رحلة قصيرة

[ريع الدياب]

المشاركة الأصلية كتبت بواسطة ابو فراس

يابو صقر ما شاء الله عليك بهذي غطيت علي

قبل يومين كنت هناك مع بعض الربع ولكن ما تسنى لنا اننا ناخذ صور او بالاحرى نسينا

متعك الله بالعافية يابو صقر مثل ما متعت الربع كلهم

صورة مع التحية لدكتورنا ريع الدياب ودنا نكرر الزيارة مرة ثانية لعنيزة وخاصة هالايام قبل موسم الصمان وش رأيكم يالربع

قولوا تم

دام أبوعبدالله عزم على المجيئ وقال تم فما
أقدر أقول الا تم ان شاء الله وكنا حيين بس انت حدد اليوم
ولك على أكلم أبومروان (اذا ماشاف الموضوع)
وأبومحمد الصبحى وأبوهانى العقيلى ... تمام ياعمدة ؟!!

[حامد الغامدي]

ماشاء الله يابو صقر، رحلة فطور الله يزينها بالعافيه والأجر مع الأخوان اللي معاك باين عليهم أهل وناسه كل يشتغل بواجبه، هذا والله الشغل السنع، والسمبوسه والله ما عندكم وقت قلي حتى في البر، طبعا من زين الخوه، مافي شي صعب، والأستراحه ماشاء الله تبارك الرحمن جنه وواحه جميله ليتك أخذت لها كم صوه ترى صور الخضار مع الصيام ماهي بطاله،
بارك الله فيك أخي أبوصقر أفطرنا معاكم وشربنا الشاي وعدلنا المزاج وسمرنا وتسحرنا في الخيال، ان شاء الله تكون حقيقه في المستقبل، تقبل تحياتي.

أبو فهد

[ابو صقر]

بسم الله الرحمن الرحيم

اخوي المغترب الله يبيض وجهك
ومشكور على مرورك وردك
البر يوسع الصدر ياخوي

الغالي ابو احمد الله يسلمك ويرضى عليك

ابو احمد تراني تقل شفتك قبل فتره تسأل اخوي عاشق الغضا
وهل تكتب في هالشكل (الغضى) او (الغضا)
بيني وبينك انا كنت اكتبه مقصوره
سألت واحد من الزملاء مدرس لغه عربيه وافادني بالاتي

الصحيح (الغضا)
والسبب ان اصل الالف واو والقاعده ان كل الف لينه اصلها واو في الاسماء الثلاثيه وتكتب الف طويله.
هذا كلامه والله اعلم

ياهلا ومسهلا بخوي a.k.h
والله كنك معانا والكلام هذا سمعته هناك قصر على الدافور ياولد
بس الوقت كان ضيق شوي
مشكور يالغالي

الله يحيك يابو فهد ويجزاك خير
وخلك حولنا على كلام ابو فراس
مشكور يالغالي

هلا والله بطير شلوى
هلا ابوشعلان
الله يسلمك يالغالي وماقصرت
ولاتدقق على ابو عبدالله ترى الكيبورد مافيه حروف يعني يكتب (غميضي)

يامرحبتين كباااار لعمنا ابو اسماعيل
الله يجزاك خير ياريع الديابه
ياريت تعيد الزياره انت وجميع من يحصله
نتشرف بوجودكم

تو ما اسفرت وانورت هلا بالعمده
حياك الله يابو فراس
انا قد هاشن قناص الحباري عن عدم نقل الكاميرا ومن عقبها وانا احاول ما انساها
رغم ان فيه اشياء زينه بس ماحصلها تصوير الجايات اكثر واحسن ان شالله

تكفتى..تكفى..تكفى
يابو فراس لازم على الربع يجون وابشر بسعد
قولو تم يالربع

جا وقت الافطار
اكمل في وقت لاحق

[الجارمن]

ما شأ الله ابو صقر
بداية ورحلة موفقة لموسم كله خير وبركة
صور الاستراحة والخضرة ذكرتني برحلة العام الماضي للعمياء
الا على طاري العمياء ودي اسأل شايب الصمان ايهم أفضل ربيع
فيضة العمياء والا الربيع في هذه الصورة

[سلفر]

لاهنت يابو صقر على هالرحلة

هذي رحلة تنشيطيه للرحلات القادمة

والله انك حمستنا الله يرزقنا بالحيا


تقبل تحياتي

[Abdullah K. AL-Hassan]

المشاركة الأصلية كتبت بواسطة شايب الصمان

صوره لابوفراس وخشم الحصان ... طلعت الخبره ماشاء الرحمن عليك أخوي الغالي ...

المشاركة الأصلية كتبت بواسطة شايب الصمان

دائما تتهمون بحب الاكل ... .... مع ان الاكل يوسع الصدر في كثير من الاحيان .... والدليل كل واحد بنا يهتم بعزبته أكبر أهتمام ...................

هههههههههه ياحبي لك أبو عبدالله..

لكن واحد فاضي وجوعااااااااااااااااااااااااااااااااااان..يعني الفاضي يحب يعلق ..والجوعان وده ياكل.هههه.......
تحياتي لك أخوك أبومحمد..

[ابو صقر]

بسم الله الرحمن الرحيم

قول وفعل يا حاتم الصمان
ياريت والله يحصلكم جيه نتشرف بجميع الربع

كفو والله يابو اسماعيل
ايه هذي العلوم السنعه عساك على القوة
ولا تخلي احد تكفى
عين فراش وعين غطى
ولاهوب قصور بعمدتنا العزيز
بس انا المنسق الاعلامي

هلا والله بالغالي ابو فهد
اسعدني ردك اللي يشرح الخاطر
وليش بالخيال ياخوي ان شالله الشباب جايين ويارب تكون ظروفك مواتيه وتشرفنا
ترا الاجواء جدا رائعه عندنا في هالاوقات

حياك الله يابو نواف
وربي يعيد ذيك الايام في ذيك الفياض اللي توسع الصدر
وهذي صورة تذكيريه بس عن رحلة العام الماضي للعميا

هلا والله بخوي سلفر
الله يسمع منك ياخوي ويرزقنا بالخير
مشكور يالغالي

[شايب الصمان]

المشاركة الأصلية كتبت بواسطة الجارمن

ما شأ الله ابو صقر

بداية ورحلة موفقة لموسم كله خير وبركة
صور الاستراحة والخضرة ذكرتني برحلة العام الماضي للعمياء
الا على طاري العمياء ودي اسأل شايب الصمان ايهم أفضل ربيع
فيضة العمياء والا الربيع في هذه الصورة

أبونواف كنك بديت بطريق بعض الناس .......... ........ لاطبعا ربيع العمياء مامثله .

كن على حذر أنتباه ..... ..... ترا ممكن نصف مع العمده ونسحب الدعم القوي لك .

[بارق أمل]

ماشاء الله يابو صقر على هذه الصور


يعطيك العافيه

[ابو صقر]

هلا بخوي بارق امل
وان شالله الرحله الجايه نشوفك

[عمار السفينه]

ماشاء الله عليكم ياابو صقر

فعلاً رحله رائعه ومميزه

خصوصاً حركات الفطور المزاااج اللي على كيفك

الله يوفقكم وييسر لكم

ولله الله بالمكاشيت القريبه بأذن الله

أخوك أبوعبدالله

[ابو صقر]

الله يجزاك خير اخوي عمار السفينه
وهذا بعض ما عندكم
والله يجيب الخير والمكاشيت
ويحصلنا نتشرف بشوفتك يابو عبدالله

[الغريب]

الله يعطيك العافية

[ابو صقر]

الله يجزاك خير اخوي الغريب

وشكرا على المرور

[مخاوي الصمت]

ماشاء الله تبارك الله