عزبتنا ولا عزبتهم

[سحمان السبيعي]

في احد المواقع فيه عزب للاجانب طبعا لفت نظري كيف يرتبون عزبتهم وكان الفرق بينا وبينهم احنا الواحد لطلع جاب عزبته له وللربع كلهم والاخرين كذالك وتكون الدنيا كلها عزب تكفيلها ديرة ما دري هو شي زين ولا شين شوفوا عزبة الشخص عندهم

[المغترب]

مشكور اخوي كان ..
عزيه حلوه ومرتبه ..
لاكن وين القدر والوناسه عشان النثريه ..
ولو اجيبها عندالعيال بالكشته رحت ملح ..

[سحمان السبيعي]

اخوي المغترب شكرا للمرور وبعدين تقول راحت ملح هذا اسلم اولا من لسانهم والذب عليك تكره الطلعه وترجع لبيتكم من بدايتها

[قناص الحبارى]

اخوي الغالي / كــــان ،،

يا خوي هذولا الأجانب والخواجات (( help your self ))

يعني أخدم نفسك بنفسك وما عليك من غيرك .. وفعلا أنها مرتبه ووذفه وسهله الحمل ولكن تصلح لنص رجال ,,,,


أما عزبتنا وأن كان فيها نوع من المبالغه أو قد تكون مبعثره ولكن عزبه أجواد وكرام شرواك يالغالي ..

ثانيا وين قدور الضغط ؟؟؟ وين طاسه الحليب ؟؟؟ وين بيالات الشاهي والفناجيل ..؟؟

هذي تصلح لولدي سلمان ...عمره 8 سنوات ((( تصلح للفسحه بالمدرسه )))

أخوي الغالي / كــــــان ،، ما قصرت وبيض الله وجهك وماقصرت ,,

لا تواخذني ....ترااااااااي أمزح معك ...

[سحمان السبيعي]

قناص الحباري ياهلا ومرحبا بك وترنا محطينها الا عشان الضحك والوانسة

[شايب الصمان]

هلا وغلا بك

على العموم عزبتهم مقياسه عندي ( لواحد أناني مايحب الا نفسه ) أقول خل عنك عزبنا الله يديم علينا الخير والنعمه تشرح الصدر وخاصة الامني نسيت شىء وقمت أبتسم لابوفراس وناخذ النواقص من عزبته العامره وعطاك أحداثية الشىء اللي تبيه ولقية تسوى الدنيا والترتيب والسنع وكل الي يسونه .

[سحمان السبيعي]

اهلا بك اخي شايب الصمان صدقة الله يجزاك خير شكرا على التعليق الحلو

[ابو فراس]

اخوي كان

تقل هذي عزبة واحد يبي يكشت بالمطار

شايب الصمان والله اقترحت على بعض الناس انه يستغل الموسم ويصور مع قهوجية الافراح ويقول هذي عزبتي وش رأيك انت

[سحمان السبيعي]

ياهلا وغلا بك يا ابو فراس والله ضحكتني يوم قلت واحد يبي يكشت يم المطار شكرا لك وتشريفك لنا

[ثامرالماضي]

بسم الله الرحمن الرحيم

على هالعزبه أحس إن موتره سيكل أو دبّاب ...

عقب فتره إنشاءالله بتشوفون صور عزبة أبو فراس ... عند هالانقليز يتناقلونها بينهم بالايميلات ...
ويقولون شوفو العرب إذا بغى يكشت الواحد أخذ المطبخ معه ...

مشكور أخوي كان ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,

[سحمان السبيعي]

يا مرحبا بك اخي ابوشعلان على المرور

[عاشق المطر]

هاذي عزبة دلع..............
مابعد عزبنا............

[ولد نجد]

مهوب معقول هذي عزبة كشاته
اكيد انها عزبه اللي يكشتون رجليه .. ولا وش رايكم

[سحمان السبيعي]

المشاركة الأصلية كتبت بواسطة عاشق المطر

هاذي عزبة دلع..............
مابعد عزبنا............

عاشق مطر شكرا على المرور والتعليق

المشاركة الأصلية كتبت بواسطة ولد نجد

مهوب معقول هذي عزبة كشاته
اكيد انها عزبه اللي يكشتون رجليه .. ولا وش رايكم

ولد نجد شكرا على اثراء الموضوع

[الروقي]

مثل هالاشياء لاتستغرب من الاجانب لانه هذا معروف عنهم الانا وبس