سووا لي الكيف وارهوا لي من الدلة ,,, البن الأشقر يداوي الراس فنجاله ,,

[برق]

السلام عليكم ورحمة الله ,,,

مساكم الله بالخير جميعا ً ..

والله يا جماعة البارحة كنت عند أخونا الغالي أبو عبدالله ( عمار السفينة ) مسير عليه نسمع من سواليفه الزينة <<< ويعلمني على الكمرة اللي توني شاريها !! هههههههه

الشاهد صورت هالصورة ( والكذب خيبة ، الصورة باشراف أبو عبدالله ) لكن العمل أشوف إنه مرضي بالنسبة لي ..

((( سووا لي الكيف وارهوا لي من الدلة ,,, البن الأشقر يداوي الراس فنجاله ,, )))

نقدكم يا اخوان لا هنتم ، ترانا مستجدين على التصوير ولا نعرف فيه واجد ..

[محمد المعارك]

صورة رائعة
مبروك الكميرة وعساها فال خير عليك.

بارك الله فيك.

[البارق]

والله النعم فيكم كلكم أخوي برق وأخوي عمارالسفينة


ماشاء الله صورة جميلة بدون مجاملة



ننتظر الجديد....
,,,,,,, مشكور,,,,,,,

[فيصل الضويحي]

ماشاء الله

صوره رائعه اخي وخاصه انها باشراف ابوعبدالعزيز

تمنيت ان الدلال تكون في موقع واحد

لاكن مايؤثر على جمال الصوره

موفق اخي العزيز

[سهيل]

اخي برق

دام ابو عبدالعزيز حولك


ماعليك خلاف


شكرا لعدستك الرائعة


ومبروك الكاميرة الجديدة

[برق]

صقر ..

حياك الله يالغالي ، نورت الصفحة بوجودك ..




ضباب الصبح ..

والنعم بحالك يالذيب ، تسلم على هالطلة .


فيصل الضويحي ..



هلا بالغالي ..

وإن شاء الله نتلافى هالسلبية في الصور الجاية .


سهيل ..

الله يبارك فيك ..

ووالله إنك صادق ، أبو عبدالله والنعم ، بدامه حولك ثق بان الصورة تصير مرضية .

[ابو فراس]

للاسف اخوي برق الصورة ما طلعت عندي ياليت تحملهن على منتدى الرحلات

[برق]

أبو فراس ..

يالغالي الشباب طالعة لهم فووووق !!

وحاولت أحمل من المنتدى ، لكن يقول الحجم كبير !!

للعلم ، نزلتها على الفوتوشب وصغرتها ولا نفع !!

لو تخبر لي طريقة أقدر أطلع لك بها الصورة أكون لك من الشاكرين ...

[ابو فراس]

اسف اخوي برق

المشكلة من مقدم الخدمة عندي

صورة رررررراعة ما شاء الله علي هاليد والكمرة وهالمدرس

[ابويوسف]

صورة موفقة وما شاء الله الله يبارك لك في الكاميرا الجديدة وإن شاء الله الإبداع قادم فلا تبخل علينا

[عبدالكريم اليوسف]

الغالي
برق
كل عام وانت بخير
صورة جميلة والف مبروك الجديد
ولا تبطي علينا بمثل هالزين
فلك منا كل الشكر يالامير
اخوك

[برق]

أبو فراس ..

هلا بك مرة ثانية ، والحمد لله إنك شفت الصورة واعجبتك ، تسلم على مرورك .

أبو يوسف ..





الله يبارك فيك ، ومن ذوقك والله يالغالي .





راعي الذوق ..

وأنت بخير وصحة وسلامة ..

الأجمل هو تواجدك والله !!

وأبشر من على خشمي ( من هذي وهذي )

اخوك ..

[ابو صقر]

يامل العافيه ياخوي برق صوره رائعه وشكل التصوير في دمك
لاتخلينا كثر من الصور
ومبروك عليك الكاميرا

والشكر لخوي عمار السفينه

[شموخ]

رووووووعه


ماشاءالله تبارك الرحمن


الزين موبالكاميرا ياخوي الزين بالطريقة الصحيحة لتصوير


يعطيك العافية جدا روعه

[ثامرالماضي]

بسم الله الرحمن الرحيم

ماشاءالله عليكم كلكم ... وياليتني ثالثكم على هالجمعة الطيبة ...

الصراحه صوره قمّه بالجمال ... وأثر عمار السفينه معلم وحنا ماندري ... طيّب ... طيّب ...

مشكور أخوي برق وبيض الله وجهك وأظن عقب هالصوره مافيه عذر ... أول بأول وأنا أخوك ...

لاهنت يابعدي ... وننتظر المزيد ... والمزيد ...

,,,,,,,,,,,,,,,,, تحياتي ,,,,,,,,,,,,,,,,,,,