دحل ....... او دايش الحلال

[فهدالدوسري]

الاخوه الغالين
السلام عليكم

هاليومين زان الجو و الربيع وبدو الرحاله بعد الذبح والصلخ وعيد الاضحى بتزهيب اعمارهم للرحلات
بعض من الكشاته الله يهديهم اذا طلعو الي البر وخاصه في الليل وبذات في النفود او الصمان تلقاهم مابين الارض والسماء جلدي بهالموتر تقول شايفين هلال العيد ويبون يعلمون الناس وياخذون البشت ويالخمس ميه اللهم يكافي ولا... في سباق رالي سيارات مغير تقول الموتر صابونة مسك في بانيوم اذا طاحت من يدك وانت تفرك روحك.

والمشكله انه مايشوف الا قد مقدار نور سيارته وشوي ولا الدرب منتهي في مراح الحلال ومجفلهم او ناحر بيت الشعر ثم خذ لعلعه وصياح ورا هالبدوي نازل في وسط الخط ضاقت به الدنياء مالقاء الا الخط ينزل فيه لاياخيي البدوي مانزل في وسط الخط.
لانه مع كثر روحاته وجياته صار خطه مطروق وانت يالحبيب تحسبه خط (ام رجوم النقيان) غاديه عويناتك تقول عداد بنزين مره يم الخط ومره يم الجهاز (القارمن ) خايف لا تضيع وناسي ان رجيلتك علي البنزين ولا تهدي والليل علي مايقلون اعمى.
يعني ارفق ياخيي وسق بركاده حتي لا تصدم بيت الشعر او البعارين ولا تدوش الصخال و البهم والغنم
ثم بدال ماتروح رحلة تروح في خريطها .
و الطامة الكبرى هي ان بعض الخطوط او الدروب تنتهي بدحل تخيل ؟؟؟
بيقول البعض وش يدخل الدحل انا اقولك كثرة الروحة الي الدحول جعلة لها دروب تنتهي عندها بالضبط وبعض الدحول
ماعليها صبات تردك يادسكفري البر
مانيب اقول الركاده زينه حتي ولو في النهار

اخوكم
خشم الحصان

[Abu Ibrahim]

الأخ الغالي خشم الحصان
مشكور على المعلومات الرائعة
في الليل اقضب ارضك .............والركاده زينه في النهار

[سعد]

الله يثيبك على النصيحه لكن مع الاسف ما عندك احد الحين صارو يطلقون النار بالليل عند التنهاة وغيرها كنوع من التسلية
من باب السلامه ابعد عن اي فيضه في الليل ما ورها الا الحشرات والرطوبة وكل شوي جايك دايج مع ها القارمن ما يخلونك تنام

[المحمل]

يعني ارفق ياخيي

طالعتن من قلب

تسلم يا خشم الحصان على النصيحه

[محمد المعارك]

تقول الموتر صابونة مسك في بانيوم اذا طاحت من يدك وانت تفرك روحك.

صحيح يابو جراح

الصمان اصبح كأنه أحد الأحياء وخصوصاً الفياض المشهورة.

مشكور على هالنصيحة ....

وبارك الله فيك.

[برق]

جزاك الله خير يا خشم الحصان على هالنصيحة المهمة ..

ووالله إنك صادق في قولتك عن بعض الخلق إنه ملحوق إذا دخل البر !!

لكن ليت ذيك الفئة تفهم

[راعي ساموده]

تسلم والله يابو جراح على هالنصيحه ,,

مره بالصمان ( مطلقين الارض) مع هاك الجاده نبي نلحق على النومه بالدهنا وكان الوقت متأخر بالليل شوي ولا السياره طايره بين السماوالارض ,,,,,,,وو تخبط ذيك الخبطه الله فكنا منها ولله الحمد . وبعدها ماصرت اثق امشي بالليل ابد.

[الرحال الغامدي 07]

السلام عليكم ورحمة الله وبركاته
والله انك صادق ياخي بس المشكلة ان الشباب ينمون في النهار ومايصحى من النوم الا العصر يقوم يتخبط في المغرب مادرى ان المغرب اخس وقت للطلعة ..
بس في مشكلة انت نعت الكابرس بوكس ( الصابونة ) وانا سيارتي كابرس بوكس .. لذلك اطالب بتعويض ههههههههههههههههه
امزح معك
تحياتي يالغالي.........................

[عبدالكريم اليوسف]

الغالي
ابو محمد
كل الشكر لك يالغالي
على هذا الموضوع الجميل
والهادف بكل مايحمله من معنى
اخوك

[Abdullah K. AL-Hassan]

وعليكم السلام ورحمة الله وبركاته

الغالي ابومحمد

بارك الله فيك وجزاك الله خير الجزاء

كلام سليم 100%

ألف شكر يالغالي

خالص الود والتقدير

محبكــ عبدالله

[hattoomee]

واله صادق بكل كلمه قلتها..وتحياتي لك.....

[حامد الغامدي]

هذي الحركات اسميها طهبله، الله يهدي عيال المسلمين الله يهديهم، أحسنت يابو جراح بالرأي السديد.

[ابوتركي11]

تسلم يا خشم الحصان

على التوجيهات والمسيان دور لك مكان آمن للنوم وخاصه روضة التنهات من كثر الكشاته تخاف أنه يجيك واحد طاير ويظفك أن خيمتك ويقولون الله يرحم فلان دعسه واحد بالبر

[ابو فراس]

الليل له عين والنهار له الف عين

يعطيك ربي عافية يابو جراح