صلاله 2007(تسرق العيون وتبهج الصدور يالله لك الحمد)

[راعي كيف]

اخوتي الغالين
سلام عليكم ورحمة الله وبركاته
شفت جنه الدنيا وياليت ربي يتكرم على وعلى اخواني والمسلمين اجمعين يشوفون ويخلون جنه الأخرة دار القرار اللهم اجمعني مع احبتي في فردوسك الأعلى وحشرني واياهم مع النبيين والصديقين والصالحين والشهداء
اللهم آمين
قريباً على شاشه جهازك من منتديات الرحلات صلاله 2007 مع راعي كيف

شكلي بحمسكم شوي
ماراح اكمل إلين اشوف ردود واحد يمن على ربعه خطير

راعي كيف
صلاله2007
ابو ناصر
من كميرا الجوال إن 70

[شايب الصمان]

ويش الطبخه يابوناصر ... وقت غذاء ...... قصدي أكمل الله يجزاك الجنه

[عمار السفينه]

متابعييييييين يابعدي

صلاله جنة الجزيره العربيه

[محمد المعارك]

ههههه
يابو ناصر جز من هالمزح ....ترا الربع تحمسوا وخصوصاً يوم انك شبيت على الغداء !!!

ننتظر الباقي يابعدي.

[راعي كيف]

السلام عليكم
يامرحبااااااااااااااااااا هذي الكلمة الي ازعجت فيها الربع

امير الرحله ####ابو عبد الرحمن
اللجنه الهندسية والفنيه#### ابو ناصر راعي كيف
اللجنه الثقافية والدينيه#### ابو فيصل التميراوي
اللجنه الثقافية والدينيه ####ابو عبد الله السديراوي
اللجنه المالية#### ابو حمد الحساوي ( البير)

مشينا يوم الخميس بالليل وكان اول مبيت في الأحسار بعد ماخرب علينا المكيف صار يبرد الخلفي والأمامي خربط صار حار عجيب
مشينا الفجر من الأحساء متجهين الى منفذ البطحاء وتم الدخول الى الإمارات
ثلاثه بالهوية الجديدة الوطنية
إثنان بالجواز
مع العلم اني الوحيد اللي ماقصيت جواز ورحنا وجينا محد قال شئ
دخلنا الإمارات باتجاه العين الساعه 10 صباحاً وكانت الزحمة خفيفه جداً تيستر الأمور وصلنا العين 1 او 2 مذكر والله المهم اننا تغدينا بالعين وريحنا شوي وزينا المكيف وتوكلنا على الله يوم دخلنا عمان بحدود 50كلم خرب مرة ثانيه وصار يبرد الخلفي والأمامي حار مصفوق المكيف المهم عطونا العمانيين الخريطة حقت طريقهم المختصر

وعلى حسب الخارطة مشينا المهم نبيت اول لليله قبل صلاله 350كم بعد ما تعبنا من الطريق وحرارة السيار والحشره فيها توقفنا الساعه 10 تقريباً وتسدحنا على طول من التعب نمنا نومه والله ياهي نومه وكان الجو ونسمات الهواء عليله صلينا الفجر واخذنالنا تعسيلة بعد مشينا الساعه 7 تقريباً وبدو الشباب يتنومسون ويتقاصدون المهم و اول ما شفنا جبال ضفار وعليها الضباب بدت تقشعر البطون وتسمعلها اصوات وبدو الشباب تش تشك تشك تصوير في تصوير وقف لاتاقف وعلى الحاله الين دخلنا الجبال وقال لنا الأمير ابو عبد الرحمن ودعو الشمس ترانا ماحنا بشايفينها إلا إذا طلعنا وحنى نتلفت على بعض ونقول يارجال اسكت بس وفعلاً كلامه صحيح سبحان الله

وبدت الخضرة وبداء الضباب يلاعب الطريق ويحوسنا حوس ويالله يالله نشوف وعلى قمة الجيال في الطريق اوقفونا حقين السياحة وسجلو بيناتنا وعطونا الخرايط والكتيبات وكانو قمة في الأدب والإحترام
وصلنا صلاله بعد الظهر بقليل وندور على شقه يالله حصلنالنا في فندق ريدان وهو عبارة عن غرفتين وصاله وثلاث حمامات اكرمكم الله 30 ريال يعني 300ريال سعودي
ومن بكرة غادرنا الفندق وبدينا نهجول في كل مكان
وش تشوف وش تخلي
اللهم ان لا عيش إلا عيش الأخرة
واسف جداً على القرق والإطاله ونبداء بالصور

وسط صلاله شارع النارجيل


بسطات الفاكهه التي تسرق العقل منك وهي طازجة وتقطف من خلفهم من مزارعهم



واخرى من جانب اخر

يتبع
V
V
V

[راعي كيف]

المغيسيل


شاطئ المغيسيل كان اول من زرناه من اليوم الثاني لنا في صلاله
وكان المكان وزدحم قليل وكانت الأمواج تضرب يالجال وتنوفر ياسلام والناس ماغير صراخ

هذي فوق البيعه روضه الخفس 1427 كنه في صلاله
والله الخطمه




نرجع صلاله ( بعسيب )


والحين ابحط لي كم صورة والباقي يوم السبت إن شاء الله بس إذا ما صار فية اكثر من خمسين رد ابحذف الموضوع ولانيب مكمل
يالله ارجه على وراء ورتك وتفرج خمس يسدون




يدور فقع



بعيدة ياصلاله 2200كلم تقريباً
ولكن تستاهلين
تصدقون عاد يوم دخلنا الجبال نسينا الخط والتعب



ضباب كثيف



يالله انك لاتفتنا إلا بطاعك
ماشاء الله الشباب صورو اكثر من 15000صورة



والباقي يوم السبت


راعي كيف
ابو ناصر

[عمار السفينه]

كفووو ولله يا أبوناصر

صور حلوه وجميله

لكن تراه بعيد السبت الا اذا كنت ناوي تكشت

فانت مسموح ولاغيره مانسمح

وكثر من الصور

وهل رحتوا لضلكوت (( حدود اليمن ))

[شايب الصمان]

الى هالحين مانب مقيم الرحله حتى أشوف قدور الطبخ والنفخ لا شوف الوقت كم وانا كل شوي أنتبه من النوم وحاط الكمبوتر عند رأسي وماغير أحدث موضوعك......... الله يجزاك الجنه

[ريع الدياب]

ماشاء الله يابوناصر

رحلة موفقة وباين عليها كانت فى وقتها
وقت ربيع صلالة (بين أشهر 6 و9 بالتاريخ
الميلادى) ... صحيح صلالة ما تشبع منها
أنا أتوقع أنها تكون عاصمة السياحة العربية
قريبا ان شاء الله
تدلل يابوناصر ... بس لا تطول علينا بالباقى

[سهيل]

الله يجزاك خير ابو ناصر متعتنا بجنة الدنيا

الله لايحرمك والاخوان جنة الاخرة


لاتبطي علينا يالغالي

[فتى اليمامة]

متعتنا بجنة الدنيا الله لايحرمك والاخوان جنة الاخرة ومن يقرى الموضوع

وتراي من زمان ماشاركت بأي رد ولكن رحلتك حركت المشاعر وقلت ارد علشان ماتزعل علينا
والف الحمد لله على السلامة


لاتبطي علينا يالغالي
أخوك : فتى اليمامة

[أبو مروان]

وعليكم السلام

بإنتظار البقية يأبوناصر والصور الجميلة والوصف الممتع

ولا تتأخر علينا

[راعي كيف]

المشاركة الأصلية كتبت بواسطة شايب الصمان

ويش الطبخه يابوناصر ... وقت غذاء ...... قصدي أكمل الله يجزاك الجنه

ماهنا طبخه ولا شئ يابو عبد الله بس نحمسكم شوي
والقدور ماغير تش تش تش والشوي ماغير تس تس تس والبطون ما غير اغ اغ اغ هذي قصيدة صارت ههههههه
وبشر ابكمل

[راعي كيف]

المشاركة الأصلية كتبت بواسطة عمار السفينه

متابعييييييين يابعدي

صلاله جنة الجزيره العربيه

هلا هلا بالغالي اصبر شوي ياخلفهم عز الله انها جنة الخليج
والسبت قريب موبعيد وانت ازين بعد
ضلكوت انا اقول انها الفردوس الأعلى لصلاله هههههههههههههههههه ايه رحنالها وراح يسوون فيها منتجع سياحي جميل وشفا فيها الوبران 5 متر عنا ماجفلت وعبينا منها ماء من محطة التحليه حقتهم والصورة اللي قلت فيها ضباب كثيف واللي تحتها اللي فيها الرجال اللي يصور هذولي صور ضلكوت اههههههههه ياضلكوت

[راعي كيف]

المشاركة الأصلية كتبت بواسطة صقر

ههههه
يابو ناصر جز من هالمزح ....ترا الربع تحمسوا وخصوصاً يوم انك شبيت على الغداء !!!

ننتظر الباقي يابعدي.

هلا وغلا ببو احمد سكوت المدير جاء هههههههه لو اني داري انه تبي ترد على الموضوع سان كبيت الغداء على طول هههههههههه ابشر بالبقيه.