الشاص

[المحمل]

لقيت الشاص مركوب و منظـر

خفيف الوزن و عزومه قويــه
********
على السكـــه كما الهملول إلى امطر
وبالصحـرا كمـــــا وحش بليـــــه
********
مهــوب إليـــا نطح عقــــم تدبـر
ولا رده شعيـــب أو ثنيــــــــــه
********
وسـواقــــه كريــمٍ مــا تكبـــــــر
على غيره عقب صفـــق برديـــه
********
نـــــخاه اللي بمكشاته تحســــر
ونشب مـــــويتره بالعكرشيــــه
********
تزهل له ورحب مـــا تعـــــــذر
وتلـــه تل دلــــو من ركيـــــــه
********
وذود العيـر لا سنــــد و حــــدر
لزوم الشــاص يبــرا للمطيــــه
********
عليه من الحمل طنين و أكثــــر
من أصناف العــزب الموسميـه
********
وللمقنـــاص شاص و لا تحير
ولا قد شيف بالمقناص زيــــه
********
ولا عنـــه و عــن الظبي المذير
بخبـــات الدهن و المهمهيـــــه
********
أشوف البعض بــالأقيام يغتـــر
ولا ينشد عن أفعــال و مزيـــه
********
وزود السعر للجهـــال مظهــــر
وصنع الفنس فــاق الجرمنيـــه
********
بعضهم يشري الموتر و يخســـر
إلى باعه عقب ممشى ضحويــه
********
وشاري الشــــاص شراي للأصفر
لبـوس و سلعــة بالســوق حيـــه
********
لانيبــــــه راعي نيــــاق ولا بــر
ولا صاحب دعــايــه أو بغيـــــه
********
وقول الحق مثل الصبح إلى اسفر
تشوف التلعــــه و قــاع الهبيـــه
********
ومن لا شــاور إبخيص تبغـــور
وطــــاح بسلعــــة قشراً رديـــه

[عبدالكريم اليوسف]

الغالي
كل الشكر لك
والطرق الصخري جميل
لاعدمناك
اخوك

[ريف النشاما]

لقيت الشاص مركوب و منظـر=خفيف الوزن و عزومه قويــه
على السكـــه كما الهملول إلى امطر=وبالصحـرا كمـــــا وحش بليـــــه
مهــوب إليـــا نطح عقــــم تدبـر=ولا رده شعيـــب أو ثنيــــــــــه
وسـواقــــه كريــمٍ مــا تكبـــــــر=على غيره عقب صفـــق برديـــه
نـــــخاه اللي بمكشاته تحســــر=ونشب مـــــويتره بالعكرشيــــه
تزهل له ورحب مـــا تعـــــــذر=وتلـــه تل دلــــو من ركيـــــــه
وذود العيـر لا سنــــد و حــــدر=لزوم الشــاص يبــرا للمطيــــه
عليه من الحمل طنين و أكثــــر=من أصناف العــزب الموسميـه
وللمقنـــاص شاص و لا تحير=ولا قد شيف بالمقناص زيــــه
ولا عنـــه و عــن الظبي المذير=بخبـــات الدهن و المهمهيـــــه
أشوف البعض بــالأقيام يغتـــر=ولا ينشد عن أفعــال و مزيـــه
وزود السعر للجهـــال مظهــــر=وصنع الفنس فــاق الجرمنيـــه
بعضهم يشري الموتر و يخســـر=إلى باعه عقب ممشى ضحويــه
وشاري الشــــاص شراي للأصفر=لبـوس و سلعــة بالســوق حيـــه
لانيبــــــه راعي نيــــاق ولا بــر=ولا صاحب دعــايــه أو بغيـــــه
وقول الحق مثل الصبح إلى اسفر=تشوف التلعــــه و قــاع الهبيـــه
ومن لا شــاور إبخيص تبغـــور=وطــــاح بسلعــــة قشراً رديـــه

[ابو فراس]

رائع يالمحمل وكمل الروعة ريف النشاما بالاخراج

[المهاا]

أخوي
صح لسانك ولا هنت ..
نص رائع .. أمتعتنا به
طاب حرفك العذب

سلمت مشاعرك

[محمد بن سيف]

المحمل صح لسانك وبيض الله وجهك.

(مصمم الشيصان ماهو طبيعي"-" تقول جاه الوحي من عالم الجن)

لاهنت

[سحابة صيف ؟]

اختيار موفق ورائعه

[ايكوم]

وش ذا الابداع يا المحمل
ومشكور لريف النشاما

[شايب الصمان]

رائع جدا جدا ياالمحمل .

كل هذا من أثر تحدي العشاء بروضة ... بوس الراس ...... اثرك مبدع .

[المحمل]

حياكم الله جميعا

اسعدني تواجدكم

[أبوخالد التويجري]

ماشاء الله تبارك الله


صح لسانك واعتلى شانك ولا هنت يالقرم



وين الإبداع والحركات هذي وينها ماشفناك في القسم هذا

المهم نبي الجديد وابشر من يضبط لك الإخراج ريف لنشاما



لا هنت يالقرم





ابوخالد
نوماس سدير