خطوات تطبيق الخيمة البلاستيكية ( الدائريه).

[بركان]

السلام عليكم ورحمة الله وبركاته

يعاني البعض من صعوبة تطبيق الخيمة البلاستيكية
وفي بعض الاحيان يترك الجميع واجباته الوظيفية البريه
ويتجهون لمساعدة صاحب الخيمة
وتبدأ المعركة والاقتراحات
والكل يدعي بوصل ليلى
ومعرفته بكل الطرق
فيبدأ يلوي يمينا ويسارا
والنهاية لاشيء
وان طبقها صدفة فلن يستطيع تكرارها ثانيه
اليكم بعض الصور لعلها تفيد:


































امل ان تكونوا قد استمتعتم بهذه الرحلة على امل اللقاء بكم في رحلة قامه والسلام عليكم ورحمة الله وبركاته وتصبحون علىخير.

وللعلم انا اللي يطبق الخيمة في الصور
ولست بعسكري!!!

[المواكب]

تسلم اخوي بركان تصدق اني دائم ابلاشبه ما قصرت وفالك التوفيق

[راعي الشاص]

وللعلم انا اللي يطبق الخيمة في الصور
ولست بعسكري!!!

بركان ، الف شكر لك ياللي منت عسكري

[النداوي]

مشكور أخوي بركان
الله يجزاك خير

أخوك أبو عبدالله

[ثامرالماضي]

بسم الله الرحمن الرحيم

يامال العافية أخوي بركان ... الصراحة إنه هالصور مفيده بالحيل ... قد يحتاجها الكثير من الرحالة ... لأن الواحد أهم ماعليه إنه يفكها وينام ... وإذا جاء وقت طويها ... قفلت معه ... وإلا يجونك اللي يتبيخصون ... إلين تخرب السالفة ...

عموماًً لاهنت يالغالي ... وبيض الله وجهك ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,,,,,,,,,,,

[الليل]

جهد مشكور ..
نتمنى أن يستفيد منه من يقتنى مثل تلك .

[ابو فراس]

يامال العافي يابركان

انا الى هالحين خربت ثلاث خيام

والله يستر على الرابعة ان عرفت اطبقه والا راح ادفعك قيمة الخيمة

فكر بالطلوع قبل النزول

الواحد اذا جاه النوم قام يتفيخر بخيمته واذا قام الصبح وبدو ربعه يظفون قشهم وركبوا سياراتهم وهو الى هالحين يسفط بهالخيمة

انا ما افك هالخيمة الا اذا صار معي ابو ناصر حيث انه يعرف له

[شايب الصمان]

الله يجزاك خير وماقصرت ....

طيب ويش رايك تسوي لنا دوره تدريبيه وأسرع واحد ياخذ الخيمه :d

[ريع الدياب]

الغالى بركان (( اللى مو عسكرى ))

جزاك الله خير على هالمجهود
أنا شفت الخيمة مع زملاء فى البر خلال الشهر الماضى
وعجبتنى .. بس بعد ما شوفت عفستها فى الطى صرفت نظر
أما بعد موضوعك فقد تشجعت (( مع ان عندى 6 خيام صغيرة)
وأسرعت الى محل المقناص فى الدمام وشريت واحدة


وكما ترى فان خطوات فتحها وصفطها مثبتة على الكيس


وهذه لقطة مقربة


وربما هذه الصورة أوضح

وبفضل الله ثم بعون موضوعك والتعليمات على الخيمة تمرنت عليها مرتين
وأصبحت زى شرب كاسة المويه (( وينك ياعمدة ياللى خربت 3 خيام ))
من الآن وصاعدا ستلازمنى هذه الخيمة ان شاء الله لسهولتها فى كل شئ

مستعدين لتقديم دورات مجانية لمن يريد (خاصة شايب الصمان) بس بشرط
يدعونى لرحلة بر معه !!!!!

[شايب الصمان]

مستعدين لتقديم دورات مجانية لمن يريد (خاصة شايب الصمان) بس بشرط
يدعونى لرحلة بر معه !!!!!

مستعدين ياأبوأسماعيل ( ولكن وقت البحر أقرب ) والسنه الجايه بأذن المولى عز وجل نطلع وانت حدد الوقت .

يعني نبي طلعه للبحر للجميع

[شعف]

يااااااااااااااشيخ الله يجزاك خير



انا اول واحد استفاد
كسرت الخيمة مرتين مع العجلة والجلافة ولحمها خشم الحصان
وكسرتها ثانية

مدري ليه المشكلة اني اطويها صح وإذا فتحتها السبوع الي بعده القاها مكسورة الظاهر اني منظول

مع ان موضوعك بسيط وخفيف بس والله مهم من جد


سلاااام


فريق ذيابة العتش

[القويره]

الله يعطيك العافيه

على الشرح الوافي على كيفية لف الخيمه
لكن المشكله ان اللي في الصوره شخص واحد
واحنا دايم نشوف في لف الخيمه خمس اشخاص وكل واحد يجلس
يحاول لفها وبالاخير تخرب الخيمه



شعف

العين حق وثاني مره لا تمدح شي لك عن احد

[التميمي]

يعطيك العافيه أخي بركان
الغالي أبو اسماعيل إيش الفرق بين خيمتك وخيمتك القاضي (( المبيت ))
لأنها أتعبتني جداً

[بركان]

السلام عليكم ورحمة الله وبركاته
تصدقون يا اخوان اني نسيت الخطوات ههههههههههه وقبل ما ادق سلف ( اخوكم ناوي يكشت) رجعت للنت وفتحت موضوعي في المنتدى
وراجعت ثمن سمع لي ولدي ههههههه.الين صميتها صم.

بس لو تعرفون وشلون عرفت تطبيقها ترى هذه الخطوات ناتج استهلاك درزن خيام ههههههه واغلبهم اتركهم في مكانهم.
بس المشكله لويحذف موضوعي وش لون براجع الدرس.!!!

[ريع الدياب]

المشاركة الأصلية كتبت بواسطة التميمي

يعطيك العافيه أخي بركان
الغالي أبو اسماعيل إيش الفرق بين خيمتك وخيمتك القاضي (( المبيت ))
لأنها أتعبتني جداً

هلا بالتميمى الغالى

أعتقد انها هى نفسها (( القاضى المبيت )) تيجى مشجرة أو بيج
وسعرها 140 ريال .. على فكرة اسم المحل فى الدمام القناص
وليس المقناص كما ذكرت سابقا بالخطأ ...
طبق مثل الصور مرة أو اثنين فى البيت وتجدها سهلة
مثل الشماسة حقت قزاز السيارات الأمامى اللى تنصفط بالثنى !!!
وأنا بالخدمة