارمن 2007 -
وثانيأ اشكرك على تفاعلك القوي في هذا الموضوع وردك على حزب الشيبان اللذين مازالو يعتقدون بان عزبتهم هي الافضل
كل شي يتقدم ويتطور الا عزبتهم
صحيح عزبتهم شبه كاملة ولكن زي ماقلت بالكماليات لكن الاساسيات ما اعتقد يقدرون يجابهون جيل الشباب - جيل جديد وعزبة متطور لدحر جيل الشيبان - لذلك لو سمحت ابو صقر من اليوم ورايح ابي اسمي عزبتي العزبة التكنولوجية
وفي الختام احب اوجه كلمة لحزب الشيبان اقول موعدنا الموسم القادم مع الموتر الجديد والاكتساح الشديد

[تميم]

ابو فراس
الله يعينك على الهجوم
كثروا منتقدينك


لاتنسى الاثنين