(رحلة) ... قصيدة موسمية ..... الجميع مدعوا للمشاركة !!

[ريف النشاما]

السلام عليكم ورحمة الله

هذه دعوة لبناء قصيدة شعرية بمناسبة الوسم والبراد والفلة يعني (الوناسه) وليس (الفلة) العمارة

طبعا من شروط القصيدة أن يكون فيها ذكر طيب للدوج والإخوان هنا ماقصروا وصلوه الثرياء ’’’’’’’’’’’’’’’’’’ يــــــا سرع مخباطه ...... الله من بعد المعشى

والمشاركة في القصيدة مفتوحة ولكن نرغب بأن تكون متسلسلة الأحداث حسب مايتيسر من القوافي
ولا مانع من التضمين ،، والاقتباس ،، والمحاكاة ،،، والمحاولات فهي مفتوحة ،،، ومن يجنح على الكتف نعدله ،، والبركة في أبو شعلان شمر عن ساعديك ......... وإن كان هناك من ملاحظة أو فكرة فلا مانع ،،،،،


""

""


((_رحلة_))





""


vvvvvvvvvv

[الانيق]

يابو عبدالعزيز الا لازم نمدح الدوج
نبي نمدحه على شان شايب الصمان بس

------------

[ريف النشاما]

ياهلا بالغالي الأنيق ......... دعوانا كله على شان شايب الصمان

ولا مالي ومالي الدوج ،،،، مدام معاي دهنوشه :d


بعدين الله يرفع قدرك ليش تغير القافية القصيدة نبيها على كافيه وحده:d

أو لك راي ثاني ’’’’’’’’’’’ واللي تبون يصير


نحن في الأنتظار

[ابو فراس]

اخوي ابو عبد العزيز

يعطيك العافية على هالموضوع ايه نبي انتحرك شوي

على فكرة انت ما حددت القافية ويمكن لذلك اخونا الانيق ما استمر على نفس القافية ولا حددت كم بيت او تبي الشي مفتوح وتريح اخواننا رايي المتواضع ان يستمر من هنا بيت ومن هناك بيتين وكل على استطاعته كود يطلع لنا شاعر جديد ويبرز تحت ايدينك انت وابو شعلان

[ثامرالماضي]

بسم الله الرحمن الرحيم

أبوعبدالعزيز ...

يامال العافيه والله ... الصراحه فكره رائعة جداً ...

وفيّت وكفّيت ... وأنا والله مامن زود ... ويعلم الله إني أتعلم منك يابوعبدالعزيز ...

وخذ هالبيتين يالله طلعن معي ... طبعاً تكمله لأبياتك :

وقمنا نصف العفش وإنخف أيادينا
.................................وكلن على ماقال يرجي مخاواكم
وإلى جينا للدكان نشري مقاضينا
...................................ونغلّق من البنزين ثم إنتحراكم
على موتر(ن) لخشم الحصان ماشينا
....................................ويسّب المواتر كلها ويتحداكم

وعساها تبيض الوجه ...

بس حلوه ((((( الدكان ))))) أحس إني قديم شوي هههههههه

,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,

[ريف النشاما]

حي الله الربع
هذا هو المطلوب يابو فراس المجال مفتوح مرررررررررررررررررره

رايي المتواضع ان يستمر من هنا بيت ومن هناك بيتين وكل على استطاعته

و الموضوع يابو فراس عبارة عن بناء قصيدة واحدة وهذا يلزم بأن تكون القافية واحدة

أما بالنسبة لعدد الأبيات فهو مفتوح وكل يجيب اللي يقدر عليه

ولكن نحاول أن تكون الأبيات مبنيه على ماقبلها في سرد الحدث

وايضا قد تكتب اليوم بيت وغدا تكتب مثلا ثلاثه وبعده عشره وهكذا

ومثل هذا رد أخي ابو شعلان كمل على مابنيته ولو يصير فيه بعض الخروج نحن مع الوقت نحتاج لتنظيم القصيدة

كل فتره عندما تتوفر لنا مجموعه من الأبيات


هذا لايمنع من مشاركة الجميع حتى لو كانت الأبيات غير موزونه

فعند ترتيب القصيدة سوف يتدخل مقص الرقيب



تنبيه نتمنى عدم وضع الابيات في صور كما سبق حتى يتسنى تنسيقها وترتيبها


الأبيات تكتب بشكل عادي بعد هذا الرد

[ريف النشاما]

وش رايكم ــــــ نغير القافية

نرجوا من الأنيق ابو فراس ابو شعلان أن يضع كل منكم قافيه جديدة ........ القافية السابقة صعبه ولن تستمر


أو تبونا نواصل

[ريف النشاما]

بذكر الولي نبدا وننثر قوافينا = على شاطئ "الرحلات" يالربع حياكم
بـ(رحلة)ـ نبي نكشت ونبني معانينا = نسوق القصيدة سوق من شان عيناكم
لكم نجني الجزلة ونبعد هقاوينا=ونرسم على ثغر المعاني محياكم
نخب ونعوّد في مرامع حراوينا= نشادي بليل الشعر ما كان يعناكم
نجوب الفياض اللي تسر المشقينا = لنقطف حروف الشعر من طيب مجناكم
وسلامي سلام الله على من يجارينا = من أحبابنا اللي بالمثايل تنصاكم
هلا ياهلا وأهلين شعلل تحدينا = نبي فزعة الفرسان للي تعزواكم
سرى الليل وساري سرى في مشاهينا= سرى الليل والقمرى على طول مسراكم
على الدوج الأبيض سيد كل الميادينا = نبي نقضي الرحلات بالوسم ويّاكم
وعزبة أبو فراس سقم المعادينا = توفر لنا المطلوب لو كان يخفاكم
قدور وقداحين ن وعدة مواعينا = تدلل علينا والهدف عنده أرضاكم

وقمنا نصف العفش وإنخف أيادينا
.................................وكلن على ماقيل يرجي مخاواكم
وإلى جيت للدكان نشري مقاضينا
...................................نغلّق من البنزين ثم إنتحراكم
على موتر ن للخشم يمشي مماشينا
....................................يسيّب المواتر كلها ويتحداكم


ركبنا ثلاثة حكم من عقب صلينا = على الدوج يبراله جيوب ن تحداكم
فرق به يمين وسند العرق حادينا = كما الذيب لين إنه دنا من معشاكم
مع الخبه الدوج المدجج بأونينا= سرى سرية البارق بليل ن تغشاكم
وقام الدريول بالقوافي يشادينا = على كل مسحوب مع الصوت داواكم
يالين أكهفت نجم الثرياء بعالينا= وحنا ندوج بالفيافي لشرواكم

[راعي ساموده]

شايب الصمان على الدوج .......مر
........................................سالي (ن)مبسوط والزيت ......خر
قام يزعج الصوت على واحد(ن) مر
........................................جاوبه تراني في عزبتي ميتن .حر
فكنا من قراشيعك واشرب فنجال مر
.......................................واركب التايوت لاصرت مهتوي بر

طبعا لاحد يقول وزن وماوزن هههههههه
الدعوه فلة حجاج

[ريف النشاما]

المشاركة الأصلية كتبت بواسطة راعي ساموده

شايب الصمان على الدوج .......مر
........................................سالي (ن)مبسوط والزيت ......خر

قام يزعج الصوت على واحد(ن) مر
........................................جاوبه تراني في عزبتي ميتن .حر
فكنا من قراشيعك واشرب فنجال مر
.......................................واركب التايوت لاصرت مهتوي بر

طبعا لاحد يقول وزن وماوزن هههههههه
الدعوه فلة حجاج

[ريف النشاما]

""
















هدية خاصة لزوار الموضوع
























""

[الانيق]

يبدو عبدالعزيز

اسف مادريت عن الشرط المطلوب وابشروا بسعدكم

وبعدين وين الهدية اللي فوق ردي

[الانيق]

ابي اقول شعراً فالمنتدى سويتــه *** هي شوارد وافكار مكتوبه للحاكم

لويت شعري على شانه وغنيته *** على طارة الدوج مسرعين ننصاكم

عزبة العمدة شفها بقوقل مذكورة *** ان كنتو تبون المدح مدحناكم

ياريف عساه يعجبك شعري ولوحبيتـــه*** انشره وابو شعلان هو الحاكم

[قناص الحبارى]

هلا وغلا باللي جيناكم عجله خطاوينا
............................................ وأحترونا ترانا بنمشي بممشاكم

الوسم بين والأرض عطشا لمزنن يحيها ويحيينا
........................................... ورحمة الله قريبه مع دعاواكم



أخوكم / ابو عبدالعزيز

[ريف النشاما]

(مقص الرقيب مر من هنا )




بذكر الولي نبدا وننثر قوافينا = على شاطئ "الرحلات" يالربع حياكم
بـ(رحلة)ـ نبي نكشت ونبني معانينا = نسوق القصيدة سوق من شان عيناكم
لكم نجني الجزلة ونبعد هقاوينا=ونرسم على ثغر المعاني محياكم
نخب ونعوّد في مرامع حراوينا= نشادي بليل الشعر ما كان يعناكم
نجوب الفياض اللي تسر المشقينا = لنقطف حروف الشعر من طيب مجناكم
وسلامي سلام الله على من يجارينا = من أحبابنا اللي بالمثايل تنصاكم
هلا ياهلا وأهلين شعلل تحدينا = نبي فزعة الفرسان للي تعزواكم
سرى الليل وساري سرى في مشاهينا= سرى الليل والقمرى على طول مسراكم
على الدوج الأبيض سيد كل الميادينا = نبي نقضي الرحلات بالوسم ويّاكم
وعزبة أبو فراس سقم المعادينا = توفر لنا المطلوب لو كان يخفاكم
قدور وقداحين ن وعدة مواعينا = تدلل علينا والهدف عنده أرضاكم

وقمنا نصف العفش وإنخف أيادينا
.................................وكلن على ماقيل يرجي مخاواكم
وإلى جيت للدكان نشري مقاضينا
...................................نغلّق من البنزين ثم إنتحراكم
على موتر ن للخشم يمشي مماشينا
....................................يسيّب المواتر كلها ويتحداكم


ركبنا ثلاثة حكم من عقب صلينا = على الدوج يبراله جموس تحداكم
فرق به يمين وسند العرق حادينا = كما الذيب لين إنه دنا من معشاكم
مع الخبه الدوج المدجج بأونينا= سرى سرية البارق بليل ن تغشاكم
وقام الدريول بالقوافي يشادينا = على كل مسحوب مع الصوت داواكم
يالين أكهفت نجم الثرياء بعالينا= وحنا ندوج بالفيافي لشرواكم
ألا ياسديد الراي ياويش بالينا = ولا لا تقول إن الهوى كد تبلاكم
قلوب ونفوس ساده الحب واللينا = على بعضها مانت عسى الله يرعاكم
ترفرف على الجمعات والكل يطرينا = طيورالمحبة بالمحبة لجمعاكم
وهلا بالذي عجله من أجله خطاوينا = على الله تحرو لين نمشي بممشاكم
إلا يوم مزن الوسم بالوبل يحيينا= عسى رحمة المولى قريبه لدعواكم

ابي اقول شعراً فالمنتدى سويتــه *** هي شوارد وافكار مكتوبه للحاكم

لويت شعري على شانه وغنيته *** على طارة الدوج مسرعين ننصاكم

عزبة العمدة شفها بقوقل مذكورة *** ان كنتو تبون المدح مدحناكم

ياريف عساه يعجبك شعري ولوحبيتـــه*** انشره وابو شعلان هو الحاكم

أخي الأنيق الهدية بارك الله فيك ،،،،،،،،،،،،، هذي سهوم ساده ههههههه لكن ابشر باللي يهديلك