ذكريات اول سيارة استلمتها

[ابو فراس]

السلام عليكم ورحمة الله وبركاته
اليوم انا فاضي وقلت ابكتب موضوع عن الذكريات القديمة مع السيارات
للكثير ان لم يكن الجميع لهم ذكريات مع اول سيارة استلمها
وياليت كل واحد يقول ذكرياته حلوها ومرها وان كان بالصور يكون احلى
انا للاسف لم يكن عندي كمرة تصوير تلك الايام فلذلك اسمحولي بالتجاوز عنها
كان اول سيارة لي هي اوبل ركرد لونها زرقاء غامقة فرحت بها انا واخواني الصغار
ومن ذكرياتي معها ولان لونها غامق وبجو كمدينة الرياض ولحبي لها وكذلك اخواني كنا نغسلها ثلاث او اربع مرات يوميا لاننا نحبها تلمع يعني ( تلق )
فما هي ذكرياتكم عن اول سياراتكم

[بدوي حضري]

ياحيي يابوفراس مواضيعك دايم تجوز لي

على طاري السياارات القديمه انا للأسف ماكان عندي الا سياره وحده بس ويوم اني تخرجت بعد من الثانوي يعني ماني مثلكم

لكن كانت علي طعات قديمه

.. كان عند جدي وانيت جمس وولاجات الاجازات الصيفيه او الويكند اسوي عمليات نهب فالبيت

يعني الشايب كان ينام بعد لعشاء مباشره .. وبعض الاحيان يسولف وهمن ينام انا موقت له لاشفته نام والبيت صار به هدووء
رحت اخذ المفتاااح واحلى عنعنعن .. المهم بقول المواقف المضحكه اللي صارت لي على بداياتي فالسواقه وعالم السيارات

انا مشكلتي اذا اخذت السياره سويت نفسي اني انا اللي اسوق من زمااااان واقدر التلفت يمين ويسار ههههههههههه وهمن انواع المفاجأت

مره من المرات قلت لازم اسوق بيد وحده لازم لازم لازم .. لاني كنت اشوف ناس تسوق بيد وحده وودي اسوي مثلهم (مقهور ) والله وانا اللي ادخل ذيك الحاره كان به واحدن اعرفه صديقن لي فالمدرسه ابيه بس يشوف اني مريت بيتهم على سياره وبيد وحده بعد لانه يقهرني هو دايم اشوفه يسوق سيارة ابوه وانااا ماعندي .. >> غصتن العبره ..

المهم يوم قربت من بيت خويي الا هذاك هو جالسن قدام بيتهم يوم شفته عاد جاني احساس الكبيرر اللي يسوق من زمان
بيتهم كان عند لفه في بداية الحاره المهم دقيت له هرن ولفيت مع اللفه بيد وحده وانا عيني عليه ابي اقهره ... شوي الا طخ طع طططع !!!

اثرني مديت ايدي سلمت عليه وانا ماسك الدركسون بيد وحده وهمن دعمت درام بيتهم تكرمون الا وهي تطير فوق وقربع
في باب بيتهم هههههههههههههههههههههههههههه الله لايعيده من سلااااااام احس كنه يقول اندزلع الله لايردك يالاقشر
..
..

هذي المواقف اللي ماانساه تضحكني كل مااتذكرها لكن المواقف السيئه اذكر مره قال لي خالي رح للأبل ود اغراض للعامل كان بالليل وهو كان مداوم ماهوب فيه اخذت السياره ورحت كان الطريق صحراااوي بعيد عن الزفلت لكن مدري كم المهم وانا راجع طلعت مع طريق ثاني وغرزت وكنت في ليل وبرررد ايام شتاء ياربي الحين وش السواة نزلت وقمت اتذكر جميع الطرق الاختصاريه اللي تطلعني من هالنكبه اول مانزلت قمت اتلفت حولي انوار احد شي اروح له ؟؟

مافيه احد ظلاااام حسيت بوحشه والله ماانسااه قمت انسم من التواير واحاول يمين ويسار وانا خايف بس اقوي نفسي المهم كل مادعست للسياره ابيه تطلع زادت زياده وكل ماروح لتاير انسم له تجيني قشعريره على فاكسات احس كن احد وراي
قلت في قلبي اويلي بس هذي نهايتك هنا يابدوي حضري شوي الا وتطري على فكره قلت انسم زياده واقفل ابواب السياره وكل الجامات واحاول به على شوي شوي الين تطلع والله جلست فتره يمكن ساعه الين طلعت وانا احط رجلي تطير السياره فوق تحت من السرعه بس اهم شي اروح للزفلت
ماصدقت خبررر طلعت السياره ..

هذي هي المواقف اللي ماانساها

لكن ترى كله قديمه يوم اني صغير هاك الحين يعني لحد يمسكها علي

[طارق السقا]

السلام عليكم
بالنسبة لاول سيارة كانت شفر مونزا لكن ما خلت مكان بقطر الا راحتة و كانت ايامها مبروكة
اتذكر ان الشباب اللي معهم ترانس ام و كامارو كانو يخافو يسابقوني على اساس يتفادو الفضيحة
(منظرها كان عجيب و الشباب يعتقدون انها ثمان سلندرات على بدي صغير ما كانت معروفة ان في سيارات شفر 4 سلندر سنة 1977 )

اما قبل السواقة الرسمية تذكرت هالسالفة:

كان عوايد الناس قبل شراء اي سيارة يسئلون اللي عندة مثلها (بدون اي حرج)
الله يرحم الوالد عبدالمطلب السقا و يغمد روحة الطاهرة الجنة كان عندة مرسيدس 250 s
بداية السبيعينات 1974 او 1975 جاة اخلص اصدقاءة الله يعطية الصحة و العافية يسئلة عن المرسيدس
الوالد رد علية :
و الله سيارة حلوة و ما لها اي مشاكل لكن لا تشتريها !!
ليش يابو طارق (حلوة و ما اشتريها)
يا خوي ماكينتها نار طول الليل ما تبرد
و فعلا اشترى لة فولفو بناء على نصيحة الوالد

( رحمة الله علية لين ما توفى ما قدرت اقول لة انة ولدك كان يستلمها من عقب الفجر لين الساعة 5 الصبح كل يوم )

[راعي الشاص]

هههه حلوة اخوي طارق

( رحمة الله علية لين ما توفى ما قدرت اقول لة انة ولدك كان يستلمها من عقب الفجر لين الساعة 5 الصبح كل يوم )

[طارق السقا]

السلام عليكم
مرورك الحلو اخي الكريم راعي الشاص

[ابو فراس]

يبدو ان باقي الاعضاء الى هالحين ما اخذوا سيارات
اشوف المنتدى كله سياكل
بس من هي له السيكل ابو ثلاث عجلات
ههههه

[بدوي حضري]

اتوقع الاعضاء اللي ربكوا سياكل ثلاث عجلات


ثامر الماضي .

وفهد الدوسري


عبدالكريم اليوسف

[ابو فراس]

المشاركة الأصلية كتبت بواسطة بدوي حضري

اتوقع الاعضاء اللي ربكوا سياكل ثلاث عجلات

ثامر الماضي .

وفهد الدوسري

عبدالكريم اليوسف

فهد الدوسري

ابو جراح لا مايصير لانه ولد في عصر ماقبل السياكل

عبدالكريم اليوسف
وعبدالكريم مايصيرلان ظهره يوجعه

ويبدو انه مافيه للسيكل هذا الا ابوشعلان

[بدوي حضري]

يتخيل وجه ابو شعلان يومه صغير وهو راكب السيكل >>>>


ههههههههههههههههههههههههههههههههههههههههههههههههه مات ضحك >>

[الكونجرس]

اول سيارة سقتها هي سيارة ام اربع كفرات شارينها ب100 ريال ذذذذذذذذذذذذذذذذذذذذ


ثانية سيارة استلمتهاااا سيكل جبلي ابو قيور ب170 ريال لونه ازرق

ثالث سيارة استلمتهاااا جيب باترول موديل 1991م هذاك اذا وقفت لسانه يطلع وديته لغيار الزيت وغيرت الزيت ويوم طلعت وصلت للبيت واطلع الى الزيت كله منكب وادق سلف الى اسمع صوت طق طق طق طق واحلى توضيب للمكينه

وتم بيع الجيب

بعد ذالك هايلكس 1996م من 2 ثانوي الى المستوى الرابع من الجامعه

بعد ذالك ازيرا2010

بعد ذالك لاندكروزر 2011 gx_r خليجي

وتنتهي قصتي ذذذذذذذذذذذذذذذ

[راعي كيف]

السلام عليكم


بختصار هذي اول سيارة واول عزبه بس ماهيب اول كشته
يازين ذيك الأيام

[ابو فراس]

ياحبيلك يابو ناصر
هالحين يجيك ابو ثامر مدرعم على سيكل ابو ثلاث عجل
اما ابو دوخي من اول عمره ما يشري الا هالمقربعات

[أبو عمر]

أيش أنقول وأيش أنخلي
القصص كثير بس أذكر هالقصة المضحكة .
كلفنا الوالد الله يحفظة بمهمة متابعة المزرعة فترة سفرة اناوأخي الأكبر
وكانت سيارة الوالد جيب لاندكروزر 82 وأول يوم ذهبنا الى المزرعة اضطررنا الى تشغيل الدبل وبعد ماخرجنا من المزرعة بقينا في حيرة الدبل شغال والله مفصول ( مافية لمبة تدل على أنه شغال ) .
قلت لأخي أنا بأشوف السيارة من أسفل وأنت أمش إذا لف عمود الدبل معناته أنه شغال !!!!!!!راعي جيوب من يومي ...
ويوم حرك وأنه يلف قلت الدبل مافصل وحاولنا نفصله وهو مفصول أصلاً ..... المهم رجعنا الى المنزل ماشين ببط وأستغرق مشوار العودة ساعة بينما أنا لا يتجاوز الربع ساعة .

وبعدين عرفت أن عمود الدبل يلف على طول مع حركة السيارة ولاكنه مفصول ومايشتغل الا عند تعشيق الدبل !!!!!!!!!!!!!

[بدوي حضري]

راعي كيف والله انك شررريف على هالصوووره


اعجبني علبة زيت القلي ومنظر الددسن مبطل كبوتها ... احس انك مخضررررم على هالصووور الله يسعدك يالطربه

[ابو فراس]

الله عليك يابو عمر اجل ماشي وانت شابك الدبل ساعة ك املة
والله من ثقل طينة الطريق
احمدوا ربكم انه مافيه جوالات والا كان اشغلكم الشايب ....هاه وينكم ....وش اخركم