بسم الله الرحمن الرحيم
السلام عليكم ورحمة الله وبركاته
احبتي كيبوردية اتمنى ان تنال استحسانكم
سهيل بانت يالمعارك حراويه=خابرك مثلي تنتظر طلة سهيل
والوسم بعده ابشر بخير واليه=جعلك تشوف اشعاب نجد كماالنيل
وتطلع خلاوي ماترافق هل التيه=وتطرب زمانك مع رجال حلاحيل
كيف العرب زاين ومامن مشاريه=اسلوب راقي ماتشوف البهاذيل
وتشب نارك رمث جمره توطيه=وتبهر الصفراء وتازن لها الهيل
وتخدر الشاهي على كيف راعيه=كيف لنا من بعد حوف الفناجيل
وسط الضحى كل حلاله معشيه=الخير واجد والمنايح معازيل
راع الدبش نبت المرابع مكفيه=والبل تشبع قبل مالشمس ماتميل
والشمس لاغابت بذيك المهاميه=عند المعشى نبتهج بالتعاليل
بزين الهروج وهم دنياك ناسيه=عند الوجار ودلتك والمعاميل
هذي مناتي والرحلات نثريه=المنتدى اللي فيه زين التماثيل
عساه عامر دوم والرب يحميه=اللي جمع ربعي بحلو المحاصيل
محبكم
سهيل بانت يالمعارك حراويه
العرض العادي
