فــيــه مــوضــوع جـاهـز مــن مــصــنعــي بس خوفتي تنقدون علي هههههههه راعي الهـــدد

[راعي الهدد]

.

والله يالربع فيه موضوع جاهز لطرحه بمنتدانا الغالي الرحلات

موضوع مصور اشبه ماله رحلة او كشته او عاد شي ماقد شفتوه

وجــاهــز مره مره مره

مقلقني كل يوم وهو بوجهي ملف الموضوع بسطح المكتب مجلد جديد 5

ومليت وانا اعاين فيه ومليت وانا احرها وابردها

ولا ادري وش الدبره

ودي انزله بس خوفتي تقولون وش جاه ابو حمد 000 ؟؟؟

عسى ما خلاف وش الطاري 000 ؟؟؟

وش اقلبه 180 درجه شغله ماهيب له ولا هو يمها 000 ؟؟؟

وأخاف البعض يقول ابو حمد مسوي فيها بتاع كلو على قولة المصري

هههههههههههههههه

الموضوع يحوي 100 صوره من عدسة ابو حمد

بمنطقة تبعد عن الرياض مايزيد عن 1100 كيلو تقريباً

وبعد التنقيح وخشيت الأكثار على القراء

صفيت الي يرفع الظغط

والي يخلي البعض يقولون وش علمه ابو حمد

وصارت حول 50 صوره او تزود شوي

يالربع مراقبين إداريين أعضاء إدارة

انتوا بتقولون خلو له فرصة ولكل رجال شطحه فانا بانزله بمنتدى الرحلات بأذن الله

ههههههههههههههه

أو اذا الدعوى بها مناقيد فصرف النظر مطلوب افتونا مأجورين

ههههههههههههههههههه

ترى يالربع ورب البيت أني جاد

والفتوى أمانه على كل من علم الحكم

ههههههههههههههههه

ياحبي لكم كلكم

وعيد الله عليكم مبارك وعقبال مانفترس صينيت الحلاو

وعمدتنا ابو مروان يعرمط فيها

ههههههههههههه

محبكم ومغليكم

ابو حمد

10/12/1428هـ

الـــرحــــــلات لـك بــالـــقــلــب مــــكــــان

.

[ابو سعد الرويس]

ما على الدنيا الحسوفي

نزله يمال الشحم وما عليك منقوود

خله مووضوع عالمي


50 صووره مطنوووخه من رااعي الهدد تهي تهي

[Abdullah K. AL-Hassan]

.................................

كفووووووووووووووووووووووو


الغااااااااااااااااالي

أبو حمد

الله يستر

هههههههههههههههههههههههههههههههه

الأشارة قدامك خضراء

بس لاتقطعها ههههههههههه

ونزل حتى الــــــــ 2000,000

وأكتـــــــــــــــــــــــــــــــــــــــــب

حتى ينتهي الحبر ..

أكتب حتى ينتهي الورق ..

أكتب حتى ينتهي القلم...

أكتب أكتب أكتب أكتب ...

فنحن نقرا ونصغي و نستمتع بما تكتب ..

أبو حمد بنتظاااااااااااااااااااااااار كل جديد ومفيد ....

فلاتقف وأكتــــــــــــــــــــــــــــــــــــــــــــــــ ــــــــــــــــــــــــــــــــــب

[أبو مروان]

السلام عليكم ورحمة الله وبركاته

كتب أخي الغالي راعي الهــدد

يالربع مراقبين وإداريين أعضاء إدارة

انتوا بتقولون خلو له فرصة ولكل رجال شطحه فانا بانزله بمنتدى الرحلات بأذن الله

ونحن بإنتظار نزول الموضوع من المصنع

[هزيم الرعد]

أبو حمد
أول شي كل عام وأنت بخير
ثاني شي يقول الشاعر
أنا رفيقك بالليالي المعاسير ...وإلا الرخا كلن يسد بمكاني
تبي تقول وش دخل هالبيت بالموضوع أقول لك مدري بس ودي أسوي روحي أعرف أجيب أبيات شواهد
نحتري الموضوع ولاعليك منقود
يارجال وسع صدرك ...وهات اللي عندك

[ابو صقر]

بسم الله الرحمن الرحيم

كل عام وانت بخير يابو حمد
وكل الاعضاء والمشرفين والزوار


تراك شوقتنا للصور ياخوي
توكل على الله يالغالي

وانا عندي اختراع بعد ابنزله بعد كم يوم الله يستر

بس بعدك

[مريقب العيفار]

ابو حمد والجميع كل عام وأنتم بخير وتقبل الله من الجميع

نحن بانتظار موضوعك

[سهيل]

ابو حمد

كل عام وانت بخير

واخلص على الرياجيل


شوقتنا لابداعك يالحبيب


وفالك كل الاشارات واللي حمرا اقطعها


متعك الله بالصحة والعافية



مغليك سهيل

[محمد المعارك]

أبو حمد
ماهنا مناقيد أصلاً

كل اللي يجي منك علوم رجال وما عليك ان شاء الله

توكل ... تراك شوقتنا

بارك الله فيك.

[شاهين]

السلام عليكم ورحمة الله /

حيا الله أبو حمد / راعي الهدد

أولاً شكراً على الدعوة لهذا المنتدى الرائع برجاله وانت منهم ولا يهون الربع .

ثانياً انت عارف مسبقاً إننا بنطارد مواضيعك الله لا يعوق بشر .

ثالثاً والأهم /

انت ليه خايف من النقد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ترى ما ينجح شي بدون نقد يعني مستحيل تزين الكبيسة بدون ملح وفليفل من اللي خابر

أقول توكل على الله واطرح الموضوع والله يعينك على النقد مني أنا اول من ينقدك لكن ما انتقدك


تحياتي وحبة خشم لخشيمك .

[البجلي]

ياهلا ومسهلا بالغالي
كل عام وانت بخير وجميع اعضاء المنتدى الكرام
اداريين ومراقبين واعضاء
ابو حمد كالعاده ما يجي منه الا الخير
عجل علينا ياخوك
شوقتنا وعلقتنا لانتظار القادم
وعلى قولتك
القااااااد ...... القادم ............ اشد وانكى

تقبل تقديري

[حامد الغامدي]

كل عام وانت بخير ياراعي الهدد

أبو حمد توكل على الله وحط رجلك، انا أحط مواضيعي على طول دقه وحده شختك بختك، وأبو مروان وأبو أحمد وباقي المراقبين انت تمون عليهم ولا عليك منقود يكفي موضوع شوف الصيد وعلومه

[ولد نجد]

مرحبا ابا حمد
مواضيعك نتشوق لها
امحط به ولا عليك منقود يالغالي

[راعي الهدد]

المشاركة الأصلية كتبت بواسطة ابو سعد الرويس

ما على الدنيا الحسوفي

نزله يمال الشحم وما عليك منقوود

خله مووضوع عالمي


50 صووره مطنوووخه من رااعي الهدد تهي تهي

ابو سعد اي والله

ماعلى الدنيا حسوفه 000 عقب ميدان القتال

ماعلى الدنيا حسوفه 000 عقب شجعان الرجال

وتسلم يالمطنووووووووووخ

بس ظنتي اول من يقول لي وش دخلك يابو حمد بهالمواضيع انه انت

ههههههههههههههههههه


محبك ابو حمد

[راعي الهدد]

المشاركة الأصلية كتبت بواسطة A.K.H

.................................

كفووووووووووووووووووووووو

الغااااااااااااااااالي

أبو حمد

الله يستر

هههههههههههههههههههههههههههههههه

الأشارة قدامك خضراء

بس لاتقطعها ههههههههههه

ونزل حتى الــــــــ 2000,000

وأكتـــــــــــــــــــــــــــــــــــــــــب

حتى ينتهي الحبر ..

أكتب حتى ينتهي الورق ..

أكتب حتى ينتهي القلم...

أكتب أكتب أكتب أكتب ...

فنحن نقرا ونصغي و نستمتع بما تكتب ..

أبو حمد بنتظاااااااااااااااااااااااار كل جديد ومفيد ....

فلاتقف وأكتــــــــــــــــــــــــــــــــــــــــــــــــ ــــــــــــــــــــــــــــــــــب

ابو محمد ياغالي

مشكلة بعض المواضيع تورط وبعض الكتابات تنكب

وأخاف تقولون وش قلب ابو حمد وش غيره شغله ماهي له ولا لأجداده

هههههههههههههه

بس رايك بنقلبه في الراس يالغلا

محبك ابو حمد