السلام عليكم ورحمة الله وبركاته بعد صلاة الفجر يوم شفت ان الجو براد قلت يابو فراس لا يفوتك الغضا هالحين تبي تلقاه فاضي كل الناس اللي بالمدرسة او بالعمل وخذ راحتك مع اني اتصلت على واحد ولا رد (قلعته) المهم قررت ان ازين خبزي بيدي وحيث اني عجل مريت على الخباز واخذت منه عجين مقدار قرص واحد يبي يكفين انا والضيف ان سير علي احد ويوم وصلت والا هاك الغيوم والجو الزين 1
2 على طول شبيت الضو حتى احكر القهوة والشاهي ويجمر حتى نسوي خبزنا
3 ابكثر الصور علشان واحد ببالي يحب كثرتهن واقترح على حتى يطول وهو يقرا الموضوع ويمخمخ عليه واستجبنا لغربته
4واول مازان فنجال قهوة يطرد ازعاج المدينة وتبدا بالهواجيس
5وقدوع وصى عليه الخبراء
6 وفنجال شاهي صافي لحد يقول خفيف ترا ما اعزمه بعدين
7 واثناء انتظار الخبز خذ كم صورة وجرب واشغل روح يامال الغنيمة وهذي صورة لحبيبة اهالي عنيزة شجرة الغضاء
8 والان نعود لخبزنا واعذرون لاني لحالي (يعني بمفردي) ما قدرت اصور الخطوة الاولى لفرد العجينة تخبرون الايد مليانة عجين والكمرة غالية بعد ان فردنا العجين بصحن الكنافة (اسفين يا ام فراس)احتجناه المرة وان شاء الله نشري ليتس واحد بداله (ايه كثر منهن) غطيناه بالغطا حتى تنتشر الحرارة وحماية له من الحشرات او رمل او اي شي مزعج
9 وبعد خمس دقائق حسب قوة دافورك يكون القرص استوى من الاسفل
10 بعد ان استوى القرص وتكون الجميرات جاهزات نقلب الصحن بعد ان نرفع الغطاء عنه لكي يتقمر وجه القرص ويستوي اكثر
11 وكذلك حسب قوة جمرك وحرارته انت قدر له الوقت المناسب وهذي النتيجة قرص يحبه قلبك مقمر على مزاجك
12 وهذا الوجة الاخر للقرص المقرمش
13 ومع الحليب والشاهي ما ينتفوت تغميس به
14 ايضا نبي نكثر من الصور اماهن ببلاش
15 وانت تاكل وموسعن صدرك خذ لك كم صورة يامال الغنيمة ترا الربع يستاهلون
16 مثل ما قلت لكم ترا الصور ببلاش اصبروا لا تروحن باقي صورة مهمة
17 وهذي النتيجة الفتاكة ولا تعلم احد يبلشك بعدين ويقول سو لي معك قرص لين اودي العيال والبنات للمدارس واجيك
18 وهذي القرص ما ادرس وش يسمونه تحطه بين الدافور والخبز حتى يتم توزيع الحرارة على القرص كله ولا يحترق
19 وهذي صورة اخرى له
20 وهذي صورة النهائية قبل الرحيل الحزين حيث اني تلقيت اتصالا من طبيب الزراعة لعلاج بعض الاغنام عندنا بالمزرعة ولابد ان اكون متواجدا هناك ولكن ان شاء الله نعوضكم بكشتة ثانية تكون اوسع وقت
الصبح محلى شبوب النار
لاصرت مرتاح ومصلي
وفي النهاية اتمنى ان تحوز على رضاكم
التوقيع
التعديل الأخير تم بواسطة ابو فراس ; 03-10-11 الساعة 03:03 PM
ابو فراس
طلعة ولا ازين منها
احيانا الواحد يطلع لحاله
طلعة قريبة
يطلع لها وناسة وراحة بال وصفاء بالنفس
واللي احلى منها مع قروم نشاما مثلك وشرواك
وعباس في مقدمتهم
وش جاب لجاب يابو عبدالله قرص ابو سليمان له براءة اختراع مسجلة بالولايات المتحدة الامريكية وقرص حده الغضا بس
اقتباس:
المشاركة الأصلية كتبت بواسطة pajero
ابو فراس
طلعة ولا ازين منها
احيانا الواحد يطلع لحاله
طلعة قريبة
يطلع لها وناسة وراحة بال وصفاء بالنفس
واللي احلى منها مع قروم نشاما مثلك وشرواك
وعباس في مقدمتهم
يابو براهيم الله يخلي لي عباس يطلع معي والا الباقين كلهم في اشغالهم بعدين تراك مواعدنا انك تبدا الطلعات معنا بعد ان انهيت الدراسة
فعلا الواحد لا صار بعيد عن الإرتباطات والمشاغل يبدع، إن شاء الله أبا اطب عليك يوم بعد الفجر علشان أصور الخطوه الأولى، وما فصرت يابو فراس صور وموضوع يثير الحنين لأيام الشتا وطلعات البر. تقبل سلامي.
الآدمـي تـكـشـف مع الوقــت خافيه
ويبين لك طـيـب الرجـل من خماله
لا طـالـت الـخــوه ظهــر كل ما فيه
وعـرفـت دقــه وقــتـها من جــلاله
أما طــلـع خــويـك الـلـي تــخـاويه
والا سـمـحــت وقــلـت مالي وماله
فعلا الواحد لا صار بعيد عن الإرتباطات والمشاغل يبدع، إن شاء الله أبا اطب عليك يوم بعد الفجر علشان أصور الخطوه الأولى، وما فصرت يابو فراس صور وموضوع يثير الحنين لأيام الشتا وطلعات البر. تقبل سلامي.
يابو فهد ياليتك قريب على الاقل القى واحد يريحنا من التصوير خوك يابو فهد ما تنعاف عسى ان يكون لنا فرصة ثانية ان شاء الله
اقتباس:
المشاركة الأصلية كتبت بواسطة سهيل
هلا بالوالد ابو فراس
كان امرتنا نجيك على الطاير
ما شاء الله عليك موسع الخاطر وفال الحجاج
الله يعطيك الصحة والعافية
الله يبارك بهالموضوع اللي خلاك تطلع من المخفق يابو خالد والله يبارك بالواتس اب نخجرك لين طلعك
اقتباس:
المشاركة الأصلية كتبت بواسطة عبدالحميد الحربي
هالحين بعض العرب ( اللي بالي بالك ) يبون يشترون مثل هالصينيه .. تعرف ليه ؟
لأجل يقولون عزبتنا .........
وش جاب عزبة العمده .. للعزبة البلاستيكيه ( مالتهم ) لكن الله يعينك
نغزة : الخباز اللي انت مار عليه ( هو محل تميس )
دقشة : ياخيي تكفى لاترد الصينية ( صرفها باللي يكون )
يابو فهد شروهن هالحين بس يبون اللي يجربهن ونعم خباز تميز والصياني ما راح ترجع الا للغسيل فقط ان شاء الله