شاهد شايب الصمان بقفص الطيور ؟؟؟!!! ومافيه أحد أحسن من أحد..هههه

[شايب الصمان]

السلام عليكم ورحمه الله وبركاته

كما تدين تدان ..................... ومن هالمنطلق فقد كفشني صقر بمساندة خشم الحصان بقفص الطيور ( الدوج ) ........... ومن الفكاهه بهالرحله أطلق خشم الحصان على الوحش كنه سياره طيور ... وأحيانا سيارة سمك عماني ................ترا بعض الاعضاء لم يراى هالكفشه أبوفراس فاتتك هالقطه ..ثهلان أبوشعلان السلام عليكم ( أرشح هالصوره أقوى كفشه بالرحله )



ومافيه أحد أحسن من احد.... التغريز لجميع سيارات الاعضاء غرزت وأولها الدوحش ( بس تغريزة فسق الهواء كان 40 ) .... ... وعلى طول الشماته بدوا شك شك شك شك شك .... بالكمرات تصوير والحمدلله ربي بداء بهم بالدور والى الصور وتعليقكم لرائع يارحلاتيين



بسم الله نبداء.......................... ..............
والعمده كعاده الرائعه دائما آخر الرحلاتيين لاطمئنان علينا .......التويوتا غزر ............


الحبيب الديزل ..................... ................... وأمير الرحله يتطمن على بقية الاعضاء بالجهاز........... هذه الاماره وبس ماشاء الله عليه .



النسيان ...... .... ترا الهواء مليان وقدامه طلعه وراه عثامير عشان كذا ماقدر
يطلع .....


أمير الرحله صقر بالجهاز مانشوفكم
يأبوفراس وينكم ...أبوفراس ... سهيل غرز موتره ..رجعنا يالربع الامير يصدر تعليماته لنا بالرجوع .. لوعوره المنطقه نسير موترين موترين وبالجهاز يتابع صقر أمير الرحله البقيه

[ماجلان]

هذي ما تتسجل يالشايب
شكل الرجال مريوس يدوركم وتعلق .... هنا تبين فائدة الديف لوك

[ريع الدياب]

أبو عبدالله ... كنك داعس البريعصى اللى دفاه خشم الحصان
بس الغريبة ليش خشم يأشر على الحذيان ويضحك ؟؟؟

[الروضة]

وعليكم السلام ورحمة الله وبركاته
والله قوية أصبح الطالب مطلوب


ولازلنا نتظر البقية وشكل القادم أقوى

[أبو مروان]

وعليكم السلام ورحمة الله وبركاته

طبعا موضوع بدون إنفلونزا الطيور أخي الغالي شايب الصمان

نلاحظ في الصور كلها إنهم مغرزين في النهار وأتوقع إنه أيضا تم إخراج السيارت خلال النهار

عادا



شكلك مغرز بالدوج في النهار ، وجاء الليل ولم تستطع إخراج السيارة

ولكن العمدة (كما هو دوره في مدينة جدة) جلس بقرب السيارة للحراسة طول الليل

وأتخيله يردد

يا ليل ما أطوالك ، ويا دوج ما أشينك

[أبوعبدالعزيز]

والله كفشات قويه ينخاف منكم اثر العالم كلها غاطسه

[هزيم الرعد]

هههههههههه
أما صورة شايب الصمان بسيارة الطيور .. جاية تمام
الله يستر
أجل إحتمال ينتشر بالرحلات افلونزا شايب الصمان
ريع الدياب أجل شايب الصمان داعسن البريعصي هههههههههههههههههههههههه
هذي رهيبة بقوة

[محمد المعارك]

خطير انت ياشايب الصمان... مشغول ومع هذا هذا ثالث موضوع نزلته عن الرحلة
لكن ان كنت ريحاً فقط لاقيت اعصارا

خشم الحصان والفرحة تعلو محياه يوم صك عليك باب سيارة الحمام هههههه

لاتتوهق مع خشم مرة ثانية ياشايب

شكراً لك وبارك الله فيك.

[حامد الغامدي]

رحلتكم يابو عبدالله كانت معاناه مع التغاريز، يعني تنسيم الكفرات ما نفع مع النفوذ الكبير؟، لكن تبغى الصراحه محليتها الصور والكفشات، ياليت كل مره تطلعون كذا، وانت حقاني ياشايب الصمان مثل ما لك، عليك، والله يسلمك على توسيع الصدر بهالمواضيع عن رحلتكم التاريخيه، سلامي على كل أعضاء الرحله.

[البرّي]

تسلم يا أبو عبد الله على هالموضوع الرائع

اللي ما أحسن منه الا كاتبه وربعه

هالصوره تبي تبرد كبد العمده لانك مررٍ ريقه من العيد بدوجك

بس شكلك بهالصورة كأنك بشبك ارانب وعندك طلعة الربع تبي تصيد لهم كم جوز

النفود هذا ما يبي له الا سيارات قوية وخفيفة ولا أحسن من الشواصي النيسان والتويوتا

اخوك البرّي

[شايب الصمان]

المشاركة الأصلية كتبت بواسطة ماجلان

هذي ما تتسجل يالشايب
شكل الرجال مريوس يدوركم وتعلق .... هنا تبين فائدة الديف لوك

أشكرك على توقيعك الرهيب جدا ...........

طيب مريوس وغرز وكان يدورنا ..... ( الظاهر أنك تبي العمده يزعل علينا ولكن قلبه طيب ) وهذي ويشلون مغرز

[شايب الصمان]

أبو أسماعيل ........... خشم يأشر لصقر يقول فرصه كفشناه كفشه جميله جدا .... ويقاله أنه يبي يسامني عليه ولا مهتم من هالصوره ولاحتى غيره لاني بين أخواني الكبار والصغار ......... .
------------------------------------------------------------------------
الروضه :
لازم الواحد يكون عادل يوم لك ويوم عليك .
------------------------------------------------------------
أبومروان :
التغريزه كانت أول ليله وباليل ولم تأخذ من الوقت الا القليل ... لانه عناد بلم أنسم الكفرات ...
والعمده دائما هو الاخير بكل الرحلات لانه يطمن علي الجميع .
--------------------------------------------------------------
ابوعبدالعزيز :
الكل أخذ نصيبه من التغريز ............ ولازم الرحله تكتمل بالكفشات .
---------------------------------------------------------------------------
هزيم الرعد.......... أنت وشلونك عساك طيب .... آه منك أقول تراي برجع حق الصمان الي قبل 4 سنين .
------------------------------------------------------------
صقر أمير الرحله :
الحمدلله خف الشغل شوي قلت لازم نوسع صدور أخونا بالمنتدى شوي ...... خشم غطا علي بالكفشات... ترقب ياالامير الحلقه الاخير من الرحله
---------------------------------------------------------------------------
مهراس الربع تنيسمهم تنسيم دلع اللي 22 واللي 20 ومشي حالك .... تعرف ظامنين بأن الله أن الدوج معهم عشان كذا مبردين .... والرحله اللي مهب بساط أحمدي مهب رحله عندي .... والحمدلله على أعضاء المنتدى كلهم من تقول أهنا طلعه كلهم قالوا سجل وأنت أول مره تقابلهم .
----------------------------------------------------------------------------------------
البري :
العمده هو أكثر واحد يحب الدوج حتى يمكن أكثر مني لان حبه لدوج بصمايم قلبه الله يحفظه ويحفظكم ...
الدوج موتر ماعليه كلام ولكن ييبغى وكاله زي الناس ...

[عبدالكريم اليوسف]

الغالي ابو عبدالله
كل الشكر لك على هذه الصور الجميلة
والتى تحكي جماليات الرحلة
وحب وصفاء اهلها
لاعدمناك يالامير

اخوك

[شايب الصمان]

العفوأخي الحبيب .... اللي جمل الصور هو روح الاعضاء وبشاشتهم ........... والحقيقه تقال فعلا لمسنا روح المحبه بهالمنتدى ومن تقول طلعه الكل ولله الحمد يحرص قدر المستطاع الحضور ..

[قناص الحبارى]

الغالي ابو عبدالله
كل الشكر لك على هذه الصور الجميلة والرائعه
والتى تحكي جماليات الرحلة ومتعتها ... ما شاء الله عليكم
محبه وصفاء ونقاء ... أسأل الله أن يسعدكم

والله أعجز عن التعبير عن مدى سروري بجمعتكم

لاعدمناك ومشاركاتك يالغالي

اخوك / أبو عبدالعزيز