مقبل ومقفي والوصايف مغطاة.........اثنين ماجهلوا سريع البداهه

[ابو ماجد]

السلام عليكم ورحمة الله وبركاته

.......................

مقبل ومقفي والوصايف مغطاة=اثنين ماجهلوا سريع البداهه
اقبالهم من ديرة الحب مبداه=ومنصاهم اللي رافله بالوجاهه
هذا وهذا ماجهلنا امسماه=والكل منهم ينسبونه العاهه

ملاحظه..المطلوب الرمعتين مع بعض

[حمد الجبيرى]

والله صح السانك ما لقينا مدخال عليه لاكن خذ على قولهم المدحدره الرحا والحب والطحين مشكور

[ابو ماجد]

اخوي جلمود
صح بدنك
والرمعه مالك لوى
ومقبل ومقفي اي المقصود اثنين واحد اقفى وقته واحتمال امس واحتمال قبل قرون والثاني مقبل احتمال بكرى واحتمال بعد سنوات الخ
المهم الاثنين بينهم تشابه من حيث
مكان قدومهم .المكان اللي يبون الوصول اليه .والكل منهم ينسب لعاهه
آمل انها اتضحت الصوره
تحيتي لك

[حمد الجبيرى]

والله يابو ماجد احترت لالالالالاكن ابا اقول تيمور لنك الاعرج ----- والاعور الدجال مشكور

[ابو ماجد]

اخوي جلمود مالك لوى
ولا تنسى واحد مقبل يعني مابعد جاء
واستلم زيادة ابيات لعله يتضح

......................................

مقبل ومقفي والوصايف مغطاة=اثنين ماجهلوا سريع البداهه
اقبالهم من ديرة الحب مبداه=ومنصاهم اللي رافله بالوجاهه
هذا وهذا ماجهلنا امسماه=والكل منهم ينسبونه العاهه
المقفي اللي من دهـور عرفنـاه=معه صحيـبٍ دب فيـه النزاهـه
من يوم شارف مع صحيبه لمسعاه=وجهة صحيبه خالفـت لتجاهـه
والمقبل اللي في حديـث قرينـاه=يلقى مـراده يافطـن بالكراهـه

...................

تحيتي وتقديري للميع

[حمد الجبيرى]

اخوي ابو ماجد ابرمع الخضر وموسى عليه السلام والمسيح الدجال او الموت مشكور

[ابو ماجد]

اخوي جلمود
حياك يالغلا حياك
والرمعه ماصابت
انتظر محاولتك القادمه

[ثامرالماضي]

بسم الله الرحمن الرحيم

ماشاءالله عليك يابو ماجد ... عزالله إن لغزك يحفر المخ ...

لكن أبي أحاول لعل وعسى ...

البيتين اللي تقول فيهن :

المقفي اللي من دهـور عرفنـاه
.....................معه صحيـبٍ دب فيـه النزاهـه
من يوم شارف مع صحيبه لمسعاه
......................وجهة صحيبه خالفـت لتجاهـه

أتوقع والله العالم إنه أبونا إبراهيم عليه السلام ... وصحبه ... هي أُمنا هاجر ... وتركها بالمسعى وإتجه وجهةً معاكسه ...

والبيت الأخير اللي تقول فيه :

والمقبل اللي في حديـث قرينـاه
...................... يلقـى مـراده يافطـن بالكراهـه

الله العالم إنه المهدي المنتظر ... وقد ذكر بالحديث وسيجد مايريده أيضاً ...

هاه عاد بشّر ... وش قلت ...

مشكور وماقصرت يابعدي ...

,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,

[ابو ماجد]

اخوي ابو شعلان
حياك يالغالي
تفكيرك طيب ولكن لاتنسى ان مقدامهم من ديرة واحده
ولا تنسى ان صحيبه دب فيه النزاهه وهذا يعطيك مؤشر ان عمله سيْ ويؤكدها قولي يحصل مابغى بالكراهه
انتظر محاولتك القادمه ولا تنسى الاثنين ينسبون لعاهه

[حمد الجبيرى]

اخوي ابو ماجد وش رايك في ابرهه الأشرم وصاحبه الفيل والذي لم يأتى هو ذو السويقتين الذي سوف يهدم الكعبه وكلهم من الحبشه -مشكور

[ابو ماجد]

اخوي جلمود
عاداتك التألق
صح لسانك وعلا شانك
اجابه بالصميم
والبيت اللي يقول مقدامهم من ديرة الحب مبداه ..هي الحبشه وبدايتها حروف الحب
تحيتي لك وآسف ان كان اثقلت عليكم باللغز

[حمد الجبيرى]

اخوي ابو ماجد صح بدنك ولغز طيب وحلاته في تعبه يامال العافيه بارك الله فيك