اخوي شايب الصمان كلنا شياب انا بديت ؟؟؟؟؟؟؟؟ ( باحث اثار )

[خليف العيد]

اخوي الغالي
شايب الصمان
حياك الله اخوي شف الشباب امثال ابوفراس
بدو يتطنزون في الشياب على ان الشايب مايعرف للجهاز
وسامي يتطنز فيني بعد تدري وش يقول
يقول يازين العاير لكم يا شياب الرحمن وتتركون الاجهزة لنا يالشباب
فكرت قلت بيني وبين روحي ابي ازين صورة لخوي شايب الصمان
غديها تصلحله
يامعود جاملني على شان الشباب مايضحكون علينا
اخي وأستاذي الفاضل
شايب الصمان ولله جلست احورف وزينت هذه الصوره
لأنكم اعضاء الرحلات دايم على بالي واذكركم في الخير

تحياتي للجميع
اخوكم ومحبكم في الله
ابوسامي

والله اني اتعلم في
هذا الجهاز

[ابو فراس]

ابو سامي الله يهديك

ترا الرمل يتحرك ولا يثبت

وشايب الصمان ما يزيد عمره ولا يتحرك

هو هو ما تغير ابو عبدالله

[شايب الصمان]

هلا والله وغلا ياأبوسامي تصدق أن عاير محكمة الرياض حاجزه من زمان ولا به طاوله لي ( يكيكي على غفله ) طبعا هذي من خشم الحصان أقول الشيبان أزين وأحسن وماعليك من شباب هالوقت تراهم يعزونا ويحبونا والدليل خله بيني وبينك ؟؟؟؟

أقول يامكثور الخير على هالتوقيع الاصيل والجميل والحقيقه أنه شق خاطري بالحيل .

أقول خلك لاتتعلم زود يعني خلك على هالوزنيه وياحبيلك مير وخل المتشببين أقصد الشباب يدورنا التقاعد وقدمنا عليه

أقول أصبر خلن أجمع كلمات تليق بهالي سويته لي الله مير يسلمك وخليلك سامي وذريك .

[ريع الدياب]

أفا عليك أبو سامى
وانت بعد يابوفراس

شايب الصمان اذا بغى يشد حيله صار صاروخ ما شاء الله

[الليل]

ماشاء الله
والله خوش شباب .
حقيقة مريت من عند السيارة ولقيتها مغرزة
قلت ما يصير أروح ولا أسحبها ..

[شايب الصمان]

المشاركة الأصلية كتبت بواسطة ريع الدياب

أفا عليك أبو سامى
وانت بعد يابوفراس

شايب الصمان اذا بغى يشد حيله صار صاروخ ما شاء الله

هلا والله أبوأسماعيل هلا بالغالي ومرحبتين الصراحه صوره معبره ( أمدح روحي بكيفي ) تعبر عن التسامح والهداوه .

نغزه ........... الشيبان قلوبهم على بعض وفزاعه مهوب مثل بعض شباب هالايام ..........

ومشكور يابوسامي على مجهودك المميز عندي وعلى حساسيتك يوم انك حسيت بحساسيت وتحسس أحساسك لاين أصدر هالصوره الي كلها أحساس .

[ثامرالماضي]

بسم الله الرحمن الرحيم

آسف على دخولي هالموضوع ... اللي خاص بالشيبان ... لكن مادخلت إلا عشان أقول كلمتين وأطلع لأني مانيب شايب ...

أحب أشكر أخوي أبو سامي على هالتوقيع الرائع لخونا الغالي شايب الصمان الصراحه أعجبني بالحيل ...

وحبيت أقول لكم الله يعطيكم الصحه والعافيه ... والله يخليكم لنا ذخر ... وأنتم القدوه لهذا المنتدى ... بارك الله فيكم جميعاً ...

,,,,,,,,,,,,,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,,,,,,,,,,,,,

[شايب الصمان]

المشاركة الأصلية كتبت بواسطة أبو شعلان

بسم الله الرحمن الرحيم

آسف على دخولي هالموضوع ... اللي خاص بالشيبان ... لكن مادخلت إلا عشان أقول كلمتين وأطلع لأني مانيب شايب ...

أحب أشكر أخوي أبو سامي على هالتوقيع الرائع لخونا الغالي شايب الصمان الصراحه أعجبني بالحيل ...

وحبيت أقول لكم الله يعطيكم الصحه والعافيه ... والله يخليكم لنا ذخر ... وأنتم القدوه لهذا المنتدى ... بارك الله فيكم جميعاً ...

,,,,,,,,,,,,,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,,,,,,,,,,,,,

لاتتأسف لانه فعلا يخص الشيبان .
ولكنك غلطة غلطه ماأدري هل الشاب يبي يسمحلك أولا لا وهي أنت ضميت الشاب أبوفراس لنا يالشيبان