العراجين

فهدالدوسري · 29-12-08, 11:45 PM

الاخوه الغالين

السلام عليكم

الله يادنيا اهل الخير موجودين و الجيره موجوده جاري الله يجزه عنا كل خير
ذكرني بالديرة سابقآ حيث التكاتف حيث ان الجار اذا طلع للبر وجمع شي
فرق على الجيران ........ الله يالدنيا
حيث الله يحفظة امين ارسل مع الوليد بعض العراجين مكثور الخير

نقره لعرض الصورة في صفحة مستقلة [/URL]

ولكن يالربع احد منكم (يعرف وشلون تطبخ العراجين هي مثل الفقع او تختلف) لي يخبر لنا طبخة
للعراجين لا يبخل علينا تبية مثل راعي القرية او الديرة منول
هي تنفع مع القبيبيطاة او المطازيز او المرقيقة او النثرية ......

اخوكم
خشم الحصان

راعي الشاص · 30-12-08, 12:13 AM

الف شكر لك اخوي خشم
العرجين لذته يوم تلقاه وتشوفهن تقل عظامة مركزة
اما الطبخ فهي تشوى او تسلق
لاهنت

حمد الجبيرى · 30-12-08, 01:00 AM

اخوي ابو جراح والله ياانت قديم هالحين صلحو بتزا عراجين شي على مستوا على العموم بعد التنظيف تطبخ مع اللحمه لانها تحتاج الى وقت لطبخها واذا ادت ان تشويها فما يحتاج تنظفها يتم تنظيفها بعد الشوي

اكليل الجبل · 02-01-09, 01:14 AM

اما بيتزا العراجين عاد تخيل
بيتزا لحم
بيتزا خضار
بيتزا مشروم
بيتزا عراجين

والله ياخشم الحصان عاد ما اعرف هالشغلات بس ان شاء الله هالسنة بنجربها .

**ابو فراس** · 02-01-09, 04:18 PM

يابو جراح احسن العراجين هي اللي تجيك مستة\وى واحد قبل لا ينتفخ الراس والله ياعليهن مقلقل احسن من لحمة الراس والكراعين

مريقب العيفار · 02-01-09, 07:26 PM

اخوي خشم الحصان

هلا بك

نظف العراجين من الرمل زين

نقعهن بموية ثم قشرهن

ونحطهن مع المرقوق او المكرونة والرز والخضار

لكنها تبي طبخ اكثر من اللحم

يعني اطبخها قبل اللحم

وترى ما كل عرجون يكون صالح للأكل

بعضها نقول عنه فايح

يعني خربان

لأنه له فترة ظاهر ولم يتم لقطة

والذ العراجين الطري ما هو اللين لا

بل اللي توه ظاهر

وعرجون الرمل الذ من عرجون القيعان وعراجين الفياض