(( كل واحد يعلمنا برنامجه في العيد ))

[بدوي حضري]

السلام عليكم ورحمة الله وبركـــــــــآته ..

كل عام والجمـــــــــيع بصحه وسلامة .... وعيدكم مبارك (( قبل الزحمــــــه ))

بحكم ان حنا على وشك أيام العيــد وفي اوآخر هذا الشهر الكريم اسأل الله ان يكتب لي ولكم الاجر فيه وان يتقبل منا ومنكم صالح الأعمــال ,,

الموضوع واضح من عنوانه نبي كل واحد فيكم يقول لنا وش برنامجه في العيد من اول مايسمع اذان الفجر

كيف جدولكم وين تروحون وين تجون وش انشطتكم >>>>>>>>>> متحمس للعيد

في انتــــــــــظار ردودكم وتفاعلكم

[عبدالله الحربي ابو راكان]

قولنا ويش برنامجك انت اول

[Abdullah K. AL-Hassan]

ياهلا وغلا بـ بدوي حضري
.
.
.


شفي شمال ولا استحب الجنوبــــــي.....من مرقب الراعي إلى القور ويسار

[بدوي حضري]

المشاركة الأصلية كتبت بواسطة عبدالله الحربي ابو راكان

قولنا ويش برنامجك انت اول

هلا ابو راكان شكراً لمرورك يالغالي

[بدوي حضري]

المشاركة الأصلية كتبت بواسطة Abdullah K. AL-Hassan

ياهلا وغلا بـ بدوي حضري
.
.
.


شفي شمال ولا استحب الجنوبــــــي.....من مرقب الراعي إلى القور ويسار

هلا والله بالغـــــــــآلي عبدالله


هيضتنا بهالابيــات للشاعر الكبير بدر الحويفي



لضاق صدري قلت بس اطلعوا بي *** خلوني آخذ لي مع البر مشوار

مانيب قاعد بس أحسب إذنوبي *** أعبر أوقاتي من الحوش للدار

شفي شمال ولا أستحب الجنوبي *** من مرقب الراعي إلى القور ويسار

عارف مناهيج الخلى والدروبي *** ماني من اللي لأظلم الليل يحتار

وفي انتظار برنامجك يالغـــــــــــــــــالي

[بدوي حضري]

برنامجي لصــبآح اول ايام العيــد

اول شي طبعاً انا مانمت مواصل تخبرون ايام عيد ومايجيك النوم لو ويش ,,

اول ماسمعت اذن الفجر دقيت بشاور مويه بارررررده على كيف كيفك تصحصح بالواحد صح وبعده رحت امشط الشوشه علشان تزبط الكشخه صح وادق ذاك العطر وبذاك الثوب القلاب اللي كل من شافني قال لي مبروك يحسبني بروح اخطب شوي الا هذي الوالده جعل ربي يحفظها مسويةً ذيك القهوه والحلا والعود والحركات اخذت لي فنجال علشان خاطرها وبعده لبست الشماغ والعقال وجلست اشخص عند المرايه واقول في خاطري كوبرا يابدوي حضري والا هدد والا وش اشخص الا هذي الوالده جايبتن لي البشت قلت ذا وشوله قالت البسه اوماااااا البسه كثري لي منها هههههههههههه تخبرون حنا يالشباب صعبه تلبس بشت وتدش المسجد بالبشت كل من شافك قال وشعنده ذالشايب جاي مع ذالفجر لابسن ذالبشت


عاد انواع التطنز شباب حارتنا لاشافوني داخل بالبشت في المسجد

المهم حاولت ارقع منا ومنا مافيه فايده قلت خلاص بلبسه بس لامن طلعنا من المسجد ورحنا نسلم على الربع قالت بكيفك المهم اني اشوفه عليك لابسه قلت من عيوني يابعد عيوني ام بدوي حضري شكلها ناويه تخطب لي في هالعيــــــــــــد ومسويه حركات تمويه مناك لامناك

المهم صلينا وكانت الاجواء جداً جداً رائعه واحساس حلووو ماناقصنا الا غيم ومطر وتصير خياليه صح >>>> ناوي كشته يالحبيب

بعد ماقضينا من الصلاة وزحمة الناس والبزارين توجهنا كالعاده الى الاقارب والسلام عليهم طبعاً كلهم بيتين سلمنا عليهم ورجعنا للبيت شوي ومعايده للجيران واهل الحاره بس تبون الصدق منظر البزارين فالعيد شي صراحه ودك بس تفرج فيهم اللي طاق بذاك البشت واللي مشخص كوبرا منعوجه والبنيات انواع الشبصات في روسهن ومسويات ثقل على العيال مايمشون معهم ياحليلهم وبعده عاد اعلنا الانطلاقه الى الخبر وتغدينا عندهم واستانسنا معهم وبدوي حضري مغير ياكل من ذالحلويات اللي عورتني كبدي اسرفت في عمري اليوم اسراف وجلسنا عند هل الخبر الين جات الساعه 2:30 بعده ماعاد اشوف ابي النوووووووووووووووووم والناس يسولفون ويضحكون وانا مغير مفهي مانب صوبهم

صكيت لي بيالة شاهي بعد الغدا وبعده قلت وينك ياخط بقيق

وصلت بقيق على اذان العصر صليت العصر واحلىىىىىىىى نوممممممممه ولاقمت الا بعد المغرب

والى هنا انتهى برنامجي للعيد

وفي انتظار برامجكم فالعيد واذا فيه صور احلى واحلى

ملاحظه / لبست البشت لبسه غبيه يد داخل البشت ويد برى >>> مسوي فيها معرس