#1
جديد : (الطبخ بالبخار) ................ .الشيف / أبو شعلان ...
بسم الله الرحمن الرحيم
إلى جميع أعضاء وزوار منتديات الرحلات ... السلام عليكم ورحمة الله وبركاته : من المعروف أن الواحد إذا جاله في مكان فيه ربيع ... وبعدين دور مكان رائع ليجلس في على هذه الزاولي الخضراء ... وبدأت العصفاير تشـّطف رأسه وهي تغرد وتلعب >>>>>> ( إمحق لغه عربيه ) ... طبعاً مع هذا الجو الرائع والمكان الجميل ... تنفتح النفسيه وتبدأ الشهوه الله يكفينا وإياكم الشر ... طبعاً حنا أربعة أنفار وكلن يقول هاه وش نسوي وكلن يعطينا راي من عنده ... قلت لهم تدرون واحد يصلح الرز .. والباقي خلوه علي ... قالوا وش تبي تسوي قلت ماعليكم وأنا أقحص وأطلع برا الفيضه فوق الحزوم وهم يناظرونّي ويتحمدون الله ... ماهوب وقت فقع مافيه إلا حصى ... شلت لي كم حصاة وجيتهم أركض ومار يهجون ... وأقعد أضحك المهم غسلت الحصى وخليته فوق الفرشه عشان ينشف ... وبعدين طول الله عماركم قربت الخضره قشرتها وقطعتها كلها ... البطاطس يمكن ماشفتوها بالصور الأوله شوفوها مرتكزه... ( بطاطس ـ قرع ـ حبحر (فلفل) ـ بصل ـ طماط ـ ثوم ... وبعدين طلعت الدجاج وقطعته أنصاف وبهرته وخليته على جنب ... طبعاً العيال مطيرين عيونهم علي وتساسرون ويبرطمون اللهم ياكافي ... ويوم نشف الحصى جبت القدر الكاتم وقمت بصفه بقاعة القدر ... بعدين جبت الدجاج بعد مابهرته وصفيته فوق الحصى بهالطريقه ... وصفّيت الخضره فوق الدجاج ورشيت عليه شوي ملح ... ودك تاكلها من هالحين ... وهذي من قريب ... وبعدين قفلت الغطاء بعد ماوضعت فنجال مويه واحد فقط عشان البخار ... من دون أي إضافات ثانيه ... وحطيته على نار متوسطه وخليته مايقارب 45 دقيقه وبعد ماتقهوينا وطقطقنا كم بياله شاهي ... وراحت الـــ 45 دقيقه قمزت ونزلته ويوم فتحت الغطاء وش تتوقعون لقيت طبعاً دام اللي طابخ أبو شعلان أكيد يتصير خياليه زي ماتشوفون ... وهذي من قريب .. يوم شافوه العيال ... ماصبروا على طول نكبو الرز وحطو الدجاج ... ويالله أمداني أغسلي يدي وأجيب الكميرا عشان آخذ هالصوره النهائية ... مع البصل الأخضر >>>>>>> إيييييييه الله يذكرك بالخير ياعلم ملاحظة : بالإمكان وضع قصدير على شكل كوره 5 أو 6 كور بدلاً من الحصى ... إلى هنا إنتهى موضوعي عن هذه الطبخه الجديده ... أتمنى أن يكون قد حاز على رضاكم وإستحسانك ... ولاتنسونّي من الدعاء ... ( اللهم صلي وسلم على نبينا محمد وعلى آله وصحبه وسلم آجمعين ) تحياتي ,,,,,,,,,,,,,,,,,,,,,,,,,,,,,
التوقيع
التعديل الأخير تم بواسطة ثامرالماضي ; 13-04-08 الساعة 01:39 PM
#2
طلع مدفون بس بطريقة ابوشعلان الله يجزاك خير ويسلمك من كل شر
التوقيع
الآدمـي تـكـشـف مع الوقــت خافيه
#3
شديتني يابو شعلان بصورك الرائعة وسردك وهالطريقة الجديدة .
#4
اقتباس:
المشاركة الأصلية كتبت بواسطة جلمود الجبيرى
طلع مدفون بس بطريقة ابوشعلان الله يجزاك خير ويسلمك من كل شر
حياك الله يابو علي ...
التوقيع
#5
السلام عليكم يا أبا شعلان : (أبو الأفكار) : أكيد اللي ما يلقى شيء يصيده........ يتلهى بأشياء ثانيه وتطلع الأفكار{ الجهنمية}!!!!!!! الله يرزقك باللي تلهابه وينسيك الفطور والغداء من كثرتـــــــــــه (كل 10 دقايق هدد جديد)..... تقبل تحياتــــــــــــــــــــــــــــــــــــــــــي.. .....
#6
التوقيع
طلحة كايفة .... الموقع: الخرزة .. مصر
#7
#8
الأخ أبوشعلان
#9
رقم العضوية :
144
تاريخ التسجيل :
1 - 2 - 2007
المكان :
الرياض
المشاركات :
928
الحالة :
من مواضيعي
رحلتي لسودة أبها وزيارة محمية ( ريدة ) وتصوير أقدم مسجد بالسودة ماذا تعني هذة النقوش صورتين جميلتين في نظري صورة ناطقة ,,,,, من الوافي عزام قواقع بحرية من شاطئ قيال ,,,,,,,
ماشاء الله يا ابوشعلان
التوقيع
أشكر الغالي A.K.H على هذا التوقيع المميز
#10
وعليكم السلام ورحمة الله وبركاته
- ماشاء الله -
الشف الكبير
أوشعلان
هههههههههههه
لالا ..مانتحمل
وش هالزين كله ماشاء الله
روووووووووووووووووعة يالغاااااااااااااااااااااالي
أبداع والله
لكن ممكن تعطينا تتبيلتك الخاصة ...
لأن (سر) الطعم فيها ولا ..ههههههههه
ومثل ماذكر الغالي جلمود
شبيه بطريقة المدفون
وهي مثل ماعرفت عنها .. على الحجر
كل الشكر يالغالي
محبك عبدالله
التوقيع
[SIZE="4"][COLOR="Red"][B]أردّ الجود بأمثالـه وأقابـل بالجحـود جحـود
#11
بالهنا والعافيه اخوي ابو شعلا ن (ماشاء الله تبارك الرحمن )
#12
الغالي على القلب
#13
هلا بالشيف ابو شعلان
#14
اقتباس:
المشاركة الأصلية كتبت بواسطة صقر
شديتني يابو شعلان بصورك الرائعة وسردك وهالطريقة الجديدة .
مرحبا يابو أحمد ...
إيه تكفى لازم تعلّم علم ولا تنسى البصل الأخضر ( زماليق )
...
والله المدفونه مالي علم بها ... بس أغدي أحد الأعضاء يعلمنا بها ...
لاهنت يابو أحمد ... على هالكلام الطيب ..
وشاكر لك مرورك ...
,,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,,,
التوقيع
#15
اقتباس:
المشاركة الأصلية كتبت بواسطة قناص النعايم
السلام عليكم يا أبا شعلان : (أبو الأفكار) : أكيد اللي ما يلقى شيء يصيده........ يتلهى بأشياء ثانيه وتطلع الأفكار{ الجهنمية}!!!!!!! الله يرزقك باللي تلهابه وينسيك الفطور والغداء من كثرتـــــــــــه (كل 10 دقايق هدد جديد)..... تقبل تحياتــــــــــــــــــــــــــــــــــــــــــي.. .....
هلا بقناص النعايم ... وعليكم السلام ...
عزالله إنك صادق ... مالقينا شي ... بس كان وقت غدى ... تخيل عاد هالكبسه الساعة 8 ونص الصبح هههههه
اللهم آمين ... بس ياخوي خلاص ربطنا ماعاد إلا خير ... مع إن هالاسبوع نراوي فيه ...
عزالله قضّبت الأرض مامثلها ...عج xعج ... الله يكفينا الشر ...
شاكر ومقدّر لك مرورك يابعدي ...
,,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,,
التوقيع
جديد : (الطبخ بالبخار) ................ .الشيف / أبو شعلان ...
... ( بس تبون الصراحه بعذرهم يوم هجّوا ) شكلي كان خيالي وأنا جايهم بالحصى : ... 
العرض العادي
