بعد هطول امطار الخير والبركة في الاسبوع قبل الماضي ذهبت اتطلع علوم السيل والشغايا بالمستوي وكان من حسن الطالع ان صادفت بعض الاخوان الغالين على قلبي وهم في مهد جماعي (يدعون ) الطيور لتدريبها وكان لي ان خرجت ببعض الصور السريعة ولكن كنت اتمنى ان يكون لدي عدسة اكبر لتكون النتائج اروع واجمل فلكم هذه الصور مع بعض الابيات التي تعجبني لكثير من الشعراء الصقاره.
كن جوهر عيونه في محاجر قحوفه=فضة فصها اسود من حجار كرايم
لا قفيته تشوف الريش شعل حروفه=ذاك عوق الخريش اللي تحب الهزايم
عند نايف إلا الفى فارق حيل نوفه=ذاك هبي بشوفه يا هبوب النسايم
انا غرامى وانبساطى وعيدى =تفريعت القرناس بأرض بها صيد
ستر الله والاكان راح الطير تحت الكفر
اليوم قل الصيد من كل الاوطان=زود على قل الطيور وغلاها
آخر زمان ناقل الطير تعبان=يبحث خفايا صيدة ما لقاها
يا طير ياللي ما تحدد طلوعه=لا عتني الفجعه على ضيعته لوع
اخذت عنه وتل سبقه بفوعه=على خريش ناحرت ليسر القوع
تنحرت مبدى سهيل بطلوعه=وغدتلي الحره عن الطرد زاموع
في قلبها قد عقب الطير روعه=ومن خلقتي ما شفت لطيارها نوع
وقفت بالدربيل اخصص سنوعه=واخفيت زوله يصعد الجو بطلوع
يا حمود انا في نقلت الطير مجبور=احب شوفه واستلذ بمطيره
ما همني العاذل ولو كثر الشور=من ردني عنه حشى مستشيره
اخذ على شانه لي ايام وشهور=اعتز في نقله وفكت جريره
لاجاء نهارٍ فيه قاهرٍ ومقهور =وكلٍ نقل طيره وجهز نسيره
بلاستر (شطرطون) يلف بها راس الحمامة حتى لاتنظر الى الارض وتطير عالياً
عصرية دعو للطير ولا اروع بالمستوي
العرض العادي
