للبيع سفاري صالون م 93

[هاجس الليل]

بسم الله الرحمن الرحيم


مساكم الله بالخير


الموضوع واضح

للبيع سفاري صالون موديل 93 لونه رصاصي وزيتي غامق قزاز كهرب +ثلاجتين ثلاجه بالدرج

وثلاجه بالخلف .+ مكيف مركزي + خلفي وامامي المكيف ومفصوله عن بعض

الموتر نظيف ويشهد علي ربي وانا شاريه من شايب دبلات ومكينه ع الشرط والبدي ع الشرط

العيب الوحيد في السياره اللون باهت فقط يبي تجديد بويه ويبي له وزن اذرعه ودركسون

فقط لاغير والشاهد ع كلامي المعاينه

الممشى 500 الف وقابل للزياده ترى الموتر 93 طبيعي يصير ممشاه كيذا اذا صار 2011 ماشي 155 !!

هاذي الصور

[إبراهيم الضويان]

ماشاء الله
بكم سيم يالغالي ؟!

[هاجس الليل]

هلا حياك الله يجزاك خير ورحم الله والديك

الموتر سيم ب 28 ومنب بعيدن عن السومه

[هاجس الليل]

للرفع والعرض مازال جاري

[هاجس الليل]

للرفع رفع الله قدركم

[عاشق ترهيم]

ماشاء الله تبارك الله الموتر من شكله طيب

بس ماأدري الموتر بعته ولا توه واذا تاخذ فيه غرفة طولها 6 متر وعرضها 3.80 جديدة

[راعي الشاص]

الله يبارك لك فيه
باين انه موتر طيب
رزق الله من ابواب فضله

[هاجس الليل]

هلا وغلا الله يرزق الجميع

بالنسبه لك ((ياعاشق ترهيم)) الغرفه الي تقول وينها فيه وكم سيمت ووش نظامها !!؟

بصراحه ههههه اول مره يمر علي كيذا !!! هل هي في الرياض ولا قريه وهل لديك صك لها ولا لا ؟؟

[عاشق ترهيم]

الغرفة جديدة ... نظام الغرفة فل أبجكشن

والموقع مدينة مرات تبعد عن الرياض 160 كيلو وعن شقراء 35 كيلو

اما صك هههههههه لا وانت الصادق معي ورقة من إمام المسجد ههههههه

[هاجس الليل]

!!!!! عسى الله يرزقك ويني ووين مرات ولا وبعد ورقة من امام المسجد !! هههههههه


للرفع والعرض مازال جاري والبيع قريب

[هاجس الليل]

سبحان الله وبحمده سبحان الله العظيم

[طهماز]

السلام عليكم

هل سيم قبل ؟

[هاجس الليل]

الموتر اول سومه كانت ب 28 بس قديمه شوي لها شهر او اكثر

ودخلت به في هالفايت وجاب لي 26500 والله يرزقنا من واسع فضله