..اللاندكروزر..

[عبدالرحمن الدرويش]

السلام عليكم ورحمة الله وبركاته

وحياكم الله جميعاً.. هذه كم صورة لـ الكروزر الجديد
وكالعادة ننتظر آرائكم..











وهذه صورة الـGx...



المحرك وكما سمعت يكون ثلاث فئات..
4.0 L و 4.5 L و 4.7 L بواقع 6 سلندر للفئتين الأولى والثاني و8 سلندر للفئة الثالثة أما الأسعار فتصل إلى ربع مليون ريال..!! (يمكن أكثر ويمكن أقل)

طبعاً.. وللأمانة الموضوع منقووول..

أخوكم.. أبو فهد..

[ابو سعود]

يا حيا الله اخوي الغالي ابوفهد

والله الاندكر القديم مهوب شين وازين من ذا الجديد بس الله لا يحرمنا من السفاري يا هو يطيب الخاطر والله انه رزه مهوب مثل ذا والله ما احد فيه 100الف والله ان شكله قريب من البرادو والله ان تايوتا خقو ما عند عندهم اشكل يطلعون بها.
على العموم الله لايهينك ولا يحرمنا من مشاركاتك يالغالي



ابوسعود

[أبوعبدالعزيز]

مشكور يا ابو فهد على الصور اللاند لو ياصل مليون يبي يشرونه الناس لكن سبحان الله شف الفرق السفاري الفل كامل سوبر سفاري ومركب واريح واوسع وسعره 160 الف يا بلاش عند هالدعله اللاند والناس اذواق ويبي يدرج بين الناس ويرغبونه لكن اتوقع انه صار موتر خط وسفر مثله مثل اليوكون والصالون والله يرزقنا واياكم جميعا من واسع فضله

[عبدالرحمن الدرويش]

المشاركة الأصلية كتبت بواسطة ابو سعود

يا حيا الله اخوي الغالي ابوفهد

والله الاندكر القديم مهوب شين وازين من ذا الجديد بس الله لا يحرمنا من السفاري يا هو يطيب الخاطر والله انه رزه مهوب مثل ذا والله ما احد فيه 100الف والله ان شكله قريب من البرادو والله ان تايوتا خقو ما عند عندهم اشكل يطلعون بها.
على العموم الله لايهينك ولا يحرمنا من مشاركاتك يالغالي



ابوسعود

الغالي ابو سعود.. هلا وغلا

اللاندكروزر كله شين إلا الشاص والربع .. أما الموديلات تحت الـ97 يا زينها والله.. وبالنسبة للسفاري صدقت الله لا يحرمنا منه وش حلاته وش ملحه حتى سعره حليل ومناسب مقارنة بسعر التويوتا المبالغ فيه تصور وصل ربع مليون..!! لا وبالاخير مثل البرادو اللي بجنبه....
ما قصرت على الحضور والله يعطيك العافيه

[عبدالرحمن الدرويش]

المشاركة الأصلية كتبت بواسطة أبوعبدالعزيز

مشكور يا ابو فهد على الصور اللاند لو ياصل مليون يبي يشرونه الناس لكن سبحان الله شف الفرق السفاري الفل كامل سوبر سفاري ومركب واريح واوسع وسعره 160 الف يا بلاش عند هالدعله اللاند والناس اذواق ويبي يدرج بين الناس ويرغبونه لكن اتوقع انه صار موتر خط وسفر مثله مثل اليوكون والصالون والله يرزقنا واياكم جميعا من واسع فضله

ابو عبدالعزيز.. هلا وغلا
وحياك الله.. بصراحة ردك جميل وفيه ضربة ع الوتر.. وبالاخير تبقى مقولة لولا اختلاف الاذواق لبارت السلع.. اشكرك على الحضور والتواجد والله يعطيك العافيه..

أخوك.. أبو فهد

[Abdullah K. AL-Hassan]

وعليكم السلام ورحمة الله وبركاته

بصراحة ..ماعندهم سالفة مصممين سيارات تايوتا ويبغالهم جلد..
قلنا الاندكروز بيطلع رزه ..يشابه البرادو
بصراحة إذا كان هذا الشكل إلى الأربع سنوات القادمة بدون تغيير ستخسر شركة تايوتا خسارة كبيرة ...
والحمدلله عندي الشكل الي قبله ..وواحد من الشباب الله يهيده مايسمع الكلام وملزم على الشكل الجديد ....!!
بارك الله فيك يالغالي
و
تقبل مني خالص الود والتقدير والمحبة
أخوك
::
::
::

[قناص الحبارى]

اخي الفاضل / ع ف الدريويش

جزاك الله خير على الصور والمعلومات الجديده


بس بصراحه اللاند سياره جباره لكن سعرها حاااار شوي ...

ورآيي إن الواحد يرمم سياره بـ 5000 آلاف وإلا 6000 آلاف ويكشت فيها ولا يشتري جيب بربع مليون للبطناج والعزبه والماء ينكب والحطب شق الأرضيه والبيض تكسر على السيت والزيت أنكب على الفرشه ,,,,,, وإلى آخره


والحمد لله على العافيه وامسك الأرض وعض على سيارتك واستانس ...


هههههههههه


مشكور أخوي على الطرح مره أخرى

أخوك / أبو عبد العزيز

[Abdullah K. AL-Hassan]

المشاركة الأصلية كتبت بواسطة قناص الحبارى

اخي الفاضل / ع ف الدريويش

جزاك الله خير على الصور والمعلومات الجديده

بس بصراحه اللاند سياره جباره لكن سعرها حاااار شوي ...

ورآيي إن الواحد يرمم سياره بـ 5000 آلاف وإلا 6000 آلاف ويكشت فيها ولا يشتري جيب بربع مليون للبطناج والعزبه والماء ينكب والحطب شق الأرضيه والبيض تكسر على السيت والزيت أنكب على الفرشه ,,,,,, وإلى آخره

والحمد لله على العافيه وامسك الأرض وعض على سيارتك واستانس ...

هههههههههه

مشكور أخوي على الطرح مره أخرى

أخوك / أبو عبد العزيز

أخوي أبو عبدالعزيز كلام من ذهب
::
ربع مليون للبر والبطناج ...!!!

[هزيم الرعد]

اللي أعرف إنه صار أطول ...وأقوى مكينة .. هالناحيتين مهمات وفي صالح الموتر
مشكور أخوي