مقناص كراوين بالحرار ........ أبو شعلان ...

**ثامرالماضي** · 17-07-07, 02:16 PM

بسم الله الرحمن الرحيم

إخواني الأعزاء ... أعضاء وزوار هذا المنتدى الغالي ...

كما وعدتكم من قبل أن أدرج موضوع عن مقناص الكراوين بالحرار ... هاأنا أفي بوعدي لكم ...

وأتمنى أن ينال على إستحسانكم ورضاكم ....
ـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ

في آخر شهر 1 / 1428هـ كان الربيع في بداياته وكان وقت الكراوين ... وتوقعنا أن تكون هذه السنه هي أحسن سنه للكراوين ولكن لم يحالفنا الحظ ... والحمد لله على كل حال ... المهم :

أخر أسبوع من شهر واحد مشيت لم الربع يوم الخميس بعد الدوام مسيّان ... كانوا قانصين ولا لقو شي يوم الخميس ... دورنا مراحٍ زين وفليناها وإستانسنا ذيك الليله ... ويوم أصبحنا الجمعة ...
كان الجو خيال والأرض كاسيها الخضار والشغايا حلوه بالحيل .

هذي شغية من الشغايا بس وعره شوي ...

والصراحه جانا ملل من المقناص ودك تكشت <<<< إيه هيّن .... وصرت أتمشا بهالربيع الزين

ولا بعد كل شوي نازل أصور يقالي محترف نقره لعرض الصورة في صفحة مستقلة

وفجأه

صوت لنا واحد من الربع قال عندي جرت كروان جديدة ... ولكن مافيه إلا خطوتين والأرض وعر ماتعطي أثر واجد ..

قلنا له كفو والله جيناك ... ويوم جيت ولا الربع مجتمعين ويدوجون حوله ...

وبينما حنا ندوّج إلا طاحبهن واحد من الربع قال شوفوهن عندي ...

والصراحه هن ثلاثه بس واحد بعيد عنهن شوي ... وحاولت أصورهن مع جهه ثانيه بس ماش ... حتى الصورة إختلفت مادري وش جاها ...

وصفينا صف واحد ... طبعاً بعضنا ماصف مثل اللي يبي يهد واللي يصور واللي مابعد جاء ...

وبعدها عزلنا واحد منهن وهدينا عليه وصاده الطير ...

وبعده عزلنا الثاني ... عشان مايطيرن مع بعض ويتعازمن على الطيران ...

وطيّرناه وهدينا عليه ... والربع متحمسين مع الهدد ... مع إن الأرض وعره بالحيل ... شف وشلون الحصى

والحمد لله صاده الطير بعد عناء ...

ورجعنا لم الكروان الثالث وكان واقف عنده واحد من الربع عشان مايضيعة ولقيناه رابض ...

أبشركم هدينا عليه وصاده الطير ولله الحمد ...

وهذا كروان بعد ماخلصناه من أحد من الطيور ...

والحمد لله كل الطيور صادن .

وبعد ما إستانسنا بالهدد ... وجاء وقت المضّحى .... وقفنا للغدا وحينها زانت السواليف والقهوه ....

وهذي آخر صوره للكروان وهو أسير بالشبك مع الحمام ...

وبعدها أتمنى من الله العلي القدير ... أن ينال هذا الموضوع على رضاكم ...

ودمتم بخير وعافية

,,,,,,,,,,,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,,,,,,,,,,,

ولد نجد · 17-07-07, 02:32 PM

صايد وفايد يابو شعلان
ولو ان مالي بالصقور لكن شدني موضوعك بروعته وتحمست معكم
واعجبتني صورة الاسير وهو مشخص بالشبك نقره لعرض الصورة في صفحة مستقلة
ماقصرت الله يعطيك العافيه

سحمان السبيعي · 17-07-07, 02:36 PM

الله يجزاك خير اخي ابوشعلان على هذه الرحلة الممتعة والله شوقتنا للمقناص بس لازم تاخذنا معك في مقناصك القادم

**المغترب** · 17-07-07, 04:06 PM

الله عليك يابو شعلان ..
دايم تتحفنا بالمواضيع الحلوه ..
بعدين وش هالحترافيه بالصور...
وماشاء الله صيد وربيع وجو حلوى ...

ليتنى معك على مرتبت يمين ...

سعود الراشد · 17-07-07, 08:58 PM

تشكر اخوي ابوشعلان
شوقتنا للمقناص

معدي المرقاب · 17-07-07, 10:45 PM

بيض الله وجهك يابو شعلان

مقناص وسعة صدر وعلوم رجال

شرح مميز وصور رائعه بالتوفيق دائما ان شاء الله

**ثامرالماضي** · 18-07-07, 10:15 AM

بسم الله الرحمن الرحيم

حيالله الأخوان

الغالي ولد نجد ...
الله لايهينك على مرورك وعلى هالرد الحلو ... وإعجابك بالموضوع ...
وهالأسير متكّي منقاره على الشبك وشكله يتحيسب علينا ههههه نقره لعرض الصورة في صفحة مستقلة

الغالي كان ...
هلابك والله بالعاده دايم الأول والحين الثاني ههههه نقره لعرض الصورة في صفحة مستقلة

وأبشر بسعدك إن الله أحيانا مكانك محجوز .. أبرك الساعات ...
مشكور على مرورك يابعدي ...

الغالي المغترب ...
هلا وغلا والله ... الله يتحفك بالصحه والعافيه ...
بدينا بالمجاملات ... أي إحترافيه ياشيخ ...
ومافات إلا الشر المقناص الجاي إنشاءالله نقنص جميع ...
مشكور على شطفك للموضوع ...

الغالي سعود ..
العفو أخوي ... ومرورك أسعدني والله ..

الغالي معدي المرقاب
هلا وغلا فيك وهذي الساعة المباركه ... أول مشاركه لك بموضوعي هذا شرف لي ...
وماعليك زود والعلوم الزينه عندك وننتظرها ...
مشكور على مرورك بالموضوع ...

,,,,,,,,,,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,,,,,,,,,,,

فلاح · 21-07-07, 09:56 PM

ماشاء الله ابداع وخويا نشاما الله يوفقك في الجول

ذيب نجد · 22-07-07, 04:07 AM

اخوي ابو شعلان الغالي ::::

الحق يقال بدون مجامله انك مبدع في طرح مواضيع مقناص الطيور .......

صورك تدل انك محترف من الدرجه الاولى ....

لا تحرمنا من صور مقانيصكم الباقيه *(*(*( الخير واجد ))))

خاصه الحباري .......والارانب

ابو شعلان شكراً
ــــــــــــــــــــــــــــــــــــــــــــ
سلا1111111111111111111م

**ثامرالماضي** · 23-07-07, 02:49 PM

اقتباس:

المشاركة الأصلية كتبت بواسطة فلاح

ماشاء الله ابداع وخويا نشاما الله يوفقك في الجول

هلابك أخوي فلاح ... زارتنا البركه ...

الله يجزاك خير على هالدعوه الزينه ...

وعقبال مانشوف صور لمقناص طيورك إن شاء الله ... بس عجل علينا ...

سرني مرورك يالغالي ...

,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,

احمد الثقفي · 24-07-07, 01:24 AM

اخوي ابوشعلان
والله موضوعك شدني بالحيل من قوته
ومن روعة الصور،،،
تقرير في منتهى الجمال ،،، تشكر عليه

تحياتي

**خالد الشريهي** · 24-07-07, 01:43 AM

أخوي أبو شعلان

اولا آسف لاني توني اشوف موضوعك

موضوع رائع ومقناص طيب ورحلة طيبه

بارك الله فيك وعقبال الصيد الوافر باذن الله

تقبل تحياتي

**محمد المعارك** · 24-07-07, 03:40 AM

مشكور اخي ابو شعلان
متعتنا بهالمقناص الجميل ، مقناص الكراوين الكثير من المتعة والفكاهة .
الحقيقة صور جميلة ورائعة .

بارك الله فيك.

**ثامرالماضي** · 24-07-07, 11:26 AM

اقتباس:

المشاركة الأصلية كتبت بواسطة ذيب نجد

اخوي ابو شعلان الغالي ::::

الحق يقال بدون مجامله انك مبدع في طرح مواضيع مقناص الطيور .......

صورك تدل انك محترف من الدرجه الاولى ....

لا تحرمنا من صور مقانيصكم الباقيه *(*(*( الخير واجد ))))

خاصه الحباري .......والارانب

ابو شعلان شكراً
ــــــــــــــــــــــــــــــــــــــــــــ
سلا1111111111111111111م

تسلم أخوي أبو علي ...

محترف حته وحدة ... الظاهر لو تشوف كاميرتي كان تحام تسبدك ...

وإن شاءالله الخير واجد ...

وشاكر لك مرورك يالغالي ...

,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,

**ثامرالماضي** · 25-07-07, 11:35 AM

اقتباس:

المشاركة الأصلية كتبت بواسطة أبوأشرف

اخوي ابوشعلان
والله موضوعك شدني بالحيل من قوته
ومن روعة الصور،،،
تقرير في منتهى الجمال ،،، تشكر عليه

تحياتي

هلا بالغالي أبو أشرف ...

مشكور وماقصرت مرورك أسعدني والله

والحمدلله إن الموضوع نال على رضاك ...

,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أول مقناص حباري لنا مع دخول الوسم ..... أبوشعلان	ثامرالماضي	رحلات الصيد	67	10-11-10 12:54 PM
أدخل وشاهد ,,,, مقناص الطير للأرانب ،،،،	الوافي عزام	رحلات الصيد	30	26-01-08 01:19 PM
مقناص الوبر	أبو حاتم	رحلات الصيد	21	27-09-07 10:57 AM
مقناص كمرتي لحمام الخضاري..صور	عيسى العيسى	التصوير والكاميرات	15	28-07-07 06:09 AM