بسم الله الرحمن الرحيم
إلى التفصيل
خريطة عامة توضح الأماكن اللي زرتها هذا العام
الجزء الأول رحلة هجرة حيل الحريم
خريطة تفصيليـة لموقع هجرة حيل الحريم
يفضل تحميل هذا الملف وفتحه عن طريق " قوقل إيرث " ليتسنى لك أخذ الإحداثيات ومعرفــة تفاصيل الأماكن وبعض الشرح والتعليمات .... إضغط هنا لتحميل الملف
لم أقصد الذهاب إلى هذه الهجره ولم أعلم بوجودها من قبل. سلطنة عمان لم تعلم بوجودها على الخارطة قبل 6 سنوات !! سوف تعلم لماذا
خـطـة الـرحـلـة
عبور هذا الجبل من قرية الإسماعيـة إلى الجهه الساحليـة (الطريق الأحمر في الخارطة) لذهاب إلى وادي ضيقة ومن ثم إلى مدينة صور بالمرور بقريـة طيوي. والهدف هو عدم المرور بالمدن الكبيرة مثل مسقط. لأني بغيت الرحلة تكون بريـة بالكامل
قريـة الإسماعية
صعدت الجبل وكانت بدايـتة سهله
وهذه نظرة من علو الجبل. ويبدو كاني ماخذ الصورة من على الطائرة
الــخــطــورة
في الطريق الجبلي. لم أعلم بخطورة هذا الطريق من قبل وإلا كان ماطلعت
مقطع فديو يوضح خطورة الطريق ...........أضغط هنالمشاهدة المقطع
بعد ماطلعت الجبل نزلت وادي لأستكشف المكان وهذا الوادي غير منفذ وكنت أعلم بذلك. أول مانزلت شفت بيت هادمـة السيل ومابقى من البيت إلى غرفـة في طرف الوادي وأثر السيل قديم لعلــه يكون من إعصار قونو(يالله إنك تخلف عليه). سلمت على الشايب صاحب المنزل وكانت عائلــته وأطفاله داخل الغرفـة.
الغرفـة على اليسار والمزرعة على جال الوادي
سألته عن بعض الأماكن ومن ثم رجعت من حيث أتيت وطلعت الجبل متجه إلى الكفوف
الكفوف
تقع في علو الجبل الأبيض, فيها بيوت شعبيه بناها السلطان قابوس لبدو المنطقـة. ولقيت بعض الشباب فيها وسألتهم طريق حيل الحريم يودي إلى وادي ضيقـة قالوا لا. وصفوا لي الطريق وسلمت عليهم ومشيت وقلت لربعي فهمتوا الوصف قالوا لا! مافهمنا عليهم لعل لهجتهم كانت قويـة. ذهبت مع طريق حيل الحريم وكنت مصر لأني شايف أن الطريق يوصل إلى وادي ضيقـة بالقوقل إيرث وراسمه ومنزله على القارمن. قلت الأفضل نمشي ونسأل أهل حيل الحريم.
النزله إلى حيل الحريم
أول مانزلت لقيت شيبان وشباب جالسين تحت ظل جدارأحد البيوت الشعبية حولت وسلمت عليهم وسألتهم قلت يودي الدرب لوادي ضيقـة ماجاوبوني قالوا اجلس تقهو وأصروا من طيبهم وكرمهم, جلست وتقهويت مع الأجاويد ونشدتهم عن منطقتهم وقالوا لي مايودي إلى وادي ضيقة قلت لهم انا شايف درب قالوا صحيح حاولوا انهم يسوون طريق لكن ماقدروا يكملونه.
البيوت الشعبيـة الجديدة
مسجد داخل الهجرة بناه لهم السلطان قابوس
المعلومات المستوحاه من الجلسـة معهم عن الهجرة : أهلها من قبيلة الـحنـظـلـي
مافيها ماء, حفر لهم السلطان قابوس بير لكن مالقوا ماء, كانوا يوردون الماء من وادي ضيقـة على كم حمار (يقارب 15 حمار).الأن تكفل السلطان قابوس برجل معه شاص يورد لهم الماء من الإسماعية.
مافيها مدرسـة, العيال يدرسون في مدرسة الإسماعيـه في الوادي, تخيل يومياً يمشون على الطريق الجبلي الخطر, يستغرق الطريق إلى الإسماعيـة ساعتان ونصف الساعـة, أيضاً تكفل السلطان قابوس بمن يوديهم ويجيبهم إلى المدرسـة.
فيه ممشى ينزل للإسماعية ويستغرق ساعة مشي على الأقدام.
إستأذنت منهم ولزموا علينا إلا أبات عندهم .. ماقصروا جزاهم الله خير .. ووصفوا لي درب العودة إلى وادي ضيقـة
اول ماقمت قام أحد الجالسين وهو يعقوب محمد سالم الحنظلي وقال تعال اوريك بيوتنا القديـمـة علشان تصورها !!!! في الحقيقة كنت مستعجل بغيت امشي قبل الغروب
هذا يعقوب وهو سعيد جداً بإستضافتنا
البيوت الحجريـة
العجيب
إن يعقوب قالي هذا بيتي وانا بانيـة بيدي ,, لحقتـة بالسؤال قلت كيف؟ أنت لحقت على هذي البيوت؟؟ قال نعم قبل 6 سنوات كنا ساكنين في هذي البيوت
بيت يعقوب وحرمتـه, يعقوب داخل يشرح لنا ويورينا أغراضه, وبيت عياله بجنبـه وبنفس الحجم
قال قبل 6 سنوات مر قابوس بالطيارة من فوقنا وشاف بيوتنا .. وأمر بأنه يبني لنا بيوت شعبــيــة ويوصل الكهــرباء والمــاء لنـــا
الجميــل
إن الشركــة التي تكفلت ببناية البيوت وتوصيل الكهرب .. وظـفـت شباب الهجرة ومنهم يـعـقـوب .. وبكل سـرور . قالي إنه كان يستلم 90 ريال عماني يعني 900 ريال سعودي في الشهر ....
وقلت له والحين وين تشتغل .. قال ماأشتغل .. قلت طيب ماتنزل الوادي وتشتغل .. قال ما أقدر أكمل يوم تحت ..(( من شدة الحر والرطوبـه أسفل الوادي .. مقارنة بالجــو الجمــيـــل البارد في الصيف على هذي الهضــبــة ))
سألته قلت ماتحن للبيت اللي بنيـته قال لا (بما معناه لا إن شاء الله دام عندنا هالبيوت الزينه ) ....
قلت له يجون ناس هنا قال إيه الأنقليز يجون يصورون !
بكل فخر
قالي تذكر مطر العام (يقصد قونو) قلت إيه قال أمطرت علينا مطر شديد ودخلنا التيوس في البيوت الحجرية وما خرت ماء ولا تهدمت.
سبب التسمية
سألته بعد .. ليش سُـميــت بحيل الحريــم ... قالي وهو يضحك .. كل الرجال من أول ينزلون يشتغلون ومافي البيوت إلا الحريم.
يعقوب وأخوه وهو قدام بيته
مطبخه
الحارة
والسلام عليـــكـــم
تقرير سريع ونبي منكم السموحــه
للرحلة بقيــة وهي النزول "المٌميت" إلى وادي ضيقـة
حـيـل الـحـريــم في ســلــطــنــة عُــمــان (تـقـريـر مـصـوّر)
العرض العادي
