تمل ماجت الساعه 11 ؟؟

[راعي ساموده]

السلام عليكم ورحمة الله

الملاحظ مع بداية الوسم انك تطلع من صلاة العشاء وتقعد وتقعد وتسولف وتعشى وتمشى وتقضي اشغالك ,و.و.و.و تناظر الساعه تلقاه مابعد وصلت 10.30

يامرحباً بالشتاء وطول الليل والسمره

خصوصا لاصارت بحدا عروق الدهنا

[ابو صقر]

والله انك صادق

وتسلم على هالصوره اللي تفل الحجاج

مشكور

[ابونورة]

وعليك السلام

يازين الشتاء وبراده

مشكور يالغالي على الصورة

وياحظ من سخره في طاعة الرحمن

مشكور وماقصرت

[أبو سعيدان]

هذي حلات الشتاء ،،،، الواحد يصلي العشاء ويروح ويتقضى الخبز ومقاضي الأهل ويرجع للبيت وتوها الساعة ما وصلت 8.30 دقيقة على توقيت الرياض ..



وفي الصيف الواحد يرجع للبيت الساعة صاكة 10 مساء من الزحمة والسموم

[حامد الغامدي]

راعي ساموده، خيالك خصب،

الليل طويل والنهار يمر بسرعه، هذه بتلك.

تحياتي

[شايب الصمان]

خاولك أحد من أعضاءالرحلات عز الله أنك تبي تنبسط بالحيل وأسئل مجرب ..وماتدري عن الوقت مهب 11 الا يطير ... والله بجي الخير ةالربيع الزين وتكثر رحلات الرحلاتيين .

[الجارمن]

واذا صار الصحبة والاخوة يحبها قلبك شرواكم مثل ما قال شايب الصمان
ماتدري الا الساعة 2 فجراً
دايم الاوقات الجميلة تروح بسرعة
الله يجيب الشتاء والخيرات إن شأ الله

[هزيم الرعد]

صدقت
والشتاء زين بشبة النار والسمرة الطيبة مع الوجيه الطيبة اللي إلتقيت ببعضها البارح يومني أسامر كلا من العمدة أبو فراس وشايب الصمان وأبو صقر والجارمن
والله يجيب المطر والسيل ويجيب الربيع

[عمار السفينه]

يااااااااااااااااااازين الشتاء

ويااااااااااااااازين طول الليل فيه

اقول يازين الصوره اللي انت حاط

شكراً على اثارة الموضوع

[القطار]

راعي سامودة
سجل عندك واحد معجب بطرحك وخفة دمك.

نجي لموضوعك ( ليالي الشتاء) ما مثلك ليالي

هناك شيء عام يجمع عليه الجميع هو حب الجلوس والسمر حول النار وهذي أجمل شيء بالبر وبصراحة انك عزفت على الوتر الحساس وبالأخص اذا كان الجو مافيه هواء .

وهذا على حساب النهار فلو تلاحظ ان النهار قصير جداً وبعد صلاة العصر بوقت قصير يجب عليك التجهز لصلاة المغرب وهذا يشعرك بقصر النهار في الشتاء.

اتفق معك وبقوة

يامرحباً بالشتاء وطول الليل والسمره

[قناص الحبارى]

المشاركة الأصلية كتبت بواسطة ابونورة

وعليك السلام

يازين الشتاء وبراده

مشكور يالغالي على الصورة

وياحظ من سخره في طاعة الرحمن

مشكور وماقصرت

جزاك الله خير على الموضوع

وجزا الله خير اخوي ابونوره على الرد الرااااااائع

[القويره]

الاوقات الزينه تمر عليك بسرعة ولكن لمى تجلس لحالك تمر عليك وودك تشقق ثيابك

[فهدالدوسري]

الاخ الغالي
راعي سامودة
السلام عليكم
ياخيي من قال ان الشتاء زين لا ثم لا خاصه لي فيه رمتزيم او دايم يعرق سنه دينمو رش (الاصفر)
حق العمار
كل هالعوامل ما يرتاح راعيها مع الشتاء وتلقاه مغير يرقل من البرد وحنوسه تصافق سنها
فناجيل في طوفريه في يد ارفل
اقول لا تقسون الشتاء عليكم بس
اخوكم
خشم الحصان
.............
نغزه.......... ليتني وصوحبي في نهار القيض ........... ولا ليل الشتاء كله

[راعي ساموده]

المشاركة الأصلية كتبت بواسطة ابو صقر

والله انك صادق

وتسلم على هالصوره اللي تفل الحجاج

مشكور

هلا وغلا ابوصقر

[راعي ساموده]

المشاركة الأصلية كتبت بواسطة ابونورة

وعليك السلام

يازين الشتاء وبراده

مشكور يالغالي على الصورة

وياحظ من سخره في طاعة الرحمن

مشكور وماقصرت

جزاك الله خير يابو نوره وأزين ما بالبر انه يعينك على الطاعه