كشته الصمان .. صور الامطار والربيع السبت 17-1

[ذيب نجد]

السلاااام عليكم ورحمه الله وبركاته

يوم السبت كشتنا مع ربع شرواكم للصمان نبي نشوف الامطار والربيع وكان خروجنا من الرياض الصبح
مرينا على الدهناء والحمد لله الارض رويانه والنفود احمر وكانت تمطر علينا وحنا بالدهناء

ثماً توجهنا للصمان يم ام قرين ودغيم وبربك دغيم واللي حواليهن
واكثر فيضه ممطوره فيضه دغيم واللي حوله اما ام قرين مافيها اثر للمطر بس الدروب اللي حوله كانت مليانه مناقع وكانت الامطار مسيله الشغايا ....
اتركم مع الصور :
الدهناء

حدى شغايا الصمان

فيضه دغيم ...

دغيم

وبر مضيع بفيضه دغيم طريقه وعطيناه حق الضيافه

وهذا هو يشرب ماء السيل اللي بدغيم

وشكراً لكم

ــــــــــــــــــــــــــــــــــــــــــــــــــ ــــ
سلا1111111111111111111111م

[شايب الصمان]

مكثور الخير الله يبشرك بالخير

صوره جميله جدا

[سحمان السبيعي]

الله يجزاك خير اخي الكريم على هذا التقرير المبارك

[عبدالرحمن المحلاوي]

ما شاء الله تبارك الله .. وسعت صدورنا الله يوسع صدرك .. بالعافية ..



سلمت يالغالي

[ثامرالماضي]

بسم الله الرحمن الرحيم

أبو علي .... وبر وبالصمان وشلون تجي ذي هههههه

عموماً الله يبشرك بالخير على هالمطار الحلوه ... الله يرزق الأرض الدفى ...

رحله موفقه يابوعلي ... إيه نبي مواضيع زي كذا ... وأتحفنا بالصور الباقيه ...

لاهنت يالغالي وبيض الله وجهك ...

وننتظر المزيد ... والمزيد ...

,,,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,

[ريع الدياب]

الغالى ذيب نجد

وهو فيه أجمل من صور فياض الصمان هالأيام غرقانة بالمطر من فضل الله
صور تبشر بربيع خير ان شاء الله ... مشكور وما قصرت

[وراط]

عافاك الله يابو علي
تقرير جميل جدا
خاصة مع هالاجواء الرائعة
اسأل الله ان يجعل هالمطر نازل بالبركة
بس و انا اخوك
تقول في العنوان صور امطار و ربيع
الامطار و جبت صورها
بس باقي الربيع ... الله لا يهينك

[الوافي عزام]

الله لايهينك ياذيب نجد

والله ينفع بهالمطر ان شاء الله

وشاكر لك ومقدر

[ذيب نجد]

شايب الصمان ..
تسلم وشكراً على مرورك ...
,,,,,,,,,,,,,,,,,,,,,,,,,,,,,,,,,,,,,,,,
كان ....
وياك والله يبارك فيك..
,,,,,,,,,,,,,,,,,,,,,,,,,,,,,,,

عاشق النداوي..
هلا وسهلا بك ....

,,,,,,,,,,,,,,,,,,,,,,,,,
ابو شعلان ..
اصلاً ماتجي ذي
ابشر باللي الله يقدرن عليه وننتظر صور طلعاتك والمقناص ...

,,,,,,,,,,,,,,,,,,
ريع الدياب ..
صدقت اجمل شي منظر الفياض وهي غرقانه بالماء ( المشكله بأهل البعارين مايخلونه )
هلا بك ..

,,,,,,,,,,,,,,,,,,,,,,
وراط ...
اسفرت وانورت ..
بالنسبه لصورت الربيع الصوره سقطت سهواً ابحملها بأذن الله ومشكور على التذكير

[ذيب نجد]

هذي صوره الربيع اللي نسيته ...

[وراط]

جدا جدا مشكور
الله يكتب لك اجر مسلم ادخلت السرور الى قلبه

[حمد الجبيرى]

مشكور اخوي على الصور الجميله اسئل الله ان ينفع بهذ المطر

[ذيب نجد]

الوافي عزام
هلا بك ومرحبا ولا شكر على واجب

,,,,,,,,,,,,,,,,,,,,,,
وراط ..
اشكرك من جديد على تفاعلك
مكثور الخير

,,,,,,,,,,,,,,,,,,,,,,
جلمود الجبيري ...
العفو والله ينفع بالسيل
وشكرا لك

[البارق]

ماشاء الله
بيض الله وجهك اخوي ذيب نجد ولاهنت ياذيب,,,

[محمد الديحاني]

المشاركة الأصلية كتبت بواسطة ذيب نجد

هذي صوره الربيع اللي نسيته ...

الاخ ذيب نجد شكرا جداجدا على هالتقرير لكن هالصورة في اي فيضه اذا تكرمت؟