اهديكم هذه القصيدة وخصوصا محبين الجيوب

[ابونورة]

السلام عليكم

اهديكم هذه القصيدة المصورة والمنشدة

من اخراجي اتمنى ان تنال رضاكم

وهي لبعض المقاطع للجيب

وليسمحلي اخوي راعي الشاص اخذت من صورة الله يعيطه العافية





مقطع الفيديو
http://abonoraah.googlepages.com/geebrahlat.wmv


القصيدة

راكب اللي كـن زولـه زول ذيـب *** ان نطحته .. وان قفيتـه مـن ورا
وان عرض لك قلت مابالوصف ريب *** جنب ذيب ٍ لاحقـه جـوع وعـرا
شاصي التصميم لاند كـروز جيـب *** مايبيعـه مـن شــراه ليـاشـرا
مايبيعـه غيـر مـردي النصيـب *** او من يحـده علـى قروشـه زرا
مايهـمـه لانـفـود ولاجـذيـب *** ولا الطلوع اللي مثـل طلعـة كـرا
لاهمزو قير أدبله .. جالـه نحيـب *** مثل من ميتـه علـى بالـه طـرا
ناحل الاطـراف تصميمـه عجيـب *** مع سماح الـدرب مشيـه بختـرا
كـن جـرات الربابـه بالسبـيـب*** صـوت ماطـوره ليامنـه ســرا
نحروه الليـل مـع وقـت المغيـب*** الثنين اللـي علـى العـز أقصـرا
ماعليه الا صحيب ٍ مـع صحيـب*** الملح .. والزاد .. والطيب .. خشرا
ماعليهم من بسيط .. ومن صعيـب*** بالـدروب .. وبالمحـلات خـبـرا
ودهـم مايمـرحـون الا قـريـب*** مـن مكـان ٍ تقـل لاجـوه ومـرا
من شعيب يحدرونـه مـع شعيـب*** والفضى مشمـوس والديـره ثـرا
ديـرة ٍ ربـي لهلهـا مستجـيـب*** كل وادي مـن فضـل ربـي جـرا
جوها من صادق الوسمي عشيـب*** للحبـاري والقطـا فيهـا حــرا
نبتهـا يفـوح كنـه فـوح طيـب*** ماتصـدق باللـي عيونـك تــرا
والله ان عمـاس راسـي مايطيـب *** ولا يطيـب الـزاد ويلـذ الـكـرا
غير لا رقبت النباء مثـل الرقيـب*** ونمت فيها ايـام لـو شـح الـذرا
بالخصوص لياصدف جـو ٍ رهيـب*** وقمت ادوج من الفياض الى القـرا
فوق جيبٍ كـن زولـه زول ذيـب*** ان نطحته .. وان قفيتـه مـن ورا

وان شاء لله تعجبكم

وسامحوني على القصور

ابونورة

[ذيب العرمه]

القصيد روعه يعطيك العافيه وصح لسانك ومن قال


ابو نوررره حياك ربي بالرحلات . اما الشاص والله مهيطه والا ابيه والا احبه لاني ازمل من مركبه يبيلك

واحد يمسجك اذا وووووقف . ترا رايي جنب القده دايم

[ابو فراس]

ما ازين من القصيدة الا الاخراج

وبعدين يابو عبد العزيز ( ذيب العرمة) ما يبرد تسبدك ويبيض وجهك الا هالشاص هو اللي ما يفشلك

[ابو صقر]

بسم الله الرحمن الرحيم

الله يعطيك العافيه يابو نوره
قصيده حلوه ومقاطع احلى

ابو عبدالعزيز سر ونحن من ورائك
لولا اختلاف الاذواق لبارت السلع

[ذيب العرمه]

العم ابو فراس الجيوب الشيصان مااااااانتحملها مطاب تمزع المفاصل ووكسيفه بالغماره

ابو صقر بحكم ان سياراتنا خوات . شكلك مثلي ماتهيط الشاص

[الصلبوخي]

وعليكم السلام ورحة الله وبركاته

حياك الله اخي الغالي ابونورة

وهدية مقبولة

جاري التحميل

كل الشكر والتقدير

دمت في حفظ الباري

[ثامرالماضي]

بسم الله الرحمن الرحيم

أخوي أبو نوره ...

الله يعطيك العافيه ... الصراحه إخراج قمّه بالروعة والقصيده حلوه بالحيل ...

لاهنت وبيض الله وجهك ...

وننتظر المزيد ... من كل جديد ...

,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,

[راعي ساموده]

رووووعه يابو نوره

الشاص ( امنية كل طير بر)

[Abdullah K. AL-Hassan]

الغالي أبو نورة
شكراً على أهدائك هذا المقطع ..أخراج رائع ماشاء الله

لك كل الشكر والتقدير أخوك
AKH

[عاشق الغضا]

يعطيك العافية

[ابونورة]

السلام عليكم

ومن العايدين بعد الزحمة يالغالين

وياهلا والله بالجميع ومرحبا بكم

اخوي ذيب العرمة وراك على الشاص هههههههههههه

ابشرولا يهمك ندور لك قصيدة ثانية

اشكر لكم تشريفكم ومروركم الغالي على قلبي

واتنمى اني قدمت شيء يرضيكم

شكرا جزيلا لكم

وما قصرتوا

[الصمت]

عمل و مجهود رائع
=============
بارك الله فيك
========================

[قناص الحبارى]

اخوي الغالي أبو نوره


جزاك الله خير وبارك الله فيك


الله يعجل بالخير


واخراجك رااااااااااائع


أخوك ابو عبدالعزيز

[ابوعبدالمجيد]

وفقك الله اخي الفاضل ولا حرمك الله الاجر والمثوبة اللهم آمين

[عمار السفينه]

آآآآآآآآآآآآآآآآآآآآه

ياابونوره

قطعت نياط قلبي وذكرتني بذكريات لا يمكن أن تنسى

ماشاء الله قصيده رووووعه

والمقطع راااائع جداااااً على القصيده

شكراً لك

وتم الحفظ على طوووووول