قصيدة ودي بشوف البر عقب التباريح

[الصلبوخي]

السلام عليكم ورحمه الله وبركاته

مساكم الله بكل خير

قصيدة ودي بشوف البر عقب التباريح

للشاعر عبدالله الشمري

واداء اخي الغالي ابونواف

ودي بشوف البر عقب التباريـح
في خايع مسقيه مزنن خيالـي
يحوي زهور ريحها جابته ريـح
بالقاع أشوفه كنهـا كالزوالـي
والطير بالجنحان له دوم تلويـح
ويغرد و يملا الفيافـي جمالـي
في خايع مافيه ذود و مساريـح
ماطبته رعيان تقفـى الحلالـي
ياما حلا تدويجتن به وتصليـح
ادلال رسلان بها الكيف سالـي
وأسوقها للى معي من مفاليـح
أهل السطر و أهل العلا والمعالي
ونجاذب أطراف القصايد متى تيح
ونردده أليا أسود الليـل طالـي
هذي طرات البال يافريح يافريح
عندي كما شرب القراح الزلالي
وختامها مني صـلاة وتسبيـح
بختام قول قلتـه وقـد بدالـي

رابط الحفظ

اتمنى ان تعجبكم وتنال رضاكم

دمتم في حفظ الله ورعايته

[ريف النشاما]

مشكور وماقصرت


هيضتنا للبر والصبح مابان

[سهيل]

ايه والله هيضتنا الله يغيثنا

برحمته


شكرا اخي لهذا الرائعة

[البارق]

الغالي الصلبوخي
بارك الله فيك
صح لسانك ولسان الشاعر
ابيات جميلة وصور جميلة

لاهنت
يالحبيب

,,,,,في حفظ الرحمن,,,,,

[عبدالرحمن المحلاوي]

صح لسانك ولسان الشمري ولسان أبو نواف ..
وكل ألسنتكم .. << صار مسلخ غنم



قصيدة رائعة .. وطرح جميل .. وصوت متميز ..




اللهم إنا نستغفرك .. إنك كنت غفارا .. فأنزل السماء علينا مدرارا


.
.
.

[الصلبوخي]

المشاركة الأصلية كتبت بواسطة ريف النشاما

مشكور وماقصرت


هيضتنا للبر والصبح مابان

لاشكر على واجب اخي الكريم ريف النشاما

والله يعين والصبح قريب يالغالي

شاكر لك هذا الحضور

دمت في حفظ الرحمن

[الصلبوخي]

المشاركة الأصلية كتبت بواسطة سهيل

ايه والله هيضتنا الله يغيثنا

برحمته


شكرا اخي لهذا الرائعة

حياك الله اخي الكريم سهيل

والرائع هو مرورك الكريم

دمت في حفظ الرحمن

[كاشت]

الف شكر والله يعفيك

[عبدالكريم اليوسف]

كل الشكر لك يالامير
على هذه الصور وهذه الابيات الاجمل
والتى تجعلنا نرفع الاكف متضرعين لله تعالى

الهم اغثنا اللهم اغثنا اللهم اغثنا

لاعدمناك

[ثامرالماضي]

بسم الله الرحمن الرحيم

أخوي الصلبوخي ...

مشكور يالغالي ... على هالرائعة ...

وصح لسان الشاعر/ عبدالله الشمري ... وصح لسان أبو نواف على الإلقاء الرائع ...

الله يعطيك العافيه يارب ...

ولاتحرمنا من جديدك ...

,,,,,,,,,,,,,,, تحياتي ,,,,,,,,,,,,,,

[ابونورة]

ياارب انك تشفيه وتعافيه ياحي ياقيوم

اخوي ابومحمد

الله يعيطك العافية انت والغالي ابونواف والشاعر الشمري

وبيض الله وجيهكم

وان شاء الله تشوف الربيع والبر قريب بحول الله وقوته

وانت في احسن حال

واشوفك تمشى على جال شعيب صلبوخ وانت بصحتك وعافيتك يارب

اسال الله العظيم رب العرش ان يشفيك ويعايفك عاجلا غير آجل

ماقصرتوا يالغالي