من واقع الخبرة(ليف الدلة)

[فهدالدوسري]

الاخوه الغالين
السلام عليكم

اخوتي واحبتي في الله اليوم بنتكلم عن عملية تنظيف الليف او الثامه اللي نستعملها مع الدله
وكيف نحصل عليها وكذلك عملية تنضيفها لكي تصبح جاهزة للستعمل مع الدلة
لئن الليف الموجود حاليآ ليف (صناعي) او ماخوذ من نبتات لا ندري من اين مصدرها وش
هالنبات او المصدر
والحين الله يغفر لنا ولكم هذا شرح مع الصور للعمليه

اخذ الليف او مصدر اليف

يتم اخذ الليف من وسط النخله (احسن) لان اسفل النخله يكون اليف قد بدا يخشب او يجبر وهذا ليس جيد ولا ينفع لدلة



ومن اعلي النخله يكون طري و زين شكله ونظيف ولكن يوذيك في التنظيف حيث يكون (اللحا) طري
اما اذا اخذتة من القلب يكون ناعم مره ويدلي يطيح من ثعبة الدله ولا يسمح بمرور القهوه بسهوله بسبب تجمع الهيل
وانتم عاد الله يثيبكم اختاروا اللي يعجبكم وانا افضل قبل القلب يعني لا طري مرة ولا مخشب مرة

غسل اليف

بعد اخذ الليف من النخله قم بغسله جيدآ وذلك للتخلص من الغبرات وقم بتربيص الليف او تنقيعه



بعد غسل الليف قم بوضعه في (سحله) سبيره او قدر المهم ان يكون الماء مغطي الليف واتركه
الين بكره(24) ساعة ثم غير الماء وتركه مره ثانيه مع التقليب الين تشوف ان الماء صفى



قص اطراف اليف

اخواني الله يثيبكم بعد ماتم تربيص او تنقيع الليف نقوم الحين بقص اطراف الليف الخشنه
التي مانحتاجها



هذي هي شريحة الليف بعد القص سنها قرص جمر ولا سبيدة هريفي
فرك اليف



بعد ذلك اخي الغالي قم بفرك الليف تحت البزبوز وانت تفرك قم ب ابعاد العيدان الخشنه وذبها علي جنب



وانت تفرك اليف تجد ان اليف بدا يتغير لونه ويطلع لك ليف يميل الي اللون شاهي علي حليب
واصل الفرك تحت البزبوز الين ترا انه معاد فيه شي واصبح زين

الفرق قبل وبعد

شوفو الفرق بين الليفه قبل الفرك والتنظيف وبعد الفرك والتنظيف



الفرق بين اليف الوطني والمستورد تشفونه في هالصوره



اما سبب الفرق بين اليف حق النخل و المستورد انة اذا حطيت اليف المستورد وهو رطب في الدلة يبقع بطنها
حيث انة ما يمتص الماء والبخر اما حق النخل ف بالعكس لا يبقع

وفي الختام هذي الليفه الي قدرنا ان حنا نحصل عليها



عموم اخواني ارجو ان اكون قد وفقت في طرح الموضوع

اخوكم
خشم الحصان
............
((عند النقل ارجو ذكر المصدر منتدبات الرحلات))

[أحمد العريني]

أخوي خشم وعليكم السلام ورحمة الله وبركاته
ليفه 2008
مشكور على هالتعليمات

[سرهيد]

السلام عليكم

موضوع رائع ومعلومات جميلة اخي الكريم

اضيف لك ان الليفة الصناعية هذي اللي نشتري من البقالات له طعم يغير في طعم القهوة ومن يشرب يظن ان القهوة ما حكرها صاحبها

ومن اليوم ورايح ان شاء الله عز الله ما تطيح ليفة النخل هذي من معاميلي

[أبوعبدالعزيز]

عليكم السلام

الف شكر يا ابوجراح ليفه صحيه وبدون خسائر ويا كثر النخل كثراه



دقشه : يمدحون الشغل بالوزره

[أبوصالح الزعاقي]

الله يعطيك العافية يا خشم الحصان على الموضوع الجميل
مشكورررررررررررررررررررررررررررررررررررر

[المغترب]

ابو جراح ..
مبدع بكل ماتعنيه الكلمه في مواضيعك الهامه والمفيده ...
والله الا يحرمك الاجر والله لا يحرمنا من ابداعاتك ...

[ثامرالماضي]

بسم الله الرحمن الرحيم

أبو جراح دائماً مبدع الله يعطيك العافيه يارب ...

هالليفه حلوه حتى لونها يشرح النفس ... وياكثر النخل كثراه بس العجز مايخلي أحد يستفيد منه ...

شرح رائع ومصور الله يزقك الجنه ...

,,,,,,,,,,,,,,,,,,,,,,, تحياتي ,,,,,,,,,,,,,,,,,,,,,,,,,,,,

[شايب الصمان]

مكثور الخير يابوجراح وعزالله أن منظر الليفه يوسع الصدر وكني قاعد بقهوة جدي بعنيزه

[راعي الشاص]

ألف شكر لك اخوي خشم الحصان
لاهنت

[حمد الجبيرى]

اخوي ابو محمد جزاك الله خير ورحم الله والديك على الفائده

[Abu Ibrahim]

الأخ خشم الحصان

الليفه ولله الحمد جاهزه والباقي القهوة عند نفود(طريف الحبل) قبال خشم الحصان

تحياتي

[فهدالدوسري]

الاخوه الغالين
السلام عليكم

حياكم الله كلن بسمة وياهلا
...........
الاخ الحبيب
قلم رصاص
ارجة ان الموضوع جازلك الله يحفظك امين هلا بك
...........
الاخ الغالي
سريهيد
هلابك كل الهلا و مرحبآ بك اخ نكن له كل محبة واحترام ونرحب بك بين اخوانك في بيتك ومنتدك الرحلات
نعم اليف الصناعي اقشر على قاع الدلة خاصة الرسلان الاصلي حيث انة يبقع بها
اشكرك على المرور والمشاركة
..............
الاخ العزيز
ابو عبد العزيز
لله لله ياكثر النخل بس الكسل دهورنا وقمنا ندور عن الجاهز
.... صدمة......... ياحبك للحربثة .......... وزرة بمغاط ......... الحين اشرح عن اليف وانت
تهايق في الوزرة ...........
...............
الاخ الحبيب
همام
ياخيي ماشفنا حروف ........... اصفر ..........كركم
ولكن اشكرك على مرورك والمشاركة يالغالي
...................
الاخ الحبيب
المغترب
هلابك كل الهلا ولك بالمثل من الدعاء يابعدهم
...............
الغالي
ابو شعلان
نعم غدينا سن حنا محرولين من العجز............. ولا كطل الوقت نصف ساعة وانت قاص اليف
من النخل والبازي سوه في البيت
وياك اللهم امين
.............
الاخ الحبيب
شايب الصمان
اجل في قهوة جدك ب عنيزة........... اجل انتبة لا تعثر في اليفة...........
...............
الاخ الغالي
راعي الشاص
مرورك شرف يابعدهم والله يحفظك امين
..................

[Abdullah K. AL-Hassan]

وعليكم السلام ورحمة الله وبركاته

الغالي أبوجراح

بارك الله فيك وجزاك الله خير الجزاء على الإفادة

موضوع مميز

وحقيقة النخل فوائده لاتعد ولاتحصى

ألف شكر يالغالي

خالص الود والتقدير

محبكــ عبدالله

[المحمل]

بيض الله وجهك .. على المعلومة التي قد يجهلهاالكثير والكثير ...

بس لو كانت النخلة من نخيل الجو .. والا السفاله .. العزده

كفشة / لاتكون انت من اللي يمشون على مصلى العيد .. هههههه

[مهتوي]

لا عدمناك ياخشم الحصـــان ..

هذي المواضيع اللي تشرح الصدر .. يوم شفت ليفتك في الصورة ذكرتني بقهوة جدي الله يرحمـة ..

أبسويها مثل ماقلت وإن شاء الله ماأتقهوى إلا منها.
تسلم يدينك

مانستغني عن خـبــراتــك ..
علومك سـفـــرة ياخوي.....

أخوك مهتوي