رحلة المشاوير...... والهوش ......ووناسه مع متدربين جدد
السلام عليكم ورحمه الله وبركاته
رحله قبل العيد من يوم الثلاثاء 2- 12- 2008 الى السبت ... الرحاله أبوفراس . الجارمن . أبوصقر . المترو . أبوفيصل . بسام .( وستة متدربين جدد ) شايب الصمان بس هالمره مهب بالدوج بالأف جي تجربه فقط يعني الكبر شين .
وبعض الناس مهب بسام عندهم كفشات واعدينا بالصور ياهي صور على الكيف ولقطات تسمينيه ......... .
وسوف ترفع قضيه على كل من .... م ج... و... خ ش .....وظيوفهم الكرام ؟؟؟؟
مسار الرحله :
يوم الثلاثاء قبل الفجر المشيه من الخبر والوجهه الرفيعه عن طريق النعيريه - قريه العليا - الرفيعه .
لقاء العمده بالمحطه الجديده والتوجه الى جنوب الصمان حتى الفيضه المقصودهمرورا بماحول طرقنا من أماكن رائعه وربيع طيب .
... ورجعت للخبر صباح الاربعاء لوجود مناسبه وضروري تواجدي ( أو أنطق من ام العيال .. ) وبعد المناسبه رجعت للحبايب الساعه 4 صباحا يوم الخميس وعيونكم ماتشوف الا النور وبعدج الكبده من يد أخوي الحبيب الجارمن مع شوي حنيني وشوي فول .. وتعليص أخوي أبوصقر ... نمت شوي .....
تكيدة العمده المشهوره .
شاهي من عزبة العمده بروضه على الطريق ..... إستراحة محارب .....
من خير رب العالمين علينا فيضه على الدرب ماهي موجوده بالجهاز
لايزال الخير فيضة برمه
الله يبارك لراعيه ....
العمده يتفقد العزبه مع أنه أنا معه فقط ... هل تتوقعون أنه فيه أتفاق مع مثلا مع الجارمن وأبوصقر على أنقاص شىء من عزبة العمده ونسئله ويصير ماعنده ويكونون هم عزبتهم كامله
فيضه آخرى من جنوب الصمان
وعند النهايه كان هناك هوشه كبيره من أبوصقر لي وللجارمن ضفينا كل شىء وحملنا أغراضنا وحطيناه بالسيارات ولاتركنا لأبوصقر قهوه ولاشاهي ولافطور بالعربي عقاب ليه يصفر ويطول يالتصفيره .... بس جاك سوسة الصخر المترو وزاد النار كسيرات غضا يحبه قلبك وشاط أبوصقر تبون أقوم من النوم على السياره وأمسك طريق 6 ساعات بدون فطور ولاقهوه ( على كيفكم ) لاطال عمرك على كيفك .... وحبيت خشم أبوصقر ورفض بشده وبقوه وأجغف راسه واشوى هبط شوي ويزده كسيرات غضا الحبيب الغالي ويشيط مره ثانيه والدليل أنهم ماخالونا نشاركهم الفطور أنا والجارمن ماغير نطالعهم وبس ونقول الله يجعل مداخيله العافيه .
ونسئل الله العلي القدير أن يرزقنا الخير الفير على المسلمين أجمعين .
السلام عليكم
كل عام وانت بخير يابو عبدالله ومن العايدين
على البركة الجيب الان بتحس بطعم الراحة والمتانه مع تويوتا فقط
رحلة موفقه و صحبة طيبة ولكن ما تبطل هوشات
خلينا نشوفك بطلعة مع حمد و الدكتور بدر ابو ناصر
والسلام
مع تحيات ابراهيم
السلام عليكم ورحمة الله وبركاته
اولا
كل سنه وانتم بخير و من العايدين جميعا
ثانيا
وليش هالتهم كلها ضدي يا ابوعبدالله شمواخر! او يا عم محمد؟ كما سماك المتدربين الجدد اصدقائي اللي سمرت معهم وسوليفنا عن الاسد والببغاء وتعليمهم علوم الرجال ؟ والا تدري بدون ذكر اسماء؟؟؟؟؟؟؟؟؟
ثالثا بعد مغادرة العمده الله يحفظه بانت علوم واجد ؟
وموضوع الفطور اجل ناس تقوم من صلاة الفجر وتفطر ومع طلوع الشمس تفطرفطور ثاني وبعدها بنصف ساعه فطور اخر ويوم قام ابو صقر واصدفائي مالقو شيء يبل ريقهم وابو صقر زعل عشانهم وليس عشان نفسه وانا تدخلت وسويت الفطور لهم ارقع خمالكم يا الافكاك المفترسه:d
رابعا موضوع المركى تراه عندي يا ابوفراس بالحفظ واحد بدون ذكر اسماء؟؟؟ نصحني اني اخذه واثر المقصد تركيب تهمه علي
ولولا تدخل ابوفيصل كان استوليت على المركى المغتصب من ابوشعلان بالسابق لكن السبه ابوفيصل خرب الخطه
رحلة المشاوير...... والهوش ......ووناسه مع متدربين جدد
الرحاله أبوفراس . الجارمن . أبوصقر . المترو . أبوفيصل . بسام .( وستة متدربين جدد 
) شايب الصمان بس هالمره مهب بالدوج بالأف جي تجربه فقط يعني الكبر شين . 
.
) وبعد المناسبه رجعت للحبايب الساعه 4 صباحا يوم الخميس وعيونكم ماتشوف الا النور وبعدج الكبده من يد أخوي الحبيب الجارمن مع شوي حنيني وشوي فول .. وتعليص أخوي أبوصقر ... نمت شوي ..... 
لي وللجارمن 
العرض العادي
