الشوكويف ..مجانين هالعالم

[هزيم الرعد]

اليوم العصر كنت عند التلفزيون ...وكنت فاتح على قناة ديسكفري 2 وكان فيها برنامج عن أضخم الآلات تكلموا عن 5 آلات ضخمة وأنا مالحقت إلا على الرابعة اللي هي كاتربيلر وهي قلابي كبير جدا قطر الكفر حقه 4 متر تشوف الرجال مصور تحته كأنه واحد قزم جدا مصور تحت قلابي عادي ...ويقول المذيع أن هالشاحنة تنقل في المرة الواحدة 400 طن من التراب بوجه العدو ..ولو إنفجر الكفر والسيارة محملة تتكسر الزجاج ..وسعر الكفر الواحد منه بـ 50 ألف دولار ..
.
.
.
.

المهم مهوب هذا الشي اللي انا ابتكلم عنه ... اللي ابتكلم عنه هو السيارة التالية ...وهي شاحنة ... قامت عائلة إسمها شوكلي Shockley's بتصميمها ...هي شاحنة عادية .. لكن حسب كلام مقدم البرنامج أن بخلف هذي الشاحنة تم تركيب ثلاث نفاثات لطائرات نفاثة بنظام الديزل ...وتولد 36 ألف حصان ...ويقول لما تنطلق الشاحنة فهي تنطلق بقوة تفوق جاذبية الأرض بـ 3 مرات .. يعني يقول أنها في مقام المكوك الفضائي في الإنطلاق ...وأنها تحرق في الـ 10 ثواني المخصصة لإنطلاقها 450 لتر من المازوت ...لتصل سرعتها إلى 500 كم في الساعة ... شي عجيب أدهشني البرنامج ...مهما قلت لكم ماراح أقدر أوصل لكم الفكرة

قلت ياولد إبحث لعلك تلاقي عنها شي ...وكانوا مسمين هالشاحنة أو هالطريقة بـ شوك ويف ... رحت لم اليوتيوب وكتبتها بطريقة بسيطة على بساطة إنجليزيتي ...ولكن طلع لي خيار هل تقصد شوكويف قلت نعم .. وجلست أشوف مقاطع كثيرة لهذي الشاحنة ... حاولت أحملها وأرفعها من جديد وفشلت
ولقيت لها مقطع في اليوتيوب حاطين خلف الشاحنة باص صغير ويتقلب من شدة دفع الهواء من المحركات
الصراحة ياجماعة أنا شفت إنطلاقة عجيبة وتحدي بينها وبين الطيارة ... ياليت تدققون في المقطع هذا بالذات وفيه مقطع ثاني يبين قوتها ..وعلى فكرة ...ماتقدر توقف هالسيارة إلا بالبراشوت
عموما ... إن قدرت أرفع لها ملفات فهي خير ونعمة وإن ماقدرت فأنتم ماعليكم إلا كتابة
Shockwave
أو
Shockley's في اليوتيوب
وشوف كيف العالم فعلا مجنون

هذا أحد الملفات قدرت أحمله وهو لتحدي بين الشوكويف وطيارة
ياليت الله يسلمكم تقصرون على صوت السماعات لأن فيه دندنة عود أمريكي http://up.m5zn.com/158409183803/Les Shockley's Jet Truck Dragster.flv
حجم الملف 3 ميجا وشوي
وإذا الموضوع معروف لديكم عاد وش أسوي بس أنا متحمس قلت يمكن مايدرون ربعنا

[البارق]

الله يعطيك العافية يابوصالح لاهنت يالغالي

[هزيم الرعد]

المشاركة الأصلية كتبت بواسطة البارق

الله يعطيك العافية يابوصالح لاهنت يالغالي

الله يعافيك يالغالي
شاكر لك مرورك وتعليقك ....

[عاشق الترحال]

يعطيك العافية

ونشوف المقاطع في البيت لأنه في العمل كل شي مقفل هههههههههههههههه

[برق تميم]

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه


تستهزون بالديزل هاه

خل البنزين ينفعكم

[هزيم الرعد]

المشاركة الأصلية كتبت بواسطة عاشق الترحال

يعطيك العافية

ونشوف المقاطع في البيت لأنه في العمل كل شي مقفل هههههههههههههههه

زين معطينكم أنترنت ... المشكلة اللي دوامه مافيه إلاكمبيوتر مصنق ولافيه أنترنت
ننتظر عودتك وياهلابك

[هزيم الرعد]

المشاركة الأصلية كتبت بواسطة برق تميم

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هه


تستهزون بالديزل هاه

خل البنزين ينفعكم

هذا ياخوك مهوب ديزل طبيعي
ديزل طيارات ... التانكي منه بهكالقيسة
تحسبه حق الحراثات ....
الله يحييك وهلابك