من النعيريه للمستوي

[كشات]

هلا وغلا بالشباب كلهم
صبحكم ومسيكم بالخير جميعا
بحمد الله طلعنا كشته مع الوالد والاخوان والعيال
وكنا مخططين اننا نطلع من النعيريه باتجاه ام عشر وساموده والحسكي ومن ثم المستوي وان كان باقي وقت مرينا فياض ورياض شرق الرياض
ولكن بعد ما شفنا اراضي ام عشر الناشفه(الله يجيب الخير) غيرنا وجهتنا وكان اقرب مالنا البريكه والا مشذوبه بالنهايه اتفقنا على البريكه حيث انه اقرب للقصيم ومنها للمستوي
وبدينا نقطع النفود
وماتوفقنا اننا نمسك لنا درب سهل وكان من حظ الشباب الصغار استانسو بالتطعيس والتحدي بين النيسان بترول واللكزس
والا الشاص الديزل ماحد يتحداه(حيث ان به الGPS)فهو دايمآ الاول بلا منازع
وهذه نتيجة التحدي تغريزة بترول قير عادي(الله يخلف على السواق بس)



وكل شوي وقفة استراحه وتمتع باجواء رائعه مع رذاذ مطر


وبعد وصولنا للبريكه لقيناه ماتسوى العنوه ولا حتى النومه فيها
فقررنا قبل الليل اننا ننام بحدى النقر بالنفود الي شرق من البريكه
وكانت ليلة متعبه نفسيا لنا
دفنا السافي والهوا شمالي صلف حتى بالنقر اللي بالنفود
ومن بكرا توجهنا لـ قبه ومنها لأم حزم والمستوي

والحين اترككم مع الصور
ارجو انها تجوز لكم وترتقي لمستوى ذوقكم












يتبع

[كشات]

باقي صور الكشته

وفي النهايه لايسعني الا ان اشكر الجميع على تشريفهم للموضوع

[الليل]

ياعلك سالم .
بيان وتبيان وصور دالة ..

[الجارمن]

الحمد الله على السلامة ورحلة موفقة
وصور اكثر من رائعة

[ابوريان]

الحمدلله على السلامه
صور رائعة وجميلة وأنا كنت بالنعيريه الأسبوع الماضي ولاكن مافيه ربيع يسوى الله يجيب الخير إن شاء الله.

[عاشق المطر]

صور جميلة
تشكر عليه

[ثامرالماضي]

بسم الله الرحمن الرحيم

لاهنت أخوي كشات على هالصور الرائعة ... وبكل صراحة تقرير مميز ماشاءالله تبارك الله ...

شكلها كشته وناسة في وناسه ... الله يهنيكم ويخلفها عليكم ....

مشكور وماقصرت ...

وننتظر المزيد ... من الجديد ...

,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,

[خالد الشريهي]

أخوي كشات

رحله جميله في أجواء أجمل

مشكور على امتاعنا بمثل هذه المناظر

تقبل تحياتي

[شايب الصمان]

حني ...... ( مشكور بس الى هالحين ماجاءة الشرهه )

[ريع الدياب]

الغالى كشات

الله يحييك ويسعدك .. هارد لك على مشوار أم عشر !!
يازينها العام الماضى .. كانت ملكة المنتزهات
حتى الآن يبدو أن أفضل الربيع فى جنوب وجنوب شرق الصمان
لكنا عشنا معكم الرحلة بالصور الجميلة (مو كن بعضها يحتاج
زيادة التباين Contrast)؟ .. لكن حاشوفها برضو!!
أما اطارات الصور .. شئ ثانى .. رهيبة ماشاء الله

[راعي الشاص]

الف شكر اخوي كشات
مشوار والله ، والله يعينكم.

ام حزم تستاهل العنوة .

[BASSAM]

اخوي ابو علي

رحله موفقه والحمد الله على السلامه


جزاك الله خير




بسام

[ابو فراس]

ابو علي الحمد لله على السلامة

تقرير مصور رائع كالحلم

وبعدين ما شفناك بهالطلعات مع راعي الونين

عسا ما شر

[المغترب]

شكرا شكرا ..
أخوي كشات على هالصور الرائعة
وليت تشرح لنا طريقت تنسق الصور ...

[كشات]

بسم الله

ماشاء الله تبارك الله الردود واجد
والوقت قصير
ولي عوده قريبه ان شاء الله
واللي عجبهم اخراج الصور تراني مسويها ببرنامج اسمه Photo Shaman من تصغير واطارات وتحديد جودة الصوره ونوعية الاطار وخرابيط واجد
واللي يبيه يبشر به

ولي رجعه بحول الله وقوته