طير ... ذلول ... عزبة ... ربع شدايد !!!

[ابو عهد]

بسم الله الرحمن الرحيم
السلام عليكم ورحمة الله وبركاتة
احيي اخواني بهذا المنتدى الرائع ...
الحقيقة في خاطري من زمان رحلة قنص بالطير ولكن ...
الرحلة غير شكل ابيها على ركبي ( ذلول ) مثل الاولين وطيري موكرة على الشداد والعزبة بالخرج
والماء بالقربة على جال الذلول والجو اقلاع ورفقاك كل واحد منهم على ركبية ...
وماغير تهيجن وتوسع صدرك لا مواتر ولا قولة خرب الموتر ولا بنشرنا ...
والعيال كل واحد معة طيرة واذا وقفنا بالمضحى نوخنا الركايب ..
ونزلنا والعيال تطامرو كل واحد وكر طيرة والركايب ترعى والنار شابة ...
ابي مثل الاولين ماقدر اكمل احس اني ودي امشي الحين
وشرايكم يا شباب مهوب جو رومنسي
قانص على ذلول ...
بس البلشة ان هديت طيرك وقفى وشلون تبي تلحقة ههههه.
وتقبلو تحياتي
اخوكم
ابو عهد

[محمد المعارك]

رحلة صيد بالطير من اول وهلة وبدون مقدمات ... اشوف انها صعبة التنفيذ .

لابد من وضع بروفة حتى تتلافى السلبيات وتتجهز ... لأن رحلة من هذا النوع لها مواصفات تختلف عن الرحلات بالسيارة.

في بريدة مجموعة من عشاق الترحال بواسطة الإبل ( أحفاد العقيلات) لو قمت بزيارة لهم يكون أفضل حتى تنهل من خبرتهم .

أرجو لك التوفيق .

[ابو عهد]

بسم الله الرحمن الرحيم
حي الله اخوي صقر ...
اشكر لك مرورك
اخوك
ابو عهد

[ثامرالماضي]

بسم الله الرحمن الرحيم

أخوي أبو عهد ... أحس إنها صعبه شوي ... القارمن والكنود ... لازم تشوف لهن حل ...

الصراحه شكل الرحله حلوه بالحيل ... على الركايب والسلق الله يكرمك يبارن الركايب ويخطمن عليهن .. والطير على الشداد من ورى ... الصراحه قمة بالروعة ...
وإذا بغيت تهد الطير إقرن ريشه عشان مايبعد ... خلك مثل الأولين صح ...

مشكور أخوي أبوعهد .. على هالرحله الخيالية ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,

[راعي الشاص]

تبي الصدق، تجربة مثيرة بس ننتظرك تطبقها وتعلمنا النتيجة.
الف شكر اخوي ابو عهد.
ولاهنت.

[ابو عهد]

بسم الله الرحمن الرحيم
اخي :
ابو شعلان
اما القارمن والكنود ما يحتاج ودي ادج بالارض واخوياك ما راح يبعدون نبي الوعد على النجوم ...
راعي الشاص
تبي توهقني تقولي طبق ونشوف النتيجة انا ابورط احد واشوف نتيجتة ههههههههههه
اشكر لكم مروركم
اخوكم
ابو عهد

[ذيب نجد]

ابو عهد الصراحه
انها فكره حلوه تركب على الذلول وتوكل على ربك

(اهم شي عندي اللحمه اذا خلصت اذبح احد البعارين واستانس او خل معكم حاشي يرعى بهالربيع )

سلا111111111111111111م

[ابو عهد]

ذيب نجد
اشكر مرورك
بس الركب على الذلول يبي شدة حيل مهيب سواليف مجالس !!!!!!!!!
اشكرك
اخوك
ابو عهد

[خالد الشريهي]

أخوي ابو عهد

مقناص على الركايب حلم كل راعي بر ومقانيص

لا اعلم ان كان هناك من ينضم مثل هذا المقناص............ لكن اللي اعرفه ان عتيق النايف صاحب متحف النايف في جبه ينضم رحلات على الهجن من جبه الى الجوف وبالعكس واذا الله يسر الشتاء القادم فسوف اجربها

اذا توفرت الهجن فما أظن ان الباقي صعب

تحياتي

[ابو عهد]

الاخ
ثملان
اشكر لك مرورك
ان شاء الخالق اني ابقنص بالركايب الموسم الجاي ( عقدت النية ) جلست مع الشيبان وسالتهم عن طريفية القنص بالركايب وشلون يتعاملون معها .
ابرتب لها ترتيب ان شاء الله تبي تنجح ... الله يكتب اللي فية الخير .
اخوك
ابو عهد

[سحمان السبيعي]

ماشالله عليك يابو عهد ذلول حته وحدة الله يستر عليك بس اذا سويتها بالله علمنا وش صار معك

[ذيب الخر]

السلام عليكم ورحمة الله وبركاتة :
أتمنى أنكم تقبلوني معكم كأخ في هذا المنتدى الجميل الذي يجمع الرجال على العلوم الطيبة
وأعلم أنه ليس مكان الترحيبات لكن موضوع أبو عهد جذبني إلى أن أشتركت في المنتدى
والله أنه خوش راي يابو عهد وإذا تبي خوي ودليلة تراني معاك على طول مايحتاج قارمن
وخرابيط من حايل والشمال كلة إلى عذفا وأن بغيت يمين ليا سنار أو يمين بعد للحزول ويمين
بعد للبه واللي تبي بس سم وأمر
بس فيه أمر محير وهو الركايب منين مصيبة تبيله ركايب مهن اي ركايب
تدري إذا لقيت ذلول علمآ ، ابي أشاور نفسي ههههههههههههههههههه

[ابو فراس]

ابو عهد فكرة اكثر من رائعة وسوف تجد ان شاء الله من يرافقك ويمول الرحلة ويرعاها

سجل واحد يبي يرافقكم بالسيارة يباريكم

[يعقوب الوهيب]

تعوذوا من الشيطان
واحمدوا ربكم
ولا تعذبون انفسكم وتعذبون هالبهايم معكم

ابو عهد
لاتنس الكامرة تاخذها معكم

[ابو فراس]

هذا همك يالمربد بس الصور

ورا ما قلت خوذوا قارمن وكنوود وماء وزاد وقدوع