من ضيقه الصدر والهوجاس حبيت أفرفرش وياكم بالصور القديمه

[شايب الصمان]

لظرف صحي عارض للخال صالح ( عسى الله يقومه بالسلامه ) لم أستطع الذهاب مع من دعاني لرحله بريه 12/1/1428 وكم أنا محتاج لمخاواته أينما ذهب .

وعلشان أوسع صدري قلت مافيه غير منتدانا الغالي أفضفض عليه بالصور ....
والى الصور


شمال أم قرين عام 2004



من كثر الديم ماشاء الله طبخنا داخل



لرحله عائليه بالصمان عام 2005 ماصدقوا أنهم شافوا لوحة البقاله .



أخي والغالي علي جدا وهويضبط الكبده في أم المصران عام 2003



ولقطه لملك الاجهزه البريه ومدير عام القنوات الشعريه والخبوليه وووووو


وكفشه على الطاير لشبيهي ورئيسي سابقه أبومحمد العزيز في ردايف أم قرين 2004 لا وأنا شارد من دورة التدريب لجل عيون أبومحمد لان تقرير دورة التدريب يجي عنده مع أنه بغى يعطين أنذار بس أشوى تراجع وذكر أني وديتهم .....( رحلة لحس الملح )

رحله لاتنسى أبدا مهما حييت من حلاوة هالصوره رحلة هلشة الوانيت




يتبع باقي الصور

[الجارمن]

ابو عبدالله
الله يستر من باقي الصور
لكن لا تحدني استخدم اسلحة الدمار الشامل - انت تعرف وش اقصد

[شايب الصمان]

صوره أعجبتي بالحيل



صوره للافتراس ياأبوفراس ( طبعا حنيني أم عبدالله ال..... ) بس عسى ولده يقراء ويرسل الشرهه السنويه الاضافيه



رشفة حليب على السريع



وينكم ياشرابته ............. طازج الله يدم الرخاء دايم الدوم ( من حلال أبومحمد ) عسى الله يباركله فيه


ولا أستغني عن تعليقاتكم جميعا ( وخص العمده ) شرف لي مخاواة

ومعليش نست روحي وطولت عليكم ولكن ترى به زود واجد .

أخوكم أبوعبدالله

[شايب الصمان]

المشاركة الأصلية كتبت بواسطة الجارمن

ابو عبدالله
الله يستر من باقي الصور
لكن لا تحدني استخدم اسلحة الدمار الشامل - انت تعرف وش اقصد

هلا بخوي

أستعمل الي ودك ولكن عندنا المضاد الي من أبوفراس ومصور المضاد نست الهناء أول ماوصلتونا .....

[عبدالكريم اليوسف]

الغالي ابو عبدالله
عساك على القوة على هالزين
صور تجعلنا نبحر معك في جمالها

لاعدمناك يالامير

اخوك

[شايب الصمان]

راعي الذوق الله يغليك عند من تحب بدون ماتدري

الله يقويك وخليك لعين ترجيك وهذا من طيبك أخي العزيز ولك الود والتحيه

[محمد المعارك]

هذا الموضوع المصور ممتع ... ماشاء الله عليك من عام 2003م وانت تحتفظ بالصور وماشفناها الا تالي ؟؟؟
مشكور اخي شايب الصمان على هاللقطات ( طبخ + أكل= اممممم) ههههههه
الله يوسع صدرك بالصحة والعافية لك وللخال صالح والقارئين أجمعين.

بارك الله فيك.

[طليحه ام ذيب]

الله يهنيــــــــــــــــــــــــــــــــــــــــــــــ ـــــــكم ...... الله يهنيـــــــــــــــــــكم
ماشاء الله ..

صور توسسسسسسسع الصدر .. وبعدين اكتب كل صورة وتحتها اسماء الاشخاص الله يجزاك خير عشان نبتل نعرف ربعك وحنيني مين .. ومين مسوي المرقوق هههههههههه
الصراحه صور روووعه تبهج الخاطر بجد الله يوسع صدرك بالعافيه ..

ولكن ترى به زود واجد

كفو والله .. نبي هالصور
ننتظر الجديد بشوق اخي الكريم ..

[الليل]

صور قديمة لكن رائعة ..
مشكور أخي ..
ورحلات وقفشات مميزة .

[مجهاش]

اشهد انك صياد ماهر حتى مديرك المسكين ما سلم منك يالشايب

ونسال الله ان يقوم خالك صالح بالسلامة وان يجمع له الاجر والعافيه

[ريع الدياب]

الغالى محامينا شايب الصمان

أول شئ ألف لا بأس على الخال صالح
الله يشافيه ويجعلها طهور ان شاء الله

صور جميلة جدا بجمال احساس راعيها
ذكريات عبرت أفق خيالى ................

[ابو صقر]

الله يعظم اجرك ياشويبنا
انا احسبك شايب صدق مادريت انك في ريعان الشباب الله يمتعبك على الطاعه
صراحه صور حلوه وصحبه احلى ربي يديم المحبه واجواء شي بس هلشت الونيت لحاله هههههههههههههه
وفالكم الافه والله يديم الود يارب

[BASSAM]

الف سلامه للخال صالح

ما يشوف شر واجر وعافيه للجميع

وجزاك الله خير على الصور الارشيفيه

ما قصرت






بسام

[شايب الصمان]

المشاركة الأصلية كتبت بواسطة صقر

هذا الموضوع المصور ممتع ... ماشاء الله عليك من عام 2003م وانت تحتفظ بالصور وماشفناها الا تالي ؟؟؟
مشكور اخي شايب الصمان على هاللقطات ( طبخ + أكل= اممممم) ههههههه
الله يوسع صدرك بالصحة والعافية لك وللخال صالح والقارئين أجمعين.

بارك الله فيك.

هلا بك والله وغلا

أما أنني أحتفظ بالصور فعزالله شايب وكل شىء يمكن أحتاجه وهذا الي متعب أم العيال
تقول ما تمسح ولاتقط شىء أبد . ولا وعندي صور من زمان ولكن في الايام المقبله .

[شايب الصمان]

المشاركة الأصلية كتبت بواسطة طليحه ام ذيب

الله يهنيــــــــــــــــــــــــــــــــــــــــــــــ ـــــــكم ...... الله يهنيـــــــــــــــــــكم
ماشاء الله ..

صور توسسسسسسسع الصدر .. وبعدين اكتب كل صورة وتحتها اسماء الاشخاص الله يجزاك خير عشان نبتل نعرف ربعك وحنيني مين .. ومين مسوي المرقوق هههههههههه
الصراحه صور روووعه تبهج الخاطر بجد الله يوسع صدرك بالعافيه ..

كفو والله .. نبي هالصور
ننتظر الجديد بشوق اخي الكريم ..

مشكوره وماقصرتي
ماهو مرقوق هذا حنيني أم ..........................
وشكرا على المرور .