السلام عليكم ياشباب الرحلات الصراحة شريت باترول ربع وشريت جنوط 17 فتك لكن احترت بالكفرات وابي الصراحة كفرات كويسة علشان يصير وقفة الموتر صح ( نصب ) نبي مقاسات الكفرات وانواعها ارجوا التفاعل مع الموضوع
وعليكم السلام ورحمة الله وبركاته هلا با الحبيب ابو ابراهيم انشاء الله تجد من يفيدك, وينك يا ابوعلي يا ابو خالد رد على الرجال عطنا نصيحتك يا بو دوخي
السلام عليكم الاخ برهومي / مبروك عليك الموتر ,, الله يعطيك من خيره ويكفيك شره وخل اقول لاخوي ( الخلف ) لا جيت ( أنا ) واعوذ بالله من كلمة أنا لا تدوّر ابو دوخي ولا غيره لأن ابو دوخي بموضوع الكفرات يعتبر ( تلميذ بليد ) في فصلي الله يعين عليه لا جاء وقرأ وش انا كاتب بالنسبة لجنط الباترول الـ 17 يصلح له مقاس بلده وهو 275 / 65 / 17 ونوعية الكفر إما ( دنلوب ) أو هنكوك ,, ويجي بعدهن ( ماكسس ) ولكن الماكسس مع الاستعمال يطلع له صوت ونة خفيفة مع العلم انه كفر عملي وجيد لو حبيت تغيّـر المقاس وتركب له أكبر شوي ولا يؤثر عليه فأنا أنصحك تركب له مقاس الاكسبدشن 265 / 70 / 17 واتوقع يطلع رائع نصيحتي لك بالنسبة لنوعيات الكفرات لا تستخدم البرجستون لأنه غالي وقاسي بالمطب واذا انتصف عمره ممكن ينفجر وانت تمشي المشلان ممتاز لكن جنوبه ضعيفة جداً ولا يتحمل أي شي يلمس جنبه يعني ما يصلح للبر اليوكوهاما فاشل جداً وغالي ومطبه قوي ونقشته خشنة وقبيحة وفيه صوت ونة الكوبر ( أمريكي ) كفر فاشل وبايخ وكثيرة أعطاله ويطلع فيه ورمات بالجنب والدعسة وممكن ينفجر بأي وقت التويو كفر ناعم وعملي لكن دعسته ناعمة وممكن يشق دعسته قارورة أو حصاة صغيرة ,, صحيح ان المطب فيه مريح لكن قد يتعطل من الاستعمال الخشن إذا حبيت تستخدم البالون ممكن تركب له ماكسس ( أبو جمل ) مقاس 900 / 17 لكنه كبير وقد يرفع الموتر بزيادة لكن ابحث عن بالون ( سايمكس ) ( أبو طير ) مقاس 255 / 85 / 17 مقاس رائع ونوعية مفتخرة واستعمال مدهش لكنه غير متوفر بالسعودية وسعره غالي . أتمنى تكون المعلومة وافية ,, واعذرني على القصور .
وعليكم السلام ورحمة الله وبركاته بيض الله وجهك اخوي صالح اليحيي ونأسف على زعلك وماعاد نعودها و مرورك هو البلسم الشافي لأخ برهومي, تحياتي
أخوي الخلف وجهك ابيض يا الغالي ولا شكر على واجب والله لا يجيب الزعل ,, هي كانت مداعبة ومتوقع ابو دوخي يكون حولنا لأني مبطي عنه ومشتاق له بالحيل وطالما ان عندي معلومة ترا أبرك الساعات اني اقدمها للي يحتاجها تحياتي للجميع ,, الله يوفقكم
الغالي صالح السلام عليكم بارك الله فيك و في معلوماتك الطيبة التي نجهلها مشاء الله عليك مرجع حفظك الباري اخوك فهد
الأخ الغالي ( فهد الدوسري ) عساي ما أعدمك يا طويل العمر . غمرتني بذوقك .
السلام عليكم ورحمة الله وبركاته جزاك الله خير أخونا الفاضل صالح اليحيى على المعلومات القيمة .
شـكــ وبارك الله فيك ـــرا لك ... لك مني أجمل تحية .
Security team