عزبة الربيع لا يقتنيها الجميع ( لايفوتك ) ........ أبو شعلان ...

[ثامرالماضي]

بسم الله الرحمن الرحيم

السلام عليكم ورحمة الله وبركاته ... وبعد ...

إخواني الكرام :

بما أننا مقبلين على خير وأمطار وربيع بإذن الله ... أحببت أن أعرفكم على هذه العزبة الرائعة ...
الذي لايمكن إستخدامها أبداً أبداً ... لأنها تسبب الموت المفاجئ أعاذنا الله وإياكم منها ...

وأنا سأفصلها لكم قطعة قطعة وأتمنى أن تجدو منها الفائدة ... وهي كالتالي :

أولاً نبداً بعزبة القهوه والشاهي ... كماتعرفون في الوقت التالي تم عزل عزبة القهوه عن عزبة الغداء .

=
=
=
=
=
=
=
=
=
=
=
=
=
=
العزبة ( الثاية ) ...


وهنا نرى أبريق شاهي معدن



وهذا أبريق شاهي غظار كبير



وهذا أيضاً أبريق غظار صغير



أبريق شاهي ستيل يبين عليه النظافة الزائدة ...



وهذا أبريق يقاله أستيل صغير ...



دله صفرا كشف ...



ملقمة قهوه ... وأحياناً حليب ...



أيضاً زمزمية للحاجة ...



مطبق تمر من دون غطا عشان مايخور ...



سكريّه للنفسيات !!!!!!!



طوفريّة ستيل مستطيلة



طوفريّة بلاستك للتنشيف المعاميل من الماء ...



بياله عايديّة ...



بياله كشخة حقة عزايم ...



فنجال صين ...



غظارة تشيل شوي ماء لتغسيل البيالات والفناجيل ...



غظارة تشيل ماء واجد أيضاً لتغسيل الفناجيل والبيالات



دبّة غاز ( دافور ) ...



راس دافور بريموس



هنا إنتهت عزبة القهوة ... وننتقل إلى عزبة الغداء ...

[ثامرالماضي]

وهنا نبدأ بعزبة الغداء ... قطعة قطعة ...

هذه العزبة (( الثـــايــه )) ...



وطبعاً القدور لازم تكون طقم عشان تدخل وسط بعض وهذي صور القدور ...







وهذا غطى عائلي يركب على القدور كلها ...



وهذا قدير لتخمير الرز ...



صحن غظار ( ماطقّه الشاكوش ) ...



اللي بالقدر يظهره الملاس ... وهذا هو الملاس ... مشخّل بعد ...



وهالصورتين بوادي إن حصل مريقه عليها قطيعات لحم ...





وهذي باديه أيضاً ...



وهذا منخل وقليل مانستعمله بالكشتات ...





عيون قز





هنا إنتهت عزبة الغدا ...

وننتقل بكم إلى الأغراض الشبه أساسية لإكمال الرحله ...

,,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,

[ثامرالماضي]

هاهي الأغراض الشبه أساسية لإكمال الرحلة السعيدة ...

الثلاجة (( الصبارة )) ... وأرى أنها أساسية ...



وهذا الترمس لحفظ الماء بارداً ...



جركل ــــ بطة ــــ مصب ــــ جاحوظة ... على حسب المسميات ...



سراج من الممكن إستعمال ... خل السراج وشف الجو هههههه



برميل مندي آآآآه يابرميل المندي ... لا وبكفرات بعد ...



دفايات ــــــ دفاية بالكهرب...



وهذي دفاية بالقاز ...




أخواني الكرام ... أتمنى أن تجدو الفائدة ... من هذه العزبة المتكامله ...

أي إستفسار أي مشاورة :: لاحد يردّه إلا الكيبورد ... ولاحد يستحي ...

أخوكم في الله : أبو شعلان ...

,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,

[أحمد العريني]

أخي أبوشعلان متى المزاد ؟؟

ضروري إعلانات وإبلاغ الأعضاء والفندق الذي سيقام في المزاد ولاتنسانا

صور روعة

شكراً لك

[يعقوب الوهيب]

حسبك الله يا ابا شعلان
الظاهر ان القهوة التركية اللي شربتها مغشوشة بشيء ثاني !!!

[محمد الديحاني]

مبدع يابو شعلان في انتقا العزبة صراحة عزب متكاملة للرحالة وانصح كل هاوي للرحلات اقتنائها:

[ريع الدياب]

الله يهديك بس يابوشعلان

خربت كل هالأشياء علشان تصور لنا عزبة الربيع !!!!
لازم تغير اسمها لعزبة الحنين ... على وزن سيارات الحنين اللى اخترعها صقر

لكن أحلى ما فى العزبة

دله صفرا كشف ...

[ثامرالماضي]

المشاركة الأصلية كتبت بواسطة قلم رصاص

أخي أبوشعلان متى المزاد ؟؟

ضروري إعلانات وإبلاغ الأعضاء والفندق الذي سيقام في المزاد ولاتنسانا

صور روعة

شكراً لك

هلابك أخوي قلم رصاص ...

هذي بنرفعها لبيت مال المنتدى ... يعني مافيه مزاد ...

ومشكور يالغالي على مرورك ...

المشاركة الأصلية كتبت بواسطة المربد

حسبك الله يا ابا شعلان
الظاهر ان القهوة التركية اللي شربتها مغشوشة بشيء ثاني !!!

أبو يوسف مرحبا مليون ...

لا لا لا لا غير صحيح ... أنا طايح هاليومين وضرب راسي بالباب ... مدري عاد يمكن الكنادر ضيّقة ...

مشكور على مرورك

المشاركة الأصلية كتبت بواسطة ابو زايد

مبدع يابو شعلان في انتقا العزبة صراحة عزب متكاملة للرحالة وانصح كل هاوي للرحلات اقتنائها:

أبو زايد ... أنت صديقي بقوّه

وكل شي تقوله صح في صح ...

مشكور على مرورك يالغالي ...

,,,,,,,,,,,,,,,,,,,,,,,,,,,,, تحياتي لكم ,,,,,,,,,,,,,,,,,,,,,,,,,,,,,,

[سحمان السبيعي]

شكرا لك اخي ابو شعلان والله انه موضوع متعوب علية من حيث المجموعة الراقية

[الوافي عزام]

ياسلام على هالعزبه يا ابوشعلان

يا اخوي حتى وهي قديمه لها طعم لآ شفتها بالبر ودافنها السافي

صراحه البر معطيها طعم آخر

شاكر لك على هذا المجهود الرائع الذي تشكر عليه

ننتظر كل جديد

[ثامرالماضي]

المشاركة الأصلية كتبت بواسطة ريع الدياب

الله يهديك بس يابوشعلان

خربت كل هالأشياء علشان تصور لنا عزبة الربيع !!!!
لازم تغير اسمها لعزبة الحنين ... على وزن سيارات الحنين اللى اخترعها صقر

لكن أحلى ما فى العزبة

دله صفرا كشف ...

هلا بالغالي أبو إسماعيل ...

وش أسوي ماحصلت شي خربان جاهز شريت هذي العزبة وأعدمتها ... كله عشان هالمنتدى الغالي

ولكن عزبة الحنين لازم تكون تراثية وصغيرة ومرتبة عشان ينطبق عليها إسم حنين ...

مشكور يابو إسماعيل على مرورك الكريم

المشاركة الأصلية كتبت بواسطة كان

شكرا لك اخي ابو شعلان والله انه موضوع متعوب علية من حيث المجموعة الراقية

حياك الله أخوي كان ...

مشكور وماقصرت يالغالي ...

ومرورك أسعدني بالحيل ...

المشاركة الأصلية كتبت بواسطة الوافي عزام

ياسلام على هالعزبه يا ابوشعلان

يا اخوي حتى وهي قديمه لها طعم لآ شفتها بالبر ودافنها السافي

صراحه البر معطيها طعم آخر

شاكر لك على هذا المجهود الرائع الذي تشكر عليه

ننتظر كل جديد

حي الله أبو محمد ...

الله لايهينك يابعدي ... على هالرد الجميل ...

وعزالله إنك صادق ... السافي معطيها شكل خيالي ...

مشكور وماقصرت على مرورك يابعدي ...

,,,,,,,,,,,,,,,,,,,,,,,,,,,,,, تحياتي لكم جميعاً ,,,,,,,,,,,,,,,,,,,,,,,,,,,,,,,

[ابو سعد الرويس]

هههههههههههههههه

ابو شعلان هذي والله العزبه اللي تطرب الوااحد

شكل راعيها ما فيه مكان الا ونزل به

راعي معنّا الله يذكره بالخير

[حمد الجبيرى]

متا تبون تفتحون المزاد على ها لعزبه يبو شعلان هههههه وين لقيته هاذى من سنة الدفنه الله المستعان

[عبدالرحمن المحلاوي]

ما شاء الله تبارك الله .. وش هالرواقة ..


عاد العزبة .. شايفها بفلم تلفزيون .. مع عمر المختار .. أو أنا مشبه ..


بس الدلة الكشف .. بالحالة .. خوش دلة ..




سلمت والله .. يالغالي .. وسعت صدورنا بالحيل .. الله يوسع صدرك بالعافية .. وتعليقاتك رائعة جدا

الله لا يخلينا منك . . . يابو شعلان
.
.
.

[حامد الغامدي]

والله تشكيلة على كيفك باقي عليك تسوي بسطه ولايفوتك الطيب سمحنا على ريالين

فكره رهيبه يابو شعلان تجميع هالخرد