لاندكروزر 2009 كما يقال ........ثهلان

[خالد الشريهي]

السلام عليكم ورحمة الله وبركاته

في أحد مواقع السيارات لقيت هذا ويقولون انه لاندكروزر 2009










وهناك بعض المواصفات التي تذكر عن هذا المنتج منها نظام تعليق هوائي جديد يرفع السيارة ويخفضها حسب الحاجه اوتوماتيكيا

محرك 5.7 ثمانيه سلندر 350 حصان بست سرعات اوتوماتيكيه ومحرك ديزل 4.7

الموقع هنا

تحياتي

[محمد الديحاني]

الله يخلف على مواترنا

وليتك ماعلمتنا

على شكرا

[ثامرالماضي]

بسم الله الرحمن الرحيم

لاهنت يابو عبدالله ... أبد تسنه موتري بس يفرق اللون . والموديل . والشكل . والعزم . والمحركات . وإلا تسنه هو ... ههههه

مشكور وماقصرت ... والله يرزقنا وإياكم من صالح فضله ...

وننتظر المزيد ... من كل جديد ...

,,,,,,,,,,,,,,,,,,,,,,,,,,,,,,, تحياتي لك ,,,,,,,,,,,,,,,,,,,,,,,,,,,,,,,,,,

[النداوي]

الله يجزاك خير يا أبو عبدالله
أقل شئ نشوف الشكل

أخوك أبو عبدالله

[راعي الشاص]

ألف شكر ياثهلان
الشكل واضح انه انسيابي بعض الشيء
لاهنت

[فهدالدوسري]

الاخ الحبيب
ابو عبدالله
ثهلان
السلام عليكم
اقول الله يرحم والديك تهقاء كم سعره وتهقاء بتروحبه للبر وطامر فيه
او تجلده بنمره لين تعني عصافير بطنه
اقول هو اخير من لي في توقيعي
اخوك
خشم الحصان
....................
نغيزه............. يبله كرتون اسبرين كل مادحج الموتر دز حبه
دقثه...........(واحد اثرم) كم سعره............
سدمه......... قفاه ماعجبني سنه واحد مخنوق في عاير

[الجارمن]

الاخ ثهلان
اولا مشكور على هذه الصور
وثانيا اعتقد ان الجيب التايوتا سوف يتغير شكله العام القادم 2008
وسبق ان احد المنتديات نزل صور لهذا الموديل
وهو غير الشكل المنزل في هذه الصور
لذلك من الصعب ان شركة تويوتا تغير الشكل في 2008 ومن ثم تغيره ايضا في 2009
واعتقد والله اعلم ان هذا الشكل سوف ينزل اول في اوروبا وامريكا ومن ثم ينزل عدنا
وخير دليل على ذلك نيسان ارمادا نزل اول في عام 2001 في امريكا وبعد 5 سنوات نزل عدنا
هذا مجرد اعتقاد والله اعلم

[الوافي عزام]

والله مشكله كل مالهم هاليابانيين يدلعون الجيب ويطورونه اكثر من اللزوم

الله يستر لايجي بعد عشر سنيين وندور الموديلات اللي موجوده ذا الحين ونقوم نضرب الامثال فيها ونذكرها بالخير

الله لايهينك وشاكر ومقدر لك

[راعي الجمايل]

يارجال خل 2008 يطلع و2009 ربك يحلهاأتمنى أن لا أكون ثقيل على أصحاب المنتدى

[عمار السفينه]

ولله يااخوان اللي شاف أسعار 2008 بجميع انواعه

يبي يودع شيء اسمه لاند

لانه فعلاً اصبحت الاسعار مبااااااااالغ فيها بقوه

[راعي ساموده]

المشاركة الأصلية كتبت بواسطة الوافي عزام

والله مشكله كل مالهم هاليابانيين يدلعون الجيب ويطورونه اكثر من اللزوم

الله يستر لايجي بعد عشر سنيين وندور الموديلات اللي موجوده ذا الحين ونقوم نضرب الامثال فيها ونذكرها بالخير

الله لايهينك وشاكر ومقدر لك

انا مع اخوي ابو محمد , كثرة الخربطه والدلع بالجيب ماله سنع
والدليل الجيب الجديد الدبل ازرار مافيه عصا يعني بدال ماهي شغلة ميكانيكا دخل فيها كهرباء بعد

[Abdullah K. AL-Hassan]

جزاك الله خير أخوي أبوعبدالله
يصراحة مافيه أفضل من الشكل الحالي ..
وبتشوفون بعد كم شهر الشكل الجديد......
و مصمم الاندكروزر 2008 يبغاله جلد...
و مافيه افضل من الشكل الحالي.......

تحياتي أخوكم

[ابو فراس]

ابو عبدالله شف على دربك يشيل عزبتي او نهون الشرا

[خالد الشريهي]

أشكر جميع من شارك وعلق

بعض الصور التي ظهرت أخيرا من إستراليا للاند كروزر 2008 كما ذكر موقع motorauthority.com وسوف تعرض تويوتا هذه السياره في معرض سدني هذا الشهر










وفي التفاصيل أنه سيكون أطول من النوع السابق بـ 60 ملم وأعرض بـ 30 ملم وأرفع ب 15 ملم ومحركين 8 سلندر أحدهما بنزين والآخر ديزل تيربو

عشر وسادات هوائية ونظام تعليق هيدروليكي متطور ونظام تحكم آلي خلال السير في المناطق الوعره

تقبلوا تحياتي

[البجلي]

مشكور يالغالي
لكن اعتقادي بان الموديل الحالي شكله اروع من هذا
تقبلوا تقديري