=== ضحك عليه خير من صيداته ===

[يعقوب الوهيب]

الصيد من امتع الهوايات، سواء كان صيد بري (قنص) او بحري (حداق) .
واهلنا الاولين يقولون "ضحك عليه خير من صيداته".!!!
ولو تفكر الصيادون بما يعانون ويخسرون لكي يصطادو طريدة قد لا تتجاوز بضع كيلوات من اللحم/سمك لما قاموا بهذا الجهد والخسارة، ولكنها (ضحك عليه خير من صيداته).
فبالصيد متعة تفوق الكثير من الجهد والوقت والمال.
اذكر مرة كنا في الظهران وعندنا دراسة صيفي وفي اخر الاسبوع طلعنا للبحر نتعشى ونصيد بالليل وتخلف عننا احد الزملاء اللي ما يحب الصيد ونام بالسكن الجامعي، ووصلنا البحر وتعشينا وسهرنا الى ما بعد الفجر وكانت ليلة ممتعة. ولما رجعنا ومعانا صيدنا سمكتين او ثلاث (ما اذكر بس كان شيء بسيط) مرينا على صاحبنا بالسكن ووريناه الصيد، فكان رده "بس هذا صيدكم
ثلاث انفار،، سهرانين ليله كاملة ،، وآخرها سمكتين، الحين اروح للسوق واشتري احسن سمكة ارخص واحسن من سمكاتكم، وبدون سهر، وبدون تعب"...!!

انا بصراحة كان ودي اقـطـّعه مع السمكات < من القهر !!
ثم لما كبرنا وعرفنا الامور تيقنت بان المسألة مسالة اختيار، يعني هناك امور كثيرة نراها ممتعة وجميلة في حين يراها اناس آخرون مملة وقـبـيـحة،،،
والسعيد من يتوانى بـتــقـيـيم الاشياء الى ان يرى الجانب الجميل منها ثم ينصرف اليه وبممارسة هذا التمرين والتعود عليه تضمحل المظاهر القـبـيـحة من نظرنا، ونصير لا نرى الا الجوانب المشرقة من حولنا ..


بس من يقدر؟؟

[سحمان السبيعي]

شكرا اخي المربد على هذا الموضوع صحيح الناس في اذواقها تختلف منهم يعتب عليك عشانك تروح تمارس هوية الرحلات التغيب لمدة 3 ايام في البر ويقول انتم مهابيل وذا الصيف راح وسافر براء السعودية ويقعد شهر في بلاد لالها لذه بالنسبة لنا ونحن ننقد عليه ونقول وش موديك هناك فكل انسان له ذوق.

[ريع الدياب]

الغالى أبويوسف

خويك هذا مثل أحد أصدقائى تماما
كنت دائما أدعوه لمشاركتنا فى كشتة برية أيام الربيع
فكان يقول لى ليه أطلع معاكم؟ ايش لى وايش للهجولة
والنوم داخل كيس فى خيمة صغيرة وربما التعرض لخطر
الحشرات والهوام؟
شوف حديقة فيلتى فيها شجر ونجيل .. وأطبخ اللى أبى
فى مطبخ بيتى وأنام فى فراشى الوثير على سريرى المريح
وأشغل التكييف وأرتاح

نعم كان هذا رأيه ... ولم يخرج فى رحلة برية أبدا ومبسوط
ولا يدرى ايش اللى فاته ... واللى ماجرب البر ما يعرف طعمه

[ثامرالماضي]

بسم الله الرحمن الرحيم

مشكور أخوي أبويوسف على هالموضوع ...

صدقت والله حتى حنا ياهل الطيور في موسم المقناص يمكن نصيد حبارى وحده أو ثنتين ويمكن مانصيد شي ...
والصراحه نتعب موسم كامل مايقارب 5 شهور واللي يصيد حبارى وحده يجد من المتعة والوناسة الشيئ الكثير ...
ولكن المشكلة إذا رجعت من المقناص وأنت صايد ومستانس وقابلت أي واحد ماله دخل بالطيور ويقولك بس وحده ... ويقول ورى ماتقعد عند أهلك وتمشيهم وتشتري كل يوم كرتون دجاج أحسن من هالطيور اللي قاعد تلاحقهم بالبر ... مع إن كلامه فيه من الصح الشيئ الكثير لكنه يفقع المرارة ...

عموماً ماقصرت يابويوسف ... ويعطيك الف عافية ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,

[ابو صقر]

بسم الله الرحمن الرحيم

الله يعطيك العافيه يابو يوسف على هالموضوع

بالنسبه للصيد او رحلات البر تعتبر من الهوايات

ومعروف عن الهويات انها مكلفه والناس فيما يعشقون مذاهب

اي هوايه ماتحبها لاتحتقرها لان لها ناس يحبونها

ابو يوسف ابي امرك يوم الجمعة بعد الصلاة نلعب (كريكت)مع الهنود في هالقوايل والله من زين الهوايه بس انهم يحبونها

احس اني تفلسفت اكثر من اللازم غدين اسكت بس

السلام عليكم

[النداوي]

الغالي المربد لافض فوك وسلمت يمينك
أخي الكريم لننظر للموضوع من ناحية أخري
لننظر للإنسان الذي ليس له أي إهتمامات أو هويات
ستجد أن الإنسان إذا لم يشغل نفسه بشئ فأن حياته تصبح كئيبة
يكمن لأصغر موضوع أن يكون مشكله بالنسبة
وربما لكلمة أن تقلب حياته رأس على عقب
والعكس صحيح

أخوك أبو عبدالله

[عبدالكريم اليوسف]

الغالي حيل
أبويوسف
هلا بك وبسمو حرفك
كلام فيه من الحكمة الكثير
ولنا الشرف ان نطالع احد مواضيعك

عساك على القوة يالامير

اخوك

[ذيب نجد]

المربد كلمه حق ,منذ زمن لم ارى موضوع كهذا يناقش تعدد الهوايات ..

فغالب اهل الهوايات البريه تجدهم يتمتعون بصفات وعلوم الرجال مثل الكرم والفزعه من كثره مخالطتهم الرجال, بعكس اهل الهوايات الاخرى مثل متابعه الانديه والافلام ....... الخ

بس يمكن يجي واحد منهم ويقول انت متحيز لهوايتك و اهتمامك وتجعل هوايتك هي الافضل .

ومثل ما قال الشاعر الكبير بدر الحويفي الحربي :
منتب مثلي بين عاذل ولوام ............. من شان نفسي للصقارة عشوقه

دائما تجد كل شخص يلوم الشخص المخالف له بالهوايه بل بعضهم يستنقصه ويهمشه
ومثل ما قيل كلن ينام على الجنب اللي يريحه .

سلا1111111111111111م

[المغترب]

اخوي ابو يوسف..
شكر على المضوع الرائع ...
والصيد والرحلات مثلها مثل باقي الهوايات الثانيه ..
ولولا اختلف الاذواق لابارت السلع

[يعقوب الوهيب]

الغالي "كان"
سمعت عن مقابلة مع شباب يتسلقون الجبال .!!
ولما سالهم المذيع عن سبب ذلك قالوا له "ببساطة لانه موجود هنا".!!
تشرفت بمرورك يا بعدهم.


"ريع الدياب"
عندنا وعندك خير ، لنا زميل بالاستراحة يقول لنا "انا باني بيت بمليون ونصف فيه حديقة ومسبح وووو تبغوني اتركه واروح للبر.!!"
وانا دائما ارد عليه اقول له اهل القصور يتركونها ويطلعون للبر. وصدق من قال "ما ربيع دائم".!!
ابو اسماعيل انت اليد الحانية التي تشجعنا على الاستمرار فلك خالص الود.


ابو شعلان
ما تتصور فرحي بمشاركتك يا خلفهم
ومثلك عارف الاولين يقولون " اللي ما يعرف الصقر يشويه".!!
القصد ان نعود انفسنا على تفهم وجهات نظر الاخرين
نور الموضوع باطلالتك يا شمعة المنتدى.


ابو صقر
لكل هواية تكلفة ومخاطرة ، وكلما زادت التكلفة او زادت المخاطرة كلما زادت المتعة في تلك الهواية .
الله يحلل الهنود بالقوايل ، ما تشوف اللي يتسلقون الجبال!!!!
ابو صقر ما تصدق شكثر استانست يوم قريت ((ابو يوسف ابي امرك يوم الجمعة بعد الصلاة))

لعلك تعزم وتشرفنا يا غالي.


النداوي
يروون عن شايب سافر الى احد البلدان العربية وبالحدود استقبله المفتش وسـأله:
"حجي انت تشرب عرق؟"
قال الشايب : لا.
قاله انت تدور قـحــ.....؟
قال الشايب : لا
قال المفتش : انت تدخن؟
قال الشايب لا
قال المفتش : حجي شكو جاي هناه؟؟!!!!!

نداوي، مرورك وسام يا بعدهم .


السمو حسن ذوقك يا راعي الذوق
والمشاركة نورت الموضوع
بس اعطو صداح فرصة، وابشروا



ذيب نجد
المشكلة ان بعض الناس عندهم اكثر من هواية، وبعضهم يكون مبدع في اكثر من هواية وتلقاه مفرط في حقوق وواجبات كثيرة على حساب هواياته، نسال الله العافية والسلامة.
عندنا الاولين يسولفون عن ذيب المطلاع ، ولكن ما عمري سمعت سوالف عن ذيب نجد.<< المطلاع منطق حدود الكويت الشمالية، اسال خشم الحصان عنها.

نغزة: ارى فعل مضارع معتل الاخر اذا جاء بعد اداة جزم مثل (لم) يحذف حرف العلة ويصير (لم ار ).


المغترب يا عسلي انت !!
مرورك هنا دليل حسن ذوقك
وذلك الشمام اللذيذ. فهو قمة الذوق ايضا.

[محمد بن سيف]

موضوع جيد يعبر عن اختلاف الاذواق .
مره كنت ابطلع للبر انا والمرشد وبعض الشباب عصريه يعني ساعتين او ثلاث ساعات قهوه وشاهي وجلسه وكان اخوي الصغير (عمره 33سنه)معنا قبل نمشي قلت روح معنا قال وين قلت جهات الحذني وهذا جبل شرق الديره 10كيلو وكان الوقت بالقيظ ضحك وقالي والله لو انكم رايحين جبال الالب ما قدامكم الا حر وغبار وحصى اسود ومطاب تجيب الهم شاني وشانكم السلامه.
فلولا اختلاف الاذواق لباره السلع.
المربد لاعدمتك اشتقنا لك والعطله قريت
تحيتي
عليم العطش

[محمد المعارك]

موضوع جميل اخي المربد
مشكور
وبارك الله فيك.

[يعقوب الوهيب]

لا اله الا الله
يا عقايل الله ، يا عقايل الله
عليم العطش ؟؟!!!!
ايش هالساعة المباركة يا بو عبيـّد.
فعلا اخي لولا اختلاف اذواق الناس لبارت السلع. ولكن مطلبنا ان نروض انفسنا على تقبل وجهات نظر الاخرين فيما يعشقون من هوايات.
سلامي للاخوان و "ا ل م ر ش د".

[أحمد العريني]

أخي المربد
موضوع جميل وقد جربت الصيد البحري قبل عشرين سنه
عددنا سبعه وصلينا الفجر على الشاطيء ومرينا بورقه على خفر السواحل وطلعنا قبيل الظهر ومعنا قرابة 35 سمكه تغدينا عليها ومعنا نوخذه صح
مره اخرى مشكور

[يعقوب الوهيب]

صقر الصقور
الاجمل مرورك يا بعدهم


قلم رصاص
قبل عشرين سنة ؟؟
اجل كم عمرك الحين؟؟؟
نورت الصفحة يا شباب!!!!