™وشرايكم بالدينالي 2007 دفع رباعي ينفع للبرررررررر وهذي صورته™

[™Lexus™]

وشرايكم بالدينالي 2007 دفع رباعي ينفع للبررررررررررر وهذي صورته™

[عبدالله]

ينفع ليش ما ينفع طال عمرك

[حمد الجبيرى]

بر عن بر يعني البر القريب وام الرحلات اللى عليها العلم مافيه مثل الاند والباترول مشكور

[Abu Ibrahim]

سيارة ناعمه ممتازة ومريحة

[ابو ريس]

بيني وبينك ترى هو عزم وحلو بالطعوس بس مشكلته كثرت الانظمه واذا جيت تطلع الطعس على جنب او الموتر انحرف عن مساره يفرمل والنظام يحاول يعدل السياره و يتفكك مع كثر المطامر تسمع صرصره بالموتر وحساس شوي بس اذا بتاخذها هداوه ترى ممشاه حلو بالطعوس


شـكــ وبارك الله فيك ـــرا لك ... لك مني أجمل تحية .

[ماجلان]

تبي نصيحة مجرب ؟؟؟
لا تقرب الدينالي إذا أنت من أهل البر
مثل ما ذكر لك أخي الكريم ابو ريس ( بينه وبينك ) راح تستانس بأول طلعه وبعدين تتحسف قد شعر رأسك
أنا عندي سوبربان دينالي 2003 وكل ما أطلع فيه طعس يضيق صدري .. أخاف تخرب الدفرنشات الأمامي والخلفي ( تصير تطلع صوت مزعج أثناء القياده على الإسفلت )
خربت مره وغيرتها تحت الضمان ب 12 ألف ريال !!!
سيارات الدفع الرباعي الدائم الأمريكيه مشاكلها كثير
إذا كنت معزم تبي جمس خذ يوكون دفع رباعي واحرص انك ما تستخدم الدبل في الوضع الأوتوماتيك يعني يا 4l أو 4h أو 2h
وتأكد عند دخول منطقه وعره من تعطيل نظام منع الإنزلاق يدويا والا تنشب بوسط طلعة الطعس إذا اشتغل النظام وتحس أن السياره صارت بالفاضي

أرجو أن أكون أفدتك

[Abdullah K. AL-Hassan]

السلام عليكم ورحمة الله وبركاته

أخي الكريم

بداية أرحب فيك كل التراحيب

واقول حياك الله بين اخوانك

بخصوص الدينالي

الأخوان ماقصروا وحبيت أشاركهم

بشكل عام ( سيارات الجي ام سي ) الجديدة

رائعة جداً خاصة في المدن والأماكن الجبلية ( منحدرات ومرتفعات ) مثال تقريبي الصورة



وبه مزايا رائعة كثيرة

وهناك عيب خاصة في الجموس ( اليوكن والسوبر بان )

وهو أنه ألكتروني

ومثل ماذكر الغالي ماجلان كثرت خراباته .

وفيه الكثير من الحساسات .. والأنظمة ووو..الخ

بالنسبة لي لدي لاندكروزرو و جي ام سي سوبر بان .. 2005 استخدمه في بعض الأحيان

والحمدلله قوة ومريح بالخط إذا انت راعي سفرات وتحب السفر بالسيارة ( مثلي ) ..

وأنصحك بالاند كروز أكثر إذا كنت راعي بر وطلعات وسفرات ورواحات وجيات ( كرف ) ...

ومثل ماذكر الأخ الغالي جلمود أيضاً ..

بر عن بر يعني البر القريب وام الرحلات اللى عليها العلم مافيه مثل الاند والباترول مشكور


أتمنى أني أفدتك ولو بالقليل


أخوك عبدالله

[سنافي نجد]

..



شكله حلو

لكن

المشاركة الأصلية كتبت بواسطة ابو ريس

بيني وبينك ترى هو عزم وحلو بالطعوس بس مشكلته كثرت الانظمه واذا جيت تطلع الطعس على جنب او الموتر انحرف عن مساره يفرمل والنظام يحاول يعدل السياره و يتفكك مع كثر المطامر تسمع صرصره بالموتر وحساس شوي بس اذا بتاخذها هداوه ترى ممشاه حلو بالطعوس

المشاركة الأصلية كتبت بواسطة ابو ريس

شـكــ وبارك الله فيك ـــرا لك ... لك مني أجمل تحية .

..

[™Lexus™]

الاخ عبدالله شكرا لك



الاخ جلمود معلومة مفيدة ماقصرت



الاخ الاحنف شكرا لك



الاخ ابو ريس استفدت منك بارك الله فيك



الاخ الغالي ماجلان اشكرك على النصيحة ولي وقفات مع ردك :
-لا تقرب الدينالي إذا أنت من أهل البر(( ناشبين به -شارينه ))



أنا عندي سوبربان دينالي 2003 وكل ما أطلع فيه طعس يضيق صدري .. أخاف تخرب الدفرنشات الأمامي والخلفي ( تصير تطلع صوت مزعج أثناء القياده على الإسفلت )
خربت مره وغيرتها تحت الضمان ب 12 ألف ريال !!!
سيارات الدفع الرباعي الدائم الأمريكيه مشاكلها كثير
((ماني راعي بر رملة وغيرها يعني نص استواء ماابعد كثير بالطعوس خخ))

إذا كنت معزم تبي جمس خذ يوكون دفع رباعي واحرص انك ما تستخدم الدبل في الوضع الأوتوماتيك يعني يا 4l أو 4h أو 2h
((المشكلة نظام اتوماتيكي كل كفر بلحاله دبله يشغل عمره يوزع الاحمال وماله دبل يدوي ))

وتأكد عند دخول منطقه وعره من تعطيل نظام منع الإنزلاق يدويا والا تنشب بوسط طلعة الطعس إذا اشتغل النظام وتحس أن السياره صارت بالفاضي
(( أول مرة اعرف المعلومة هذي وعندي زر لتعطيل مانع الانزلاق ابرصه من اول دخله للبر))
أرجو أن أكون أفدتك


((افدتني وبقوة وكذلك الجميع الله يبارك فيكم))




الاخ ا ك هـ
افدتني الله يوفقك



ابوفهيد اشكرك على مشاركتك والله ماني راعي مطامر مرة ، كان دقيت شاص

[عبدالرحمن الدرويش]

اخونا ™Lexus™.. هلا وغلا

قبل كل شيء الإخوان الكرام ما قصروا بالردود والإفادة ولهم الشكر على ذلك.. وبصراحة انا اعشق اليوكون والدينالي بالذات له عشق خاص بعد.. احد الزملاء بالعمل معاه موديل 2007 او 2008 (الله يطعمه خيره ويكفيه شره) من مزاياه آخر الدوام على الساعة 3 ومن الدور الرابع يشغل الموتر أما أنا فأنزل للباترول واشغله وانتظر شوي وانتظر وانتظر وبعدين امشي .. فشوف الميزات كيف هذا غير عزمه وتسارعه (ما شاء الله) زبدة الكلام بصراحة الموتر يصلح لطلعات تمشية خفيفة ويعني تطعيس خفيف اما البر البر اللي نخبره فما اعتقد يصلح لا اليوكون ولا الدينالي (وتحديدا الموديلات الجديدة)..

أخوك.. ابو فهد..

[سيف الظفير]

انا معي 2006 مقاس 2500 فئة 8100

وباخذ لي باااااترووول لأنه صقر المواتر

وملك سيارات الدفع الرباااعي بجدارة

ولا يعلى عليه


وانتبه لاتاخذ هالسيارات المدنية

[البرفسر]

كثير اعطال الدبل لأنه كهرباء وانا عانيت منه كثير .

اما اذا كان للراحه فهو لايعلى عليه .

[المركاز]

إذا كنت معزم تبي جمس خذ يوكون دفع رباعي واحرص انك ما تستخدم الدبل في الوضع الأوتوماتيك يعني يا 4l أو 4h أو 2h
وتأكد عند دخول منطقه وعره من تعطيل نظام منع الإنزلاق يدويا والا تنشب بوسط طلعة الطعس إذا اشتغل النظام وتحس أن السياره صارت بالفاضي،،،
========================================

مثل ما تفضل اخوي خذ لك يوكون ولا حتى تاهو لانه مافي فرق عن اليوكون دفع رباعي انا عن نفسي مجرب التاهو في البر والطعوس ومافي احلى منه قوة ومتانة والله يوفقك الجميع،،،،

[عاشق الترحال]

يا جماعة الخير الدينالي مافيه لا دبل خفيف ولا ثقيل

دفع رباعي مستمر يعني لغرز اقعد به

والي عنده دينالي ياليت يأكد كلامي

بعدين الجنط كبير ما تقدر تفس على الكفرات واجد