ابي ترمومتر للسياره وين أحصله ؟؟؟

[شقرآآآوي]

السلام عليكم ورحمة الله وبركاته ..

يالله حيهم .. كل واحد بأسمه

ياجماعة انا معي باترول بس مافيه ترمومتر ..

وودي اشري لي ترمومتر صغير ودقيق ..

فيه أحد يدلني على مكان وجوده ؟؟

[البجلي]

ياهلا ومسهلا
ياليت عند اخوك علم
لكن الشباب ان شاء الله يلدونك على مكان بيعه
تقبل تقديري

[جناح الحر]

هلا بالشقراوي .......... أنا ماخذ واحد من عند الرمايه ممتاز جدا ..
سعره ب 60 .. وغيرت بطاريته وله سلك ويعطيك درجه الحراره داخل الغماره ( المركبه ) وخارجها ............. وقارنته بدرجه سيارات وحول بعض الدرجه
وبالنسبه للرمايه سكرو فرعهم اللي بشارع التخصصي بالرياض ؟ وانتقلو لحي العقيق مقابل خي الصحافه وبجوار كبري القصيم تماما .......... وعندي صور بس مااعرف انزلها .................. علما انني بحثت في ساكو وكارفور والغرابي وهايبر بنده ولم اجد سوى انواع رديئه جدا ........

[اكليل الجبل]

شوف يالحبيب انا لاقية بساكو بتبوك وشكلة بعد رسمي للموتر فية تيرمو متر وبوصلة وعلى ماضن ساعة وله سلك دقيق جداً عشان توصلة لخارج السيارة وسعرة تقريباً 74 ريال اذا ماني ناسي .

[عبدالرحمن الدرويش]

شقرآآآوي.. هلا بك

وما شاء الله تبارك الله الإخوة الكرام ما قصروا لكن وللفائدة هذه روابط لمواضيع سابقة بهذا الشأن..
-كيف يتم تثبيت مقياس حرارة في السيارة
http://alrahlat.com/vb/showthread.php?t=6176
-لجميع السيارات مقياس درجة حرارة الجو داخل السيارة وخارجها بـ 16 ريال فقط
http://www.alrahlat.com/vb/showthread.php?t=3213
وأتمنى ان تجد الفائدة منها
أخوك.. أبو فهد

[محمد الديحاني]

المشاركة الأصلية كتبت بواسطة ع.ف.الدرويش

شقرآآآوي.. هلا بك

وما شاء الله تبارك الله الإخوة الكرام ما قصروا لكن وللفائدة هذه روابط لمواضيع سابقة بهذا الشأن..
-كيف يتم تثبيت مقياس حرارة في السيارة
http://alrahlat.com/vb/showthread.php?t=6176
-لجميع السيارات مقياس درجة حرارة الجو داخل السيارة وخارجها بـ 16 ريال فقط
http://www.alrahlat.com/vb/showthread.php?t=3213
وأتمنى ان تجد الفائدة منها
أخوك.. أبو فهد

سبقني ابو فهد.........انا مركبة لي سنة الي عند بندة ابو 16 ريال ماهو شين لكن في الصيف وفي الموتر حرارة اطلب ربك تغدي الشاشة سودا.... لذا اذا انك نويت تشتري اشتر شي اصلي لو غالي وريح راسك...


موفق بإذن الله ... لك مني أجمل تحية .

[شقرآآآوي]

البجلي .. ماقصرت يخوك .. والشباب ماقصروا ..

جناح الحر .. ألف شكر لك بروح ان شاء الله للرمايه واشوفه ..

الاكليل.. جزاك الله خير .. وماقصرت .

ع.ف. الدرويش .. جزاك الله خير على روابط المواضيع القديمه والي نستفيد منها ان شاء الله ..

أبو زايد .. جزاك الله خير على طرح تجربتك ..