السلام عليكم ورحمة الله وبركاته يا تل قلبي تل دلو من البير *** من عروته تله من البير ظامي من رحلة البيضاء
معبرة اخي احمد ومشكور اخي على هذه الصورة وبارك الله فيك. وأكيد أن هذه البئر تحمل اسماً مشهوراً وذا تاريخ.
ياليتك يابو اشرف كتبت هالبيت على الصور ة لكان ابلغ برأيي
وعليكم السلام ورحمة الله وبركاته الله عليك يالامير ابداع ولا اروع دمت بخير ولا تبطي علينا من هالزين اخوك
مسكين قلبه والف شكر اخوي احمد وصف وصورة تعبر عن الحال جزاك الله خير
معبرة وألف شكر.
ماشاءالله عليك يابو اشرف في كل ديره لك بصمه الله يقويك بالعافيه وصوره وابيات رائعه سلمت يمينك
سلمت يابو أشرف كالعاده .. مبدع تقبل مني
جزاكم الله خير ،،، وافرح ياعم ابو فراس سواها الذيب أبو فهد خلاص اضعها توقيع لي مدام اعجبتكم
هيضتنا يابو اشرف.............استلم تل قلبي تل دلو من العد الجذوب ناطحت به يوم تلت رشاه السانيه يوم جيت العد خالي وهو كان معروب ذي منازلهم عليها الذواري بانيه خايف قلبي من الجزن والفرقى يذوب يوم مروا بي رسمو الديارالفانيه ابن نوطان المري ــــــــــــــــــــــــــــــــــــــــــــــــــ ـــــــــــــــــــــــــــ ياتلّ قلبي تلّ غربٍ ربع سانيه ماعيّن منه غير العراقي براس أرشاه على أبو دليقٍ فوق دمث النحر كاسيه حمار وبياضٍ يشبه النوّ من منشاه أتشعشع أخلوم البدر لافرقّه بيديه يشادي الضباب اليا تعدى القمر غطّاه سعد بن جدلان لاهنت
تسلم يابو عبيد إليك القصيدة كاملة يا تل قلبي تل دلو(ن) من البير من عروته تله من البير ظامي يطرد ورا خمسة نياق(ن) مغاتير ضيعهن الله من ثلاثين عامي وأتلا حلاله شاة مكشات وأبعير من عقب ذود(ن) بألف ذود(ن) يسامي وإلا كما تل الرشا للنواعير لاشد حبل بكارها بالخطامي تصيح مثل صياح ليلى على الزير وين النشاما لابسين الحزامي يا بو حمد ماعاد بالراس تفكير والجسم ماعادت تشيله عظامي على الذي لامنّي أطريته أعصير يفز قلبي له بأدب وإحترامي شبيه نفسه فاق وصف الغنادير الطول بصري والمحيان شامي أدعج عنج كن الزهر والنواوير تفتحت في خد بدر التمامي سبحان من صور حلاياه تصوير وخلاه فتنه للبشر والانامي وخلى حياتي من تولعت به غير لاشفت زوله صرت مدري علامي أكّن له حب وموده وتقدير وأصير له بالنار برد وسلامي له بالحشا لجه وصفقه وتصفير يفيض حبه ويتبعثر غرامي من عذره ليامن مشا يخلف السير ولامن وقف في وقفته أمر سامي ماعندي بهّزه للاكتاف تفسير إلا أن قلبه فوق الأشواق حامي مشكاي يا ملجاي يا مسندي طير عجل وقلي يا رفيع المقامي وشحيلة اللي صوبه سهم تخدير من عينه اللي عوفتني منامي واذا اشتكيت لقاضي الحب يا منير صار الحلال بشرع غيري حرامي وإلا حكمني حكم جاير وتعزير ما كنه بدنياه صلى وصامي يا وجد حالي وجد راعي مخاسير من عقب نومه فوق ريش النعامي يطقها عوجا وتقفي مدابير حتى تنكر للزمن باللثامي على الذي يامنير مامنه تقصير كامل مكمل فوق صدره وسامي كن العسل يقطر من شفاه تقطير ممشوق قامة عود ريان نامي الزين ملكه والحلا فيه تأثير والحسن لامن شاف حسنه يظامي تكتب من أوصافه روايه وتعبير فيه الطبيعه لابسه ثوب خامي وأنا الطبيعه وكلتني خوابير ما تعترف بالطيبين الحشامي ياللي تسوي بي كذا ماأنت والخير حكمتني بالموت وأنت المحامي خف بي من الله يالله بدون تفكير إسرج لي ركابك وشد اللجامي ما بين تهليله وما بين تكبير حسبي على اللي مايقدر كلامي يامنير راح وروحته المقادير وبروحته خلى حياتي ظلامي ياكثر ماقضيتها بالمشاوير في غيبته كنت أحسب اليوم عامي يوم وشهر واسبوع وسنين تدوير أدوّره حتى وأنا في منامي أنشد وأدور وأسأل الناس وأصير بعيونهم من شان عينه حرامي وليا وصفته جوك حولي طوابير كلن يقول بخاطره مايلامي وأقول مثل اللي تقول الأساطير عمي وتكرم لأجل عينه عمامي يامنير صار القلب لوح وطباشير يكتب حروف أسمه على جرح دامي يابو حمد بالشور قلي وش تشير عجل قبل يجمع شتاتي حطامي الشاعر عبدالكريم الشداد
السلام عليكم ورحمة الله وبركاته سلمت على النقل وصح لسان الشاعر لاهنت
وعليكم السلام ورحمة الله وبركاته صح لسانك على القصيدة سلمت اناملك على الصورة تقبل مروري
العفو اخوي محمد اخي طاير بالعجة ،،، صح بدنك وبدن قائلها وتسلم على المرور
صوره تفوق الخيال والقصيد أروع لاهنت وننتظر جديدك ,,,,,,,,,,,,,,, تحياتي ,,,,,,,,,,,,,,
Security team
يا تل قلبي تل دلو من البير
العرض العادي
