يالعمده ويا جماعة الخير إستوى راسي بدون ملح،وبليا مطرقة وصينية حنيني..@

[عبدالرحمن الدرويش]

السلام عليكم ورحمة الله وبركاته

وحياكم الله جميعاً بصراحة هالموضوع فيه نداء للعمدة ولمن يعلم الطريقة.. نداء ومطالبة بالإفادة عن ما ذكر بالرابط التالي..

http://www.alrahlat.com/vb/showthread.php?t=2832

للمعلومية هذا الرد كان لي بنفس الموضوع..

المشاركة الأصلية كتبت بواسطة ع.ف.الدرويش

شايب الصمان.. هلا وغلا

تقرير جميل جداً
ورحلة خفافية وصحب كرام
أما الشوي على الملح فهذا شيء ثاني
وليتكم تفيدونا عنها وبالتفصيل الممل
لأن الصور شيء والواقع شيء آخر
والله يعطيكم العافيه

أبو فهـد..

وهذا الرد كان لـ شايب الصمان..

المشاركة الأصلية كتبت بواسطة شايب الصمان

ع.ف.الدرويش

حياك الله وبياك ولعين والديك خلاك

طريقة الملح أطلبوا العمده عنه هو من أفادنا .................. طالبوا العمده ينزل موضوع عنه

من هنا أطالب أو بالأصح (فضلاً لا أمراً) أفدنا يا عمده أو أفيدونا يا كرام عن الطريقة هنا أو بتقرير مفصل.. فقد استوى الراس بدون ملح ولا مطرقة ولا حتى صينية حنيني..
وللجميع الشكر والتقدير..

أخوكم ومحبكم.. أبو فهد..

[هزيم الرعد]

أنا يوم سيرت عليهم ثاني ليلة
وسألتهم عن طريقة الملح ..والشوي اللي كله ملح " كله ملح يعني زين المنظر "
قالوا لي مالها أي سر ... بس ملح مفروش وفوقه الدجاج .. عاد اللي أنا أعرفه إن الملح يزيد الحرارة وممكن هالشي هو اللي يخلي الدجاج يستوي بهالطريقة رغم إنه بعيد عن اللهب الله يبعدنا وإياكم عن لهب جهنم

[ابو سعود]

والله ابوفهد والله ضروري نعرف كيف ونجربها احس انها حلوه بس مانبيها تحترق مثل طبختهم وتراك انت اللي بتسويها انا باكل بس

[الجارمن]

الاخ العزيز ابو فهد
بالنيابة عن ابو فراس وبالإصالة عن نفسي ( يسمع هذا يحسب نفسه قاعد بمؤتمر دولي)
الموضوع بإختصار تجيب كيس ملح خشن
وتضعه في قدر أو صينية على النار لمدة ساعة ، لاتنسى تفتفت الملح ولا تضعه كتلة واحدة وإن استلزم الامر استخدم المطرقة ، في أول الوقت تبي تسمع طرطعة الملح وهو يطبخ
وهذا شي عادي وطبيعي وبعد مرور ساعة تبي تختفي الطرطعة وهذا دليل استواء الملح ( انتبه ما يوكل الملح)
بعد ذلك يتم وضع الدجاج أو اللحم حسب الرغبة على الملح المستوي ويغلف بالقصدير ويوضع على النار لمدة ساعة أخرى
طبعا الساعة هذي عشان يستوي الدجاج أم اللحم اكيد يحتاج وقت اطول
وبالهناء والعافية ولا تنسانا عند الاكل

[راعي كيف]

السلام عليكم
هذي الطريقه هي جديد القديم وبعد إذنك يابو فراس
بختصار شديد فهي اقرب شيى للفرن ونسويها بطريقه اخرى بالمرو داخل القدر( الكاتم) او شبك يكون عازل او يبعد اللحم عن بطن القدر علشان يحتمي اللحم من الحرارة وينزل منه الماء والدهن و ما إن يلمس الماء والدهن بطن القدر إلا يبداء البخار بعمايله يعني يطبخ بالبخار ومعروف إن درجة حرارة البخار اعلى من الماء وعلى هالحاله الين يستوي وبعدين يشقر شوي ولا بد من تتبيله اللحم علشان يعطي نكه وفيه عدّة طرق لعل البعض جربها ولعلهم يفيدوننا .
واللي يبي اسويها له يعزمني بس واخليه يهلوس فيها .
راعي كيف
ابو ناصر

[ابو فراس]

ابو فهد

ترا الطبخة بسيطة بالمرة

اهم شيئ الملح خشن وهو ارخص المواد

افرش الملح بالقدر او بالحلة او بالصاجة حوالي ثلاثة سنتيمتر وحطه على نار قوية لين يحتمي الملح حوالي ساعة والامارية يوقف عن الطقطقه ومن ثم خفف النار وحط الدجاج او اللحم او السمك فوق الملح وغط القدر او بقصدير او بأي شي ثاني لمدة لا تقل عن نصف ساعة ومن ثم بالهنا والشفاء وادع لنا ولك ووالدينا والمسلمين اجمعين

والصور موجودة في مشاركة شايب الصمان وترا ما يحتاج مطرقة ولا شيئ الا اذا كان الملح قالب جايه رطوبة

[قناص الحبارى]

أخوي الغالي / أبو فهد

السلام عليكم ورحمة الله وبركاته


جزاك الله خير على أثارة هذا الموضوع ليستفيد الجميع من الشرح


وتسلم يا عمدتنا الغالي على الشرح المفصل .... وخلنا نشوف مواضيع الطبخ السريه ...

ولازم تطلع المستخبي ياعمده .......!!!!!


أخوكم/ قناص الحبارى

[حامد الغامدي]

ياجماعه انا أول سألت عن الطريقه في موضوع شايب الصمان، ما حد رد، يعني لازم الواحد يسوي موضوع عن السؤال، تراني زعلان.

على العموم نشكر الغالي القارمن وأخيه أبا فراس على شرح الطريقه ببساطه، والله يحفظ الجميع.

[شموخ]

بارك الله في جهودكم وعلمكم

فعلا الطريقة غريبة وتستحق التجربه والله