الأجواء تتحسن هذه الأيام والجو يغري بغزو البرية حتى لو كانت شهباء...
ومع الكشتات والسمرات في هذا الجو الجميل.. أحضرت لكم شواية للرحالة
هذا الشواية تتميز أنها قابلة للطي ولا تأخذ حيز كبير في السيارة
ومع ذلك تستطيع أن تشوي ثلاث دجاجات متوسطة الحجم بسهولة
من ميزاتها:
1. سهلة التسفيط والتركيب
2. مساحة الشوي مثالية
3. توزيع الحرارة ممتاز
4. اقتصادية في استهلاك الفحم
5. وجود فتحات للتهوية
6. وجود شنطة لحملها وتخزينها
7. مواد التصنيع جيدة
سلبياتها:
1. شنطتها ضيقة جدا.. يا لله على قدها(مثل بنطلون الجنز الضيق!!)
2. عدم وجود مقابض حمل جانبية
3. ارتفاع شبك الشوي ثابت مع أن ارتفاعه جيد
الصور التالية توضح طريقة نصب وتركيب الشواية من الألف الى الياء
هذا حجمها مقارنة بالموقد المشهور
وهذه صورتها وهي داخل الشنطة. لا حظ صعوبة أخراجها لضيق الشنطة
سلبياتها:
1. شنطتها ضيقة جدا.. يا لله على قدها(مثل بنطلون الجنز الضيق!!) بالفعل يازين الشنطة إذا صارت كبيرة تصير الشوّاية منحشرة !!وعلى فكرة يقدر الواحد يفصّل له مخمل أهم شيء يصير شغله طعم المهم يازينه وعطنيّاه أأأأ قصدي وينه أنا أدوّر هالشوّاية من زمان
الآدمـي تـكـشـف مع الوقــت خافيه
ويبين لك طـيـب الرجـل من خماله
لا طـالـت الـخــوه ظهــر كل ما فيه
وعـرفـت دقــه وقــتـها من جــلاله
أما طــلـع خــويـك الـلـي تــخـاويه
والا سـمـحــت وقــلـت مالي وماله
الاخ العزيز طير الفلاح
موضوع ممتاز
وشوايه شكلها وذف وسهله
وخفيفه بس الى يبى وحده
من وين يشتريها
بارك الله فيك
وعليكم السلام ورحمة الله وبركاته أخوي الخلف.
الشواية اشتريتها من سوبرماركت المزرعة اللي على شارع الظهران بالخبر.
سعرها تسعين ريال.
موفق بإذن الله ... لك مني أجمل تحية .
اقتباس:
المشاركة الأصلية كتبت بواسطة الشيخ قوقل
لكن كم قيمتها ؟؟
سلبياتها:
1. شنطتها ضيقة جدا.. يا لله على قدها(مثل بنطلون الجنز الضيق!!) بالفعل يازين الشنطة إذا صارت كبيرة تصير الشوّاية منحشرة !!وعلى فكرة يقدر الواحد يفصّل له مخمل أهم شيء يصير شغله طعم
المهم يازينه وعطنيّاه أأأأ قصدي وينه أنا أدوّر هالشوّاية من زمان
وعليكم السلام ورحمة الله وبركاته أخوي الشيخ قوقل.
الشواية اشتريتها من سوبرماركت المزرعة اللي على شارع الظهران بالخبر.
سعرها تسعين ريال.
اقتباس:
المشاركة الأصلية كتبت بواسطة عبدالكريم اليوسف
عرض جميل
بارك الله فيك
والله يسعد ايامك
لاعدمناك
شكرا لك أخوي عبدالكريم... شرفتني.
اقتباس:
المشاركة الأصلية كتبت بواسطة البرفسر
مشكور ياطير الفلاح
ياليت تقول لنا وين تباع ؟
هلا أخوي البرفسر.
الشواية اشتريتها من سوبرماركت المزرعة اللي على شارع الظهران بالخبر.
سعرها تسعين ريال.
اقتباس:
المشاركة الأصلية كتبت بواسطة جلمود الجبيرى
والله جميله وين تباع بارك الله فيك
هلا أخوي جلمود
الشواية اشتريتها من سوبرماركت المزرعة اللي على شارع الظهران بالخبر.
الغالي
السلام عليكم
يعطيك العافية على هالموضوع طيب الصاج هو عملي سميك او يتعفط يعني جرمها انت تعرف دروب البر بطانيج و مطبات وبتصير من ضمن العفش
بارك الله فيك
اخوك
فهد