رحله خفيفه خميسيه

ابوعود · 30-12-08, 03:49 PM

الصراحه احس ان هالمنتدى كله شيبان

مدري ليش يمكن من اسمه

ويمكن من الصور اللي اشوفها في مواضيعكم

لكن من سجلت في هالمنتدى من سنه تقريبا

وانا ما نزلت ولا موضوع

ليش مدري

مع ان الشيبان يستاهلون
اكثر من الشباب او (التوالي)

وهذا اول موضوع لي

واتمنى انه يكون بداية لمواضيع قادمه وشيقه باذن الله

طلعنا في الاربعاء ماقبل الماضي الى شعيب الشوكي
مرورا بشعيب الاعصل وايضا شعيب جراب
وفي النهاية الغداء يوم الجمعه في بحيرة الكسر

فالى الصور

وشكرا

**ابو فراس** · 30-12-08, 03:56 PM

بداية طيبة

بس كانت هجومية

وان شاء الله ما تحرمنا من جديدك القادم

حمد الجبيرى · 30-12-08, 04:11 PM

اخوي صور جميله ورحله موفقه بارك الله فيك

**محمد المعارك** · 30-12-08, 07:56 PM

ابو عود
مشكور على هذا الموضوع وننتظر منك المزيد
الشيبان ما يكفيهم موضوع واحد ... شد حيلك.

بارك الله فيك.

**عبدالكريم اليوسف** · 31-12-08, 12:36 AM

هلا بك يالامير
اللي هذا اوله ياسعدنا بتاليه
الله الله عليك بالطيب مثل هلموضوع
خل الشيبان ينبسطون حيل

اخوك

Abu Ibrahim · 31-12-08, 05:13 AM

الأخ الغالي ابو عود
مشكور على الموضوع الرائع
والله يعطيك الف عافية

حامد الغامدي · 31-12-08, 09:05 AM

لا تزعل الشيبان يابو عود، ترى البركه فيهم، وطلعتكم حليوه وخفافي، بارك الله فيك. بس من هو أبو عزوز هذا.

**ريع الدياب** · 31-12-08, 09:06 AM

بصفتى عميد شياب المنتدى

خلاص يابوعود أبغى أقترح على الادارة اسم شبابى
ايش رأيك بالرحيلات !!!! أو الرويحيلات !!!! ههههه
كتاباتك منعشة وتشعرنا ان الشباب مهتمين بنا
واللى عجبنى أكثر بدايتك القوية بموضوع مرتب وصور احترافية

**الخلف** · 31-12-08, 10:42 AM

وعليكم السلام ورحمة الله وبركاته

صور لرائعه وحلوه وجميله

يا ابو عود

بس وش حنا بدون الشيبان

هم تاج راسنا وهم سندنا

موفق بإذن الله ... لك مني أجمل تحية

نقره لعرض الصورة في صفحة مستقلة

ابوعود · 31-12-08, 12:45 PM

انا اشهد ان الشيبان تاج روسنا

بس حبيت امزح شوي

ولا انا احب الشيبان والجلسه معهم

ومشكورين على الردود

وترقبو مني مواضيع جديده باذن الله

وبالنسبه لابو عزوز
هذا انا بعد ما شيبت صرت ابو عزوز

وايام الشباب ابو عود