ملح ,مطرقه, صينية حنيني ,= طبخة أبوفراس العجيبه ؟؟؟؟

[شايب الصمان]

السلام عليكم ورحمه الله وبركاته

بداية الر حله من الخبر يوم الاربعاء فجرا لانجاز بعض العمل الخاص بشايب الصمان بالرياض . وكانت هناك محاوله لتطيب خاطر شايب الصمان بدل رحلة النقل المباشر من أم العصافير ..... شايف بروحي اني مهم ) وهم ماحسوا بي .

أتصل الغالي أبو فراس صباح الاربعاء وين وصلت .. ننتظرك على الوجبه ؟؟؟؟ . قلت لاماله داعي الانتظار قال الوعد الغضا بعنيزه قلت تم ...........
العصر وصلنا عنيزه ألو أبوفراس قال الوعد مزرعتنا .......... عان عان عان ( السياره تمشي ) أووو وقفت السياره عند موتر العمده سلام عليكم ورحمه الله وعليكم السلام الحمدلله على السلامه كنت يابوعبدالله مأثر عليك رمضان ( يقصد الوزن نازل ) قلت الخف رحمه ......... والشتاء على الابواب نستعدله ...الافتراس. .
مشينا وعان عان عان ورا أبوفراس رن رن تلفوني أقول يابوعبدالله الدوج يمشي ورا التويوتا قلنا أكيد أحترام لكبرسنك ........... وقفنا عند تموينات بعرفه أبوفراس على طريق الغضا عطنا جالون ماء وثلج وراح العامل يركض بسرعه وهو شايل الجالون يم سيارة أبوفراس وفجاءه رمى العامل الجالون وهرب الى داخل التموينات وأنتظر العامل يجي يحط الجالون داخل السياره ماحولك أحد وبعدين عرفت السبب .......................................



لان العامل يوم فتح الباب توقع يلقى مكان فاضي ولكن أنصدم من هول مارأى ......



وتحركنا الى المكان المقرر بالغضا وهذا العمده كما هو الله يعطيه الصحه والقوه ... يرفض مساعدته بالتجهيز

وعلامة الجوه للعزبه الدوليه



تأكيد لايمكن أن يتسغي العمده عن الدوج وهذا الدليل وهو من أمر بأستخدام تجهيزات الدوج من فور باي فور ( الابتسامه عفوا خاصه للجارمن وأبوصقر على فور باي فور )



كان هالدافور يشبه واحد من أول يوم انه دب ... مهب شايب الصمان أبد ..... وهو طبعا يتعرض عزبته الدوليه



العمده ماسك الملح ولانعلم ماهو المطلوب العمل به ؟؟؟؟



وبعدها أتى العمده بالمطرقه وووووو ... ونتطالع بالعيون الجارمن وشايب الصمان ماذا يعمل العمده هل أصابه مكروه لاقدر الله ( الله يحفظه من كل شر وأذيه )
ووضعه بصينية الحنيني الشهيره وحتى الان لانعلم ماهو السبب ...........؟؟؟؟



وخط أسم العمده للحفاظ على الحقوق الاختراعيه



وهنا عرف السبب وبطل العجب من العمده العجب العجاب



الانتظار وياطوله انتظار ( مقابل الجيش ولا مقابل العيش ) والجوع مايرحم



تصبيرات أبونواف الشهيره وخصوصا بوجود شايب الصمان ( تقل مهب أنا اللي منزل الموضوع كل شوي شايب الصمان ) .



والنتيجه فتاكه وطعم يضرب بالرأس من زينه ..



أنتهت طبخة الملح والمطرقه بصينية الحنيني ..... وتراه ذواقه كل واحد قطعتين بس = نصف دجاجه ...
ولانحب الاكل ...بوفراس الجارمن أبوصقر شايب الصمان ...... شفتوا اننا مانحب الاكل ويدنا أقل شىء .

بس تقل بقى لحيمة حاشي ناسيه أبوفراس بالسياره وخفنا أنه تخرب قلنا نحطه بالكاتم أحفظ له عن الحشرات وبقدر قادر ماندري من اللي حط الكاتم على الدافور ..... ولانبهنا عليه الا ألجارمن تقل ريحه أحراق وندور ندور وأكتشفنا بطريق الصدفه أنه الكاتم محطوط على الدافور .......... وهذي صورة الكاتم والحكم لكم ياجماعه



وبعدين لقينا خبر بر وعادي بسيارة أبوصقر راعي المهمات الصعبه ( أطلب تجد ).. طبعا حنا شبعانين والحمدلله ولكن مالقينا أحد من الرعيان وأضطرينا أننا ناكله



ومن الكفشات لسيارة العمده ............. ماهي أستخدامات الشنطه السوداء ؟؟؟؟ أجب تربح جائزه



سيارة العجائب الله يبارك به ويطعمه من خيره ويكفيه شره ويحفظ راعيه من شر يارب العالمين
وأعذرونا على التقصير وتابعوا الحلقه الثانيه من رحلة ملح ,مطرقه, صينية حنيني ,= طبخة أبوفراس العجيبه ؟؟؟؟ مع تغير بسيط بالعنوان

[أبو الحارث2]

الملح ماله تأثير على الدجاج؟ أتوقع أنه سيكون شديد الملوحة، صحيح وإلا لا؟

[الجارمن]

اكمالا للموضوع هذه بعض الصور لنفس الطلعة ولكن من زاويا اخرى

ترانا في طلعة برية محنا فى احد ورش الصناعية

هذه عزبة والا بقايا حادث ( اتركم لكم الخيار)

مقابل الجيش ولا مقابل العيش

ومازال للانتظار بقية

وبعد إنتظار اكثر من ساعة جاء الفرج من عندالله

الأكلة السابقة كانت تصبير للوجبة الرئيسية اللي هي

تذكروا هذا الموتر يبي يصير له صولات وجوالات خلال هذا الموسم

واخيرا مادري وش قصة هاالشنطة السمسونايت - شاكلها جاية غلط
يمكن عشان عزبتنا المصونة متطورة وتعدت عزبة ابوفراس حب انه يجاكر عزبة الجارمن بشي جديد ولا يخطر على البال
فحط هذه الشنطة كحركة جديدة في العزب

[الجارمن]

الاخ العزيز ابو الحارث
بالعكس الأكلة كانت لذيذة وملوحتها كانت مرة ممتازة
لان الملح فقط يمر على طبقة واحدة من الدجاج ولا يتغلغل إلى داخله
جربها بنفسك وسوف تدعي لابو فراس

[هزيم الرعد]

ماشاء الله عليكم
ماشاء الله ...منتب بسيطين
أجل جيتوا ...ولاعلموتنا
والله يانا جازت لي سالفة الصناعية
أما طبخة الملح هذي فهي شكله مايوحي إنه تطلع تمام << لاتفوتك ما يوحي
طيب ما يوحي أو ما يسمع << لايكثر بس
إذا لكم إجتماع الليلة بعنيزة تراي أبجي بس عقب العشاء ...وش قلتوا ؟
وهذاجوالي
0555137351
أبو صالح
إيه نسيت شي ثاني ... تراي ماعندي عزبة ولانيب راعي عزب بس أحب كشتات البر ...حتى الطبخ ما أعرف أطبخ
بس تبي تسبيع خذ رجال ...وعلى فكرة معي شهادة دبلوم تسبيع من الكلية التقنية بتقدير ثلاث صفاري ومغرفة

[عمار السفينه]

ماشاء الله تبارك الله

حركااات ولله

شغل نظيف

انا ادقق في الصوره احسبه سليق مهوب ملح (( ترااااي دااااااااايخ))

لكن نبي شرح مفصل لهذه الطبخه الجميله

شكراً ياابو عبدالله

وشكراً يالعمده

وشكراً يالجارمن

[راعي ساموده]

والله ياهي لقطه

شف العمده شكله يقول بنفسه :
متى بس تقظي هالطلعه على خير وامسك اللي قاللي هالوصفه ؟؟؟

شايب الصمان بينه وبين نفسه :

الله يهديك يابو فراس راح هالرجيم شهرين على فاشوش

[حامد الغامدي]

يابو عبد الله الطلعه هذي متى، هذا الدوج اللي كان معاك أول أو لا، على العموم انا ابغى أعرف ما هو دور الملح في الطبخ، هل هو موصل جيد للحراره ولماذا الملح، الحقيقه أول مره أشوف حركه زي هذي.

طبعا العمده أبو فراس مايحتاج راعي طلعات وما ينخاف عليه، تحياتي للجميع

[هزيم الرعد]

كان لي شرف اللقاء بكل من أبوفراس وشايب الصمان وأبو صقر والجارمن هذا المساء
ولقد تعشيت معهم ...الصراحة جلسة متكتكة وتوقعت ماكون الأجواء بهالشكل بس الحمد لله قمرا وفلة حجاج ..أبو فراس والجارمن سبق لي مجالستهم لكن شايب الصمان وأبو صقر لأول مرة أقابلهم
عندي بعض البيكتشرز أبنزلهن إن شاء الله

[راعي ساموده]

المشاركة الأصلية كتبت بواسطة هزيم الرعد

كان لي شرف اللقاء بكل من أبوفراس وشايب الصمان وأبو صقر والجارمن هذا المساء
ولقد تعشيت معهم ...الصراحة جلسة متكتكة وتوقعت ماكون الأجواء بهالشكل بس الحمد لله قمرا وفلة حجاج ..أبو فراس والجارمن سبق لي مجالستهم لكن شايب الصمان وأبو صقر لأول مرة أقابلهم
عندي بعض البيكتشرز أبنزلهن إن شاء الله

ماتركب صراحه مع ابو شكاع سابقا
يالله يالله ( عكوس )

[هزيم الرعد]

ههههههههههههههههههه
هن العكوس الله الله...
أصلا أنا منول أحسب كلمة بيكتشرز نوع من أنواع التريكات القويات مثل اللي مع شايب الصمان

[شايب الصمان]

عمارالسفينه

حياك الله ومشكور على تعليق ........

الشرح من العمده هو اللي مسويه بس ترا طعمه بالرأس من زينه .


راعي ساموده

بانت الامور وعرفنا من قال للعمده بس تراه يحب اللي قاله ولاوده يهوشه ؟؟؟؟!!!! أظن يابوفراس ماتقوى تقوله شىء من زود حبك له الله يديمه . بس كنه قالك على السمك لانه مجربه على السمك ... بس تسلم ومكثور الخير على ماقمت به .

تصدق أنك جبت الصحيح لايكون قريت أفكاري اللي بمخي الايمن ؟؟؟؟ بس عند الحاجه كل شىء يهون يعني نوفر آكل كم يوم بالبيت ونزل اللي زدناه .

مهراس
أبوفهد هذا نفس موتري بس أني دلعته وركبت له جنوط النوع الافخم ... وأي أستفسارات عن الطبخه أسئل العمده . تسلم يابوفهد

هزيم الرعد
أبوصالح الله يبارك بتنزيل الموضوع اللي خلك ترد ونشوفك وبعد معرفة ثلاث سنوات وأتصالات ومزح وسوالف شفنا هزيم الرعد .......... تراي ماجبت لك طاري الحقوق بالاجتماع ... .. أبوصالح خل البكتشيرز تمر عويفسحونه ؟؟؟؟؟؟؟؟؟؟؟؟؟ لى الرقابه

[هزيم الرعد]

ياهلا ياهلا يابوعبدالله ...
الله حيووووه ... الله يسلمك ويبارك بك ويخليك ... البارح كان ودي أجلس بس ماش ظروفي كانت دقاقتن بالحيل ..عاد الظروف إلامنه صارت دقاقة وأدق من ملح أبوفراس اللي لعب به الكابون لعب الواحد ما يقدر يتجاوزهن << أنتن يالظروف

تراي ماجبت لك طاري الحقوق بالاجتماع ... .. أبوصالح خل البكتشيرز تمر عويفسحونه ؟؟؟؟؟؟؟؟؟؟؟؟؟ لى الرقابه

وراه الرقابة عيو يفسحون الصور ياكافي
بعدين إذا صيدك " قصدك" التويس ...فهو مير والم ويثاغي من ثلاث سنين لمين تهرقلن سنونه وكبر بالعمر .. هالحين يبي له إعادة تأهيل من جديد لأنه من كبره صار من ذوي الإحتياجات الخاصة .. عاد تخيل تيس من ذوي الإحتياجات الخاصة .. وش لون تتذبحه

[قناص الحبارى]

الله يجمعكم على خير ولا يفرقكم يارب

والله انكم تستاهلون كل خير وتعليقاتكم انما تدل على مدى التآلف والمحبه ما شاء الله تبارك الله


أسال الله أن يسعدكم ويجمعنا وأياكم في جنات النعيم


أخوكم / ابو عبدالعزيز

[ثامرالماضي]

بسم الله الرحمن الرحيم

أما تعابير وجيهكم بالصوره ... قسم بالله قويّه يابوعبدالله ... وشكلك يوحي وبقوه إنك مسوي رجيم هههههههه

والطبخه هذي لازم نشوف لها تفصيل ممل ... ياخوي نبي نسويها ... عجلو علينا ... شكلها طعمه بالحيل ...

الله لايهينك يابوعبدالله ... كفيت وفيت ...

ونتنظر المزيد ... والمزيد ...

,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,